Read in తెలుగు / ಕನ್ನಡ / தமிழ் / देवनागरी / English (IAST)
తులసీ పావనీ పూజ్యా బృందావననివాసినీ |
జ్ఞానదాత్రీ జ్ఞానమయీ నిర్మలా సర్వపూజితా || ౧ ||
సతీ పతివ్రతా బృందా క్షీరాబ్ధిమథనోద్భవా |
కృష్ణవర్ణా రోగహంత్రీ త్రివర్ణా సర్వకామదా || ౨ ||
లక్ష్మీసఖీ నిత్యశుద్ధా సుదతీ భూమిపావనీ |
హరిద్రాన్నైకనిరతా హరిపాదకృతాలయా || ౩ ||
పవిత్రరూపిణీ ధన్యా సుగంధిన్యమృతోద్భవా |
సురూపారోగ్యదా తుష్టా శక్తిత్రితయరూపిణీ || ౪ ||
దేవీ దేవర్షిసంస్తుత్యా కాంతా విష్ణుమనఃప్రియా |
భూతవేతాలభీతిఘ్నీ మహాపాతకనాశినీ || ౫ ||
మనోరథప్రదా మేధా కాంతిర్విజయదాయినీ |
శంఖచక్రగదాపద్మధారిణీ కామరూపిణీ || ౬ ||
అపవర్గప్రదా శ్యామా కృశమధ్యా సుకేశినీ |
వైకుంఠవాసినీ నందా బింబోష్ఠీ కోకిలస్వరా || ౭ ||
కపిలా నిమ్నగాజన్మభూమిరాయుష్యదాయినీ |
వనరూపా దుఃఖనాశిన్యవికారా చతుర్భుజా || ౮ ||
గరుత్మద్వాహనా శాంతా దాంతా విఘ్ననివారిణీ |
శ్రీవిష్ణుమూలికా పుష్టిస్త్రివర్గఫలదాయినీ || ౯ ||
మహాశక్తిర్మహామాయా లక్ష్మీవాణీసుపూజితా |
సుమంగళ్యర్చనప్రీతా సౌమంగళ్యవివర్ధినీ || ౧౦ ||
చాతుర్మాస్యోత్సవారాధ్యా విష్ణుసాన్నిధ్యదాయినీ |
ఉత్థానద్వాదశీపూజ్యా సర్వదేవప్రపూజితా || ౧౧ ||
గోపీరతిప్రదా నిత్యా నిర్గుణా పార్వతీప్రియా |
అపమృత్యుహరా రాధాప్రియా మృగవిలోచనా || ౧౨ ||
అమ్లానా హంసగమనా కమలాసనవందితా |
భూలోకవాసినీ శుద్ధా రామకృష్ణాదిపూజితా || ౧౩ ||
సీతాపూజ్యా రామమనఃప్రియా నందనసంస్థితా |
సర్వతీర్థమయీ ముక్తా లోకసృష్టివిధాయినీ || ౧౪ ||
ప్రాతర్దృశ్యా గ్లానిహంత్రీ వైష్ణవీ సర్వసిద్ధిదా |
నారాయణీ సంతతిదా మూలమృద్ధారిపావనీ || ౧౫ ||
అశోకవనికాసంస్థా సీతాధ్యాతా నిరాశ్రయా |
గోమతీసరయూతీరరోపితా కుటిలాలకా || ౧౬ ||
అపాత్రభక్ష్యపాపఘ్నీ దానతోయవిశుద్ధిదా |
శ్రుతిధారణసుప్రీతా శుభా సర్వేష్టదాయినీ || ౧౭ ||
నామ్నాం శతం సాష్టకం తత్తులస్యాః సర్వమంగళమ్ |
సౌమంగళ్యప్రదం ప్రాతః పఠేద్భక్త్యా సుభాగ్యదమ్ |
లక్ష్మీపతిప్రసాదేన సర్వవిద్యాప్రదం నృణామ్ || ౧౮ ||
ఇతి తులస్యష్టోత్తరశతనామస్తోత్రం సంపూర్ణమ్ |
మరిన్ని వివిధ స్తోత్రాలు చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
