Read in తెలుగు / ಕನ್ನಡ / தமிழ் / देवनागरी / English (IAST)
|| సుగ్రీవతర్జనమ్ ||
తమప్రతిహతం క్రుద్ధం ప్రవిష్టం పురుషర్షభమ్ |
సుగ్రీవో లక్ష్మణం దృష్ట్వా బభూవ వ్యథితేంద్రియః || ౧ ||
క్రుద్ధం నిఃశ్వసమానం తం ప్రదీప్తమివ తేజసా |
భ్రాతుర్వ్యసనసంతప్తం దృష్ట్వా దశరథాత్మజమ్ || ౨ ||
ఉత్పపాత హరిశ్రేష్ఠో హిత్వా సౌవర్ణమాసనమ్ |
మహాన్మహేంద్రస్య యథా స్వలంకృత ఇవ ధ్వజః || ౩ ||
ఉత్పతంతమనూత్పేతూ రుమాప్రభృతయః స్త్రియః |
సుగ్రీవం గగనే పూర్ణచంద్రం తారాగణా ఇవ || ౪ ||
సంరక్తనయనః శ్రీమాన్ విచచాల కృతాంజలిః |
బభూవావస్థితస్తత్ర కల్పవృక్షో మహానివ || ౫ ||
రుమాద్వితీయం సుగ్రీవం నారీమధ్యగతం స్థితమ్ |
అబ్రవీల్లక్ష్మణః క్రుద్ధః సతారం శశినం యథా || ౬ ||
సత్త్వాభిజనసంపన్నః సానుక్రోశో జితేంద్రియః |
కృతజ్ఞః సత్యవాదీ చ రాజా లోకే మహీయతే || ౭ ||
యస్తు రాజా స్థితేఽధర్మే మిత్రాణాముపకారిణామ్ |
మిథ్యా ప్రతిజ్ఞాం కురుతే కో నృశంసతరస్తతః || ౮ ||
శతమశ్వానృతే హంతి సహస్రం తు గవానృతే |
ఆత్మానం స్వజనం హంతి పురషః పురుషానృతే || ౯ ||
పూర్వం కృతార్థో మిత్రాణాం న తత్ప్రతికరోతి యః |
కృతఘ్నః సర్వభూతానాం స వధ్యః ప్లవగేశ్వర || ౧౦ ||
గీతోఽయం బ్రహ్మణా శ్లోకః సర్వలోకనమస్కృతః |
దృష్ట్వా కృతఘ్నం క్రుద్ధేన తం నిబోధ ప్లవంగమ || ౧౧ ||
బ్రహ్మఘ్నే చ సురాపే చ చోరే భగ్నవ్రతే తథా |
నిష్కృతిర్విహితా సద్భిః కృతఘ్నే నాస్తి నిష్కృతిః || ౧౨ ||
అనార్యస్త్వం కృతఘ్నశ్చ మిథ్యావాదీ చ వానర |
పూర్వం కృతార్థో రామస్య న తత్ప్రతికరోషి యత్ || ౧౩ ||
నను నామ కృతార్థేన త్వయా రామస్య వానర |
సీతాయా మార్గణే యత్నః కర్తవ్యః కృతమిచ్ఛతా || ౧౪ ||
స త్వం గ్రామ్యేషు భోగేషు సక్తో మిథ్యాప్రతిశ్రవః |
న త్వాం రామో విజానీతే సర్పం మండూకరావిణమ్ || ౧౫ ||
మహాభాగేన రామేణ పాపః కరుణవేదినా |
హరీణాం ప్రాపితో రాజ్యం త్వం దురాత్మా మహాత్మనా || ౧౬ ||
కృతం చేన్నాభిజానీషే రామస్యాక్లిష్టకర్మణః |
సద్యస్త్వం నిశితైర్బాణైర్హతో ద్రక్ష్యసి వాలినమ్ || ౧౭ ||
న చ సంకుచితః పంథా యేన వాలీ హతో గతః |
సమయే తిష్ఠ సుగ్రీవ మా వాలిపథమన్వగాః || ౧౮ ||
న నూనమిక్ష్వాకువరస్య కార్ముక-
-చ్యుతాన్ శరాన్ పశ్యసి వజ్రసన్నిభాన్ |
తతః సుఖం నామ నిషేవసే సుఖీ
న రామకార్యం మనసాఽప్యవేక్షసే || ౧౯ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే చతుస్త్రింశః సర్గః || ౩౪ ||
సంపూర్ణ వాల్మీకి రామాయణే కిష్కింధాకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
