ఆచమ్య | ప్రాణానాయమ్య | దేశకాలౌ సంకీర్త్య | గణపతి స్మరణం కృత్వా |
సంకల్పం –
మమ …… గ్రహపీడాపరిహారార్థం …… గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం …… గ్రహస్య న్యాసపూర్వక వేదోక్త మంత్రజపం కరిష్యే ||
– శని మంత్రః –
శన్నో దేవీరిత్యస్య మంత్రస్య దధ్యఙ్ఙాథర్వణ (దధ్యంగాథర్వణ) ఋషిః గాయత్రీ ఛందః శనైశ్చరో దేవతా ఆపో బీజం వర్తమాన ఇతి శక్తిః శనైశ్చర ప్రీత్యర్థే జపే వినియోగః |
న్యాసః –
ఓం దధ్యఙ్ఙాథర్వణ ఋషయే నమః శిరసి |
ఓం గాయత్రీ ఛందసే నమః ముఖే |
ఓం శనైశ్చర దేవతాయై నమః హృదయే |
ఓం ఆపో బీజాయ నమః గుహ్యే |
ఓం వర్తమాన శక్తయే నమః పాదయోః |
ఓం శనైశ్చర ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం శన్నోదేవీరితి అంగుష్ఠాభ్యాం నమః |
ఓం అభీష్టయేతి తర్జనీభ్యాం నమః |
ఓం ఆపోభవంతు ఇతి మధ్యమాభ్యాం నమః |
ఓం పీతయే ఇతి అనామికాభ్యాం నమః |
ఓం శం యోరితి కనిష్ఠికాభ్యాం నమః |
ఓం అభిస్రవంతు నః ఇతి కరతలకరపృష్ఠాభ్యాం నమః |
హృదయాదిన్యాసః –
ఓం శన్నోదేవీరితి హృదయాయ నమః |
ఓం అభీష్టయేతి శిరసే స్వాహా |
ఓం ఆపోభవంతు ఇతి శిఖాయై వషట్ |
ఓం పీతయే ఇతి కవచాయ హుమ్ |
ఓం శం యోరితి నేత్రత్రయాయ వౌషట్ |
ఓం అభిస్రవంతు నః ఇతి అస్త్రాయ ఫట్ |
ధ్యానం –
నీలద్యుతిః శూలధరః కిరీటీ
గృధ్రస్థితస్త్రాసకరో ధనుష్మాన్ |
చతుర్భుజః సూర్యసుతః ప్రశాంతః
సదాఽస్తు మహ్యం వరమందగామీ ||
లమిత్యాది పంచపూజాం కుర్యాత్ ||
(య.వే.౩౬-౧౨)
ఓం శన్నో॑ దే॒వీర॒భిష్ట॑య॒ ఆపో॑ భవన్తు పీ॒తయే॑ |
శం యోర॒భి స్ర॑వన్తు నః ||
ఓం శనైశ్చరాయ నమః |
సమర్పణమ్ –
గుహ్యాతి గుహ్య గోప్తా త్వం గృహాణాస్మత్కృతం జపమ్ |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత …….. గ్రహస్య మంత్ర జపేన …….. సుప్రీతో సుప్రసన్నో వరదో భవంతు |
ఓం శాంతిః శాంతిః శాంతిః |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
