Sri Vikhanasa Ashtakam – śrī vikhanasa aṣṭakam

stōtranidhi → śrī vikhanasa stōtrāṇi → śrī vikhanasa aṣṭakam

nārāyaṇāṅghri jalajadvaya saktacittaṁ
śrutyarthasampadanukampita cārukīrtim |
vālmīkimukhyamunibhiḥ kr̥tavandanāḍhyaṁ
śāntaṁ sadā vikhanasaṁ munimāśrayāmi || 1 ||

lakṣmīpatēḥ priyasutaṁ lalitaprabhāvaṁ
mantrārthatattvarasikaṁ karuṇāmburāśim |
bhaktā:’nukūlahr̥dayaṁ bhapabandhanāśaṁ
śāntaṁ sadā vikhanasaṁ munimāśrayāmi || 2 ||

śrīvāsudēvacaraṇāmbujabhr̥ṅgarājaṁ
kāmādidōṣadamanaṁ paraviṣṇurūpam |
vaikhānasārcitapadaṁ paramaṁ pavitraṁ
śāntaṁ sadā vikhanasaṁ munimāśrayāmi || 3 ||

bhr̥gvādiśiṣyamunisēvitapādapadmaṁ
yōgīśvarēśvaraguruṁ paramaṁ dayālum |
pāpāpahaṁ bhagadarpitacittavr̥ttiṁ
śāntaṁ sadā vikhanasaṁ munimāśrayāmi || 4 ||

kaṇṭhāvalagnatulasīnalinākṣamālā
kāntiprakāśavilasadghanapīnavatsam |
smērānanāmbuja lasaddhavalōrdhvapuṇḍraṁ
śāntaṁ sadā vikhanasaṁ munimāśrayāmi || 5 ||

vēdāntavēdyamakhilārthavidāṁ variṣṭhaṁ
śrīkāntapādasarasīruhalagnacittam |
kēyūrahāramaṇirājavibhūṣitāṅgaṁ
śāntaṁ sadā vikhanasaṁ munimāśrayāmi || 6 ||

kāṣāyavastrakamanīyajaṭākalāpaṁ
daṇḍatrayōjjvalakaraṁ vimalōpavītam |
lōkāvalōkanakaraṁ vigaladvicāraṁ
śāntaṁ sadā vikhanasaṁ munimāśrayāmi || 7 ||

svābaddhasūtragataviṣṇubalipramēyā-
-dāgarbhavaiṣṇavamupādiśadādarādyaḥ |
tattādr̥śaṁ budhavaśaṁ vinipātitāśaṁ
śāntaṁ sadā vikhanasaṁ munimāśrayāmi || 8 ||

ēvaṁ paraṁ vikhanasāṣṭakamātmanā yē
śr̥ṇvanti cātmani paṭhanti mahādarēṇa
tānmuktadōṣa nicayānapavargayōgyān
samprīta āśu tanuyātkamalā suputraḥ || 9 ||

iti śrī vikhanasāṣṭakam ||

---

See more śrī vikhanasa stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.