Read in తెలుగు / ಕನ್ನಡ / தமிழ் / देवनागरी / English (IAST)
విదితాఖిలశాస్త్రసుధాజలధే
మహితోపనిషత్ కథితార్థనిధే |
హృదయే కలయే విమలం చరణం
భవ శంకర దేశిక మే శరణమ్ || ౧ ||
కరుణావరుణాలయ పాలయ మాం
భవసాగరదుఃఖవిదూనహృదమ్ |
రచయాఖిలదర్శనతత్త్వవిదం
భవ శంకర దేశిక మే శరణమ్ || ౨ ||
భవతా జనతా సుహితా భవితా
నిజబోధవిచారణ చారుమతే |
కలయేశ్వరజీవవివేకవిదం
భవ శంకర దేశిక మే శరణమ్ || ౩ ||
భవ ఏవ భవానితి మే నితరాం
సమజాయత చేతసి కౌతుకితా |
మమ వారయ మోహమహాజలధిం
భవ శంకర దేశిక మే శరణం || ౪ ||
సుకృతేఽధికృతే బహుధా భవతో
భవితా సమదర్శనలాలసతా |
అతిదీనమిమం పరిపాలయ మాం
భవ శంకర దేశిక మే శరణమ్ || ౫ ||
జగతీమవితుం కలితాకృతయో
విచరంతి మహామహసశ్ఛలతః |
అహిమాంశురివాత్ర విభాసి గురో
భవ శంకర దేశిక మే శరణమ్ || ౬ ||
గురుపుంగవ పుంగవకేతన తే
సమతామయతాం నహి కోఽపి సుధీః |
శరణాగతవత్సల తత్త్వనిధే
భవ శంకర దేశిక మే శరణమ్ || ౭ ||
విదితా న మయా విశదైకకలా
న చ కించన కాంచనమస్తి గురో |
ద్రుతమేవ విధేహి కృపాం సహజాం
భవ శంకర దేశిక మే శరణమ్ || ౮ ||
శ్రీ ఆదిశంకరాచార్య అష్టోత్తరశతనామావళిః >>
మరిన్ని శ్రీ గురు స్తోత్రాలు చూడండి.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Please provide text in Telugu with translation of meaning of Sri Adi Sankaracharya Kritis including Manisha Panchakam, Sri Dakshinamurti Stotram, etc.,
All these stotras are available in mobile app. Please download the app freely from Appstore and Playstore. Meanings are planned for future versions.
Thanks for prompt reply.
[provide thotakashtakam in text mode with meaning.
Prameshwara krupa