Read in తెలుగు / ಕನ್ನಡ / தமிழ் / English (IAST)
షష్ఠదశకమ్ (౬) – విరాట్-స్వరూపవర్ణనమ్
ఏవం చతుర్దశజగన్మయతాం గతస్య
పాతాలమీశ తవ పాదతలం వదన్తి |
పాదోర్ధ్వదేశమపి దేవ రసాతలం తే
గుల్ఫద్వయం ఖలు మహాతలమద్భుతాత్మన్ || ౬-౧ ||
జఙ్ఘే తలాతలమథో సుతలం చ జానూ
కిఞ్చోరుభాగయుగలం వితలాతలే ద్వే |
క్షోణీతలం జఘనమంబరమఙ్గ నాభి
ర్వక్షశ్చ శక్రనిలయస్తవ చక్రపాణే || ౬-౨ ||
గ్రీవా మహస్తవ ముఖం చ జనస్తపస్తు
ఫాలం శిరస్తవ సమస్తమయస్య సత్యమ్ |
ఏవం జగన్మయతనో జగదాశ్రితైర-
ప్యన్యైర్నిబద్ధవపుషే భగవన్నమస్తే || ౬-౩ ||
త్వద్బ్రహ్మరన్ధ్రపదమీశ్వర విశ్వకన్ద
ఛన్దాంసి కేశవ ఘనాస్తవ కేశపాశాః |
ఉల్లాసిచిల్లియుగలం ద్రుహిణస్య గేహం
పక్ష్మాణి రాత్రిదివసౌ సవితా చ నేత్రే || ౬-౪ ||
నిశ్శేషవిశ్వరచనా చ కటాక్షమోక్షః
కర్ణౌ దిశోఽశ్వియుగలం తవ నాసికే ద్వే |
లోభత్రపే చ భగవన్నధరోత్తరోష్ఠౌ
తారాగణాశ్చ దశనాః శమనశ్చ దంష్ట్రా || ౬-౫ ||
మాయా విలాసహసితం శ్వసితం సమీరో
జిహ్వా జలం వచనమీశ శకున్తపఙ్క్తిః |
సిద్ధాదయః స్వరగణా ముఖరన్ధ్రమగ్ని-
ర్దేవా భుజాః స్తనయుగం తవ ధర్మదేవః || ౬-౬ ||
పృష్ఠం త్వధర్మ ఇహ దేవ మనః సుధాంశు-
రవ్యక్తమేవ హృదయాంబుజమంబుజాక్ష |
కుక్షిః సముద్రనివహా వసనం తు సన్ధ్యే
శేఫః ప్రజాపతిరసౌ వృషణౌ చ మిత్రః || ౬-౭ ||
శ్రోణీస్థలం మృగగణాః పదయోర్నఖాస్తే
హస్త్యుష్ట్రసైన్ధవముఖా గమనం తు కాలః |
విప్రాదివర్ణభవనం వదనాబ్జబాహు-
చారూరుయుగ్మచరణం కరుణాంబుధే తే || ౬-౮ ||
సంసారచక్రమయి చక్రధర క్రియాస్తే
వీర్యం మహాసురగణోఽస్థికులాని శైలాః |
నాడ్యస్సరిత్సముదయస్తరవశ్చ రోమ
జీయాదిదం వపురనిర్వచనీయమీశ || ౬-౯ ||
ఈదృగ్జగన్మయవపుస్తవ కర్మభాజాం
కర్మావసానసమయే స్మరణీయమాహుః |
తస్యాన్తరాత్మవపుషే విమలాత్మనే తే
వాతాలయాధిప నమోఽస్తు నిరున్ధి రోగాన్ || ౬-౧౦ ||
ఇతి షష్ఠదశకం సమాప్తమ్ ||
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
