Read in తెలుగు / ಕನ್ನಡ / தமிழ் / देवनागरी / English (IAST)
śrī śiva uvāca –
tāriṇī taralā tanvī tārā taruṇavallarī |
tārarūpā tarī śyāmā tanukṣīṇapayōdharā || 1 ||
turīyā taruṇā tīvragamanā nīlavāhinī |
ugratārā jayā caṇḍī śrīmadēkajaṭāśirā || 2 ||
taruṇī śāṁbhavī chinnaphālā syādbhadradāyinī |
ugrā ugraprabhā nīlā kr̥ṣṇā nīlasarasvatī || 3 ||
dvitīyā śōbhanā nityā navīnā nityabhīṣaṇā |
caṇḍikā vijayārādhyā dēvī gaganavāhinī || 4 ||
aṭṭahāsā karālāsyā carāsyādīśapūjitā |
saguṇā:’saguṇā:’rādhyā harīndrādiprapūjitā || 5 ||
raktapriyā ca raktākṣī rudhirāsyavibhūṣitā |
balipriyā baliratā durgā balavatī balā || 6 ||
balapriyā balaratā balarāmaprapūjitā |
ardhakēśēśvarī kēśā kēśavā sragvibhūṣitā || 7 ||
padmamālā ca padmākṣī kāmākhyā girinandinī |
dakṣiṇā caiva dakṣā ca dakṣajā dakṣiṇēratā || 8 ||
vajrapuṣpapriyā raktapriyā kusumabhūṣitā |
māhēśvarī mahādēvapriyā pannagabhūṣitā || 9 ||
iḍā ca piṅgalā caiva suṣumnāprāṇarūpiṇī |
gāndhārī pañcamī pañcānanādiparipūjitā || 10 ||
tathyavidyā tathyarūpā tathyamārgānusāriṇī |
tattvarūpā tattvapriyā tattvajñānātmikā:’naghā || 11 ||
tāṇḍavācārasantuṣṭā tāṇḍavapriyakāriṇī |
tālanādaratā krūratāpinī taraṇiprabhā || 12 ||
trapāyuktā trapāmuktā tarpitā tr̥ptikāriṇī |
tāruṇyabhāvasantuṣṭā śakti-rbhaktānurāgiṇī || 13 ||
śivāsaktā śivaratiḥ śivabhaktiparāyaṇā |
tāmradyuti-stāmrarāgā tāmrapātraprabhōjinī || 14 ||
balabhadraprēmaratā balibhu-gbalikalpanī |
rāmapriyā rāmaśaktī rāmarūpānukāriṇī || 15 ||
ityētatkathitaṁ dēvi rahasyaṁ paramādbhutaṁ |
śrutvāmōkṣamavāpnōti tārādēvyāḥ prasādataḥ || 16 ||
ya idaṁ paṭhati stōtraṁ tārāstutirahasyajaṁ |
sarvasiddhiyutō bhūtvā viharēt kṣiti maṇḍalē || 17 ||
tasyaiva mantrasiddhiḥ syānmayi bhaktiranuttamā |
bhavatyēva mahāmāyē satyaṁ satyaṁ na samśayaḥ || 18 ||
mandē maṅgalavārē ca yaḥ paṭhēnniśi samyutaḥ |
tasyaiva mantrasiddhissyādgāṇāpatyaṁ labhēta saḥ || 19 ||
śraddhayā:’śraddhayā vā:’pi paṭhēttārā rahasyakaṁ |
sō:’cirēṇaivakālēna jīvanmuktaśśivō bhavēt || 20 ||
sahasrāvartanāddēvi puraścaryāphalaṁ labhēt |
ēvaṁ satatayuktā yē dhyāyantastvāmupāsatē || 21 ||
tē kr̥tārthā mahēśāni mr̥tyusaṁsāravartmanaḥ || 22 ||
iti śrī svarṇamālātantrē tārāmbāṣṭōttaraśatanāma stōtram |
See more daśamahāvidyā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
