Kanti Sukravaramu – కంటి శుక్రవారము


కంటి శుక్రవారము గడియలేడింట |
అంటి అలమేల్మంగ అండనుండే స్వామిని ||

సొమ్ములన్నీ కడబెట్టి సొంపుతో గోణముగట్టి
కమ్మని కదంబము కప్పు పన్నీరు |
చెమ్మతోన వేష్టువలు రొమ్ముతల మొలజుట్టి
తుమ్మెద మై ఛాయతోన నెమ్మదినుండే స్వామిని ||

పచ్చకప్పురమె నూరి పసిడి గిన్నెలనించి
తెచ్చి శిరసాదిగ దిగనలది |
అచ్చెరపడి చూడ అందరి కన్నులకింపై
నిచ్చమల్లెపూవువలె నిటుతానుండే స్వామిని ||

తట్టుపునుగే కూరిచి చట్టలు చేరిచినిప్పు
పట్టి కరగించి వెండి పళ్యాలనించి |
దట్టముగ మేనునిండ పట్టించి దిద్ది
బిట్టు వేడుక మురియు చుండే బిత్తరి స్వామిని ||


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

One thought on “Kanti Sukravaramu – కంటి శుక్రవారము

స్పందించండి

మీ ఈమెయిలు చిరునామా ప్రచురించబడదు.

error: Not allowed