Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
శివ ఉవాచ |
గణేశహృదయం వక్ష్యే సర్వసిద్ధిప్రదాయకమ్ |
సాధకాయ మహాభాగాః శీఘ్రేణ శాంతిదం పరమ్ || ౧ ||
అస్య శ్రీగణేశహృదయస్తోత్రమంత్రస్య శంభురృషిః | నానావిధాని ఛందాంసి | శ్రీమత్స్వానందేశో గణేశో దేవతా | గమితి బీజమ్ | జ్ఞానాత్మికా శక్తిః | నాదః కీలకమ్ | శ్రీగణపతిప్రీత్యర్థమభీష్టసిద్ధ్యర్థం జపే వినియోగః | గాం గీమితి న్యాసః |
ధ్యానమ్ |
సిందూరాభం త్రినేత్రం పృథుతరజఠరం రక్తవస్త్రావృతం తం
పాశం చైవాంకుశం వై రదనమభయదం పాణిభిః సందధానమ్ ||
సిద్ధ్యా బుద్ధ్యా చ శ్లిష్టం గజవదనమహం చింతయే హ్యేకదంతం
నానాభూషాభిరామం నిజజనసుఖదం నాభిశేషం గణేశమ్ || ౨ ||
ఓం గణేశమేకదంతం చ చింతామణిం వినాయకమ్ |
ఢుంఢిరాజం మయూరేశం లంబోదరం గజాననమ్ || ౧ ||
హేరంబం వక్రతుండం చ జ్యేష్ఠరాజం నిజస్థితమ్ |
ఆశాపూరం తు వరదం వికటం ధరణీధరమ్ || ౨ ||
సిద్ధిబుద్ధిపతిం వందే బ్రహ్మణస్పతిసంజ్ఞితమ్ |
మాంగల్యేశం సర్వపూజ్యం విఘ్నానాం నాయకం పరమ్ || ౩ ||
ఏకవింశతి నామాని గణేశస్య మహాత్మనః |
అర్థేన సంయూతాన్యేవ హృదయం పరికీర్తితమ్ || ౪ ||
గకారరూపం వివిధం చరాచరం
ణకారగం బ్రహ్మ తథా పరాత్పరమ్ |
తయోః స్థితాస్తస్య గణాః ప్రకీర్తితా
గణేశమేకం ప్రణమామ్యహం పరమ్ || ౫ ||
మాయాస్వరూపం తు సదైకవాచకం
దంతః పరో మాయికరూపధారకః |
యోగే తయోరేకరదం సుమానిని
ధీస్థం నతోఽహం జనభక్తిలాలసమ్ || ౬ ||
చిత్తప్రకాశం వివిధేషు సంస్థం
లేపావలేపాదివివర్జితం చ |
భోగైర్విహీనం త్వథ భోగకారకం
చింతామణిం తం ప్రణమామి నిత్యమ్ || ౭ ||
వినాయకం నాయకవర్జితం ప్రియే
విశేషతో నాయకమీశ్వరాత్మనామ్ |
నిరంకుశం తం ప్రణమామి సర్వదం
సదాత్మకం భావయుతేన చేతసా || ౮ ||
వేదాః పురాణాని మహేశ్వరాదికాః
శాస్త్రాణి యోగీశ్వరదేవమానవాః |
నాగాసురా బ్రహ్మగణాశ్చ జంతవో
ఢుంఢంతి వందే త్వథ ఢుంఢిరాజకమ్ || ౯ ||
మాయార్థవాచ్యో మయూరప్రభావో
నానాభ్రమార్థం ప్రకరోతి తేన |
తస్మాన్మయూరేశమథో వదంతి
నమామి మాయాపతిమాసమంతాత్ || ౧౦ ||
యస్యోదరాద్విశ్వమిదం ప్రసూతం
బ్రహ్మాణి తద్వజ్జఠరే స్థితాని |
ఆనంత్యరూపం జఠరం హి యస్య
లంబోదరం తం ప్రణతోఽస్మి నిత్యమ్ || ౧౧ ||
జగద్గలాధో గణనాయకస్య
గజాత్మకం బ్రహ్మ శిరః పరేశమ్ |
తయోశ్చ యోగే ప్రవదంతి సర్వే
గజాననం తం ప్రణమామి నిత్యమ్ || ౧౨ ||
దీనార్థవాచ్యస్త్వథ హేర్జగచ్చ
బ్రహ్మార్థవాచ్యో నిగమేషు రంబః |
తత్పాలకత్వాచ్చ తయోః ప్రయోగే
హేరంబమేకం ప్రణమామి నిత్యమ్ || ౧౩ ||
విశ్వాత్మకం యస్య శరీరమేకం
తస్మాచ్చ వక్త్రం పరమాత్మరూపమ్ |
తుండం తదేవం హి తయోః ప్రయోగే
తం వక్రతుండం ప్రణమామి నిత్యమ్ || ౧౪ ||
మాతాపితాఽయం జగతాం పరేషాం
తస్యాపి మాతాజనకాదికం న |
శ్రేష్ఠం వదంతి నిగమాః పరేశం
తం జ్యేష్ఠరాజం ప్రణమామి నిత్యమ్ || ౧౫ ||
నానా చతుఃస్థం వివిధాత్మకేన
సంయోగరూపేణ నిజస్వరూపమ్ |
పూర్యస్య సా పూర్ణసమాధిరూపా
స్వానందనాథం ప్రణమామి చాతః || ౧౬ ||
మనోరథాన్ పూరయతీహ గంగే
చరాచరాణాం జగతాం పరేషామ్ |
అతో గణేశం ప్రవదంతి చాశా-
-ప్రపూరకం తం ప్రణమామి నిత్యమ్ || ౧౭ ||
వరైః సమస్థాపితమేవ సర్వం
విశ్వం తథా బ్రహ్మవిహారిణా చ |
అతః పరం విప్రముఖా వదంతి
వరప్రదం తం వరదం నతోఽస్మి || ౧౮ ||
మాయామయం సర్వమిదం విభాతి
మిథ్యాస్వరూపం భ్రమదాయకం చ |
తస్మాత్పరం బ్రహ్మ వదంతి సత్య-
-మేనం పరేశం వికటం నమామి || ౧౯ ||
చిత్తస్య ప్రోక్తా మునిభిః పృథివ్యో
నానావిధా యోగిభిరేవ గంగే |
తాసాం సదా ధారక ఏష వందే
చాహం హి ధరణీధరమాదిభూతమ్ || ౨౦ ||
విశ్వాత్మికా బ్రహ్మమయీ హి బుద్ధిః
తస్యా విమోహప్రదికా చ సిద్ధిః |
తాభ్యాం సదా ఖేలతి యోగనాథః
తం సిద్ధిబుద్ధీశమథో నమామి || ౨౧ ||
అసత్యసత్సామ్యతురీయనైజ-
-గనివృత్తిబ్రహ్మాణి విరచ్య ఖేలకః |
సదా స్వయం యోగమయేన భాతి
తమానతోఽహం త్వథ బ్రహ్మణస్పతిమ్ || ౨౨ ||
అమంగలం విశ్వమిదం సహాత్మభిః
అయోగసంయోగయుతం ప్రణశ్వరమ్ |
తతః పరం మంగలరూపధారకం
నమామి మాంగల్యపతిం సుశాంతిదమ్ || ౨౩ ||
సర్వత్రమాన్యం సకలావభాసకం
సుజ్ఞైః శుభాదావశుభాదిపూజితమ్ |
పూజ్యం న తస్మాన్నిగమాదిసమ్మతం
తం సర్వపూజ్యం ప్రణతోఽస్మి నిత్యమ్ || ౨౪ ||
భుక్తిం చ ముక్తిం చ దదాతి తుష్టో
యో విఘ్నహా భక్తిప్రియో నిజేభ్యః |
భక్త్యా విహీనాయ దదాతి విఘ్నాన్
తం విఘ్నరాజం ప్రణమామి నిత్యమ్ || ౨౫ ||
నామార్థయుక్తం కథితం ప్రియే తే
విఘ్నేశ్వరస్యైవ పరం రహస్యమ్ |
సప్తత్రినామ్నాం హృదయం నరో యో
జ్ఞాత్వా పరం బ్రహ్మమయో భవేదిహ || ౨౬ ||
ఇతి శ్రీముద్గలపురాణే గణేశహృదయ స్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
