Read in తెలుగు / ಕನ್ನಡ / தமிழ் / देवनागरी / English (IAST)
pratibhaṭaśrēṇibhīṣaṇa varaguṇastōmabhūṣaṇa
janibhayasthānatāraṇa jagadavasthānakāraṇa |
nikhiladuṣkarmakarśana nigamasaddharmadarśana
jaya jaya śrīsudarśana jaya jaya śrīsudarśana || 1 ||
śubhajagadrūpamaṇḍana surajanatrāsakhaṇḍana
śatamakhabrahmavandita śatapathabrahmanandita |
prathitavidvatsapakṣita bhajadahirbudhnyalakṣita
jaya jaya śrīsudarśana jaya jaya śrīsudarśana || 2 ||
sphuṭataṭijjālapiñjara pr̥thutarajvālapañjara
parigatapratnavigraha paṭutaraprajñadurgraha | [parimita]
praharaṇagrāmamaṇḍita parijanatrāṇapaṇḍita
jaya jaya śrīsudarśana jaya jaya śrīsudarśana || 3 ||
nijapadaprītasadgaṇa nirupadhisphītaṣaḍguṇa
nigamanirvyūḍhavaibhava nijaparavyūhavaibhava |
harihayadvēṣidāraṇa harapuraplōṣakāraṇa
jaya jaya śrīsudarśana jaya jaya śrīsudarśana || 4 ||
danujavistārakartana janitamisrāvikartana
danujavidyānikartana bhajadavidyānivartana |
amaradr̥ṣṭasvavikrama samarajuṣṭabhramikrama
jaya jaya śrīsudarśana jaya jaya śrīsudarśana || 5 ||
pratimukhālīḍhabandhura pr̥thumahāhētidantura
vikaṭamāyābahiṣkr̥ta vividhamālāpariṣkr̥ta |
sthiramahāyantratantrita dr̥ḍhadayātantrayantrita
jaya jaya śrīsudarśana jaya jaya śrīsudarśana || 6 ||
mahitasampatsadakṣara vihitasampatṣaḍakṣara
ṣaḍaracakrapratiṣṭhita sakalatattvapratiṣṭhita |
vividhasaṅkalpakalpaka vibudhasaṅkalpakalpaka
jaya jaya śrīsudarśana jaya jaya śrīsudarśana || 7 ||
bhuvananētastrayīmaya savanatējastrayīmaya
niravadhisvāducinmaya nikhilaśaktē jaganmaya |
amitaviśvakriyāmaya śamitaviṣvagbhayāmaya
jaya jaya śrīsudarśana jaya jaya śrīsudarśana || 8 ||
dvicatuṣkamidaṁ prabhūtasāraṁ
paṭhatāṁ vēṅkaṭanāyakapraṇītam |
viṣamē:’pi manōrathaḥ pradhāvan
na vihanyēta rathāṅgadhuryaguptaḥ || 9 ||
iti śrī vēdāntācāryasya kr̥tiṣu śrī sudarśanāṣṭakam |
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
