Read in తెలుగు / ಕನ್ನಡ / தமிழ் / English (IAST)
దశమదశకమ్ (౧౦) – సృష్టివైవిధ్యమ్
వైకుణ్ఠ వర్ధితబలోఽథ భవత్ప్రసాదా-
దంభోజయోనిరసృజత్కిల జీవదేహాన్ |
స్థాస్నూని భూరుహమయాని తథా తిరశ్చాం
జాతీర్మనుష్యనివహానపి దేవభేదాన్ || ౧౦-౧ ||
మిథ్యాగ్రహాస్మిమతిరాగవికోపభీతి-
రజ్ఞానవృత్తిమితి పఞ్చవిధాం స సృష్ట్వా |
ఉద్దామతామసపదార్థవిధానదూన-
స్తేనే త్వదీయచరణస్మరణం విశుద్ధ్యై || ౧౦-౨ ||
తావత్ససర్జ మనసా సనకం సనన్దం
భూయస్సనాతనమునిం చ సనత్కుమారమ్ |
తే సృష్టికర్మణి తు తేన నియుజ్యమానా-
స్త్వత్పాదభక్తిరసికా జగృహుర్న వాణీమ్ || ౧౦-౩ ||
తావత్ప్రకోపముదితం ప్రతిరున్ధతోఽస్య
భ్రూమధ్యతోఽజని మృడో భవదేకదేశః |
నామాని మే కురు పదాని చ హా విరిఞ్చే-
త్యాదౌ రురోద కిల తేన స రుద్రనామా || ౧౦-౪ ||
ఏకాదశాహ్వయతయా చ విభిన్నరూపం
రుద్రం విధాయ దయితా వనితాశ్చ దత్త్వా |
తావన్త్యదత్త చ పదాని భవత్ప్రణున్నః
ప్రాహ ప్రజావిరచనాయ చ సాదరం తమ్ || ౧౦-౫ ||
రుద్రాభిసృష్టభయదాకృతిరుద్రసఙ్ఘ-
సంపూర్యమాణాభువనత్రయభీతచేతాః |
మా మా ప్రజాః సృజ తపశ్చర మఙ్గలాయే-
త్యాచష్ట తం కమలభూర్భవదీరితాత్మా || ౧౦-౬ ||
తస్యాథ సర్గరసికస్య మరీచిరత్రి-
స్తత్రాఙ్గిరాః క్రతుమునిః పులహః పులస్త్యః |
అఙ్గాదజాయత భృగుశ్చ వసిష్ఠదక్షౌ
శ్రీనారదశ్చ భగవన్ భవదఙ్ఘ్రిదాసః || ౧౦-౭ ||
ధర్మాదికానభిసృజన్నథ కర్దమం చ
వాణీం విధాయ విధిరఙ్గజసఙ్కులోఽభూత్ |
త్వద్బోధితైః సనకదక్షముఖైస్తనూజై-
రుద్బోధితశ్చ విరరామ తమో విముఞ్చన్ || ౧౦-౮ ||
వేదాన్పురాణనివహానపి సర్వవిద్యాః
కుర్వన్నిజాననగణాచ్చతురాననోఽసౌ |
పుత్రేషు తేషు వినిధాయ స సర్గవృద్ధి-
మప్రాప్నువంస్తవ పదాంబుజమాశ్రితోఽభూత్ || ౧౦-౯ ||
జానన్నుపాయమథ దేహమజో విభజ్య
స్త్రీపుంసభావమభజన్మనుతద్వధూభ్యామ్ |
తాభ్యాం చ మానుషకులాని వివర్ధయంస్త్వం
గోవిన్ద మారుతపురేశ నిరున్ధి రోగాన్ || ౧౦-౧౦ ||
ఇతి దశమదశకం సమాప్తమ్ |
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
