Read in తెలుగు / ಕನ್ನಡ / தமிழ் / देवनागरी / English (IAST)
క్షోణీ కోణ శతాంశ పాలన కలా దుర్వార గర్వానల-
క్షుభ్యత్క్షుద్ర నరేంద్ర చాటు రచనా ధన్యాన్ న మన్యామహే |
దేవం సేవితుమేవ నిశ్చినుమహే యోఽసౌ దయాళుః పురా
దానా ముష్టిముచే కుచేల మునయే దత్తే స్మ విత్తేశతామ్ || ౧ ||
శిలం కిమనలం భవేదనలమౌదరం బాధితుం
పయః ప్రసృతి పూరకం కిము న ధారకం సారసం |
అయత్న మల మల్లకం పథి పటచ్చరం కచ్చరం
భజంతి విబుధా ముధా హ్యహహ కుక్షితః కుక్షితః || ౨ ||
జ్వలతు జలధి క్రోడ క్రీడత్కృపీడ భవ ప్రభా-
ప్రతిభట పటు జ్వాలా మాలాకులో జఠరానలః |
తృణమపి వయం సాయం సంఫుల్ల మల్లి మతల్లికా
పరిమళముచా వాచా యాచామహే న మహీశ్వరాన్ || ౩ ||
దురీశ్వర ద్వార బహిర్వితర్దికా-
దురాసికాయై రచితోఽయమంజలిః |
యదంజనాభం నిరపాయమస్తి మే
ధనంజయ స్యందన భూషణం ధనం || ౪ ||
శరీర పతనావధి ప్రభు నిషేవణాపాదనాత్
అబింధన ధనంజయ ప్రశమదం ధనం దంధనం |
ధనంజయ వివర్ధనం ధనముదూఢ గోవర్ధనం
సుసాధనమబాధనం సుమనసాం సమారాధనం || ౫ ||
నాస్తి పిత్రార్జితం కించిన్న మయా కించిదార్జితం |
అస్తి మే హస్తి శైలాగ్రే వస్తు పైతామహం ధనం || ౬ ||
ఇతి వేదాంత దేశికేన రచితం వైరగ్యపంచకం
మరిన్ని వివిధ స్తోత్రాలు చూడండి.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
