Read in తెలుగు / ಕನ್ನಡ / தமிழ் / देवनागरी / English (IAST)
dhyānam –
ārūḍhā śvētahaṁsē bhramati ca gaganē dakṣiṇē cākṣasūtraṁ
vāmē hastē ca divyāmbarakanakamayaṁ pustakaṁ jñānagamyā |
sā vīṇāṁ vādayantī svakarakarajapaiḥ śāstravijñānaśabdaiḥ
krīḍantī divyarūpā karakamaladharā bhāratī suprasannā || 1 ||
śvētapadmāsanā dēvī śvētagandhānulēpanā |
arcitā munibhiḥ sarvaiḥ r̥ṣibhiḥ stūyatē sadā |
ēvaṁ dhyātvā sadā dēvīṁ vāñchitaṁ labhatē naraḥ || 2 ||
śuklāṁ brahmavicārasāraparamāmādyāṁ jagadvyāpinīṁ
vīṇāpustakadhāriṇīmabhayadāṁ jāḍyāndhakārāpahām |
hastē sphāṭikamālikāṁ vidadhatīṁ padmāsanē saṁsthitāṁ
vandē tāṁ paramēśvarīṁ bhagavatīṁ buddhipradāṁ śāradām || 3 ||
yā kundēndutuṣārahāradhavalā yā śubhravastrāvr̥tā
yā vīṇāvaradaṇḍamaṇḍitakarā yā śvētapadmāsanā |
yā brahmācyutaśaṅkaraprabhr̥tibhirdēvaiḥ sadā vanditā
sā māṁ pātu sarasvatī bhagavatī niḥśēṣajāḍyāpahā || 4 ||
stavam –
hrīṁ hrīṁ hr̥dyaikabījē śaśirucikamalē kalpavispaṣṭaśōbhē
bhavyē bhavyānukūlē kumativanadavē viśvavandyāṅghripadmē |
padmē padmōpaviṣṭē praṇatajanamanōmōdasampādayitri
prōtphullajñānakūṭē harinijadayitē dēvi saṁsārasārē || 5 ||
aiṁ aiṁ aiṁ dr̥ṣṭamantrē kamalabhavamukhāmbhōjabhūtisvarūpē
rūpārūpaprakāśē sakalaguṇamayē nirguṇē nirvikārē |
na sthūlē naiva sūkṣmē:’pyaviditavibhavē nāpi vijñānatattvē
viśvē viśvāntarātmē suravaranamitē niṣkalē nityaśuddhē || 6 ||
hrīṁ hrīṁ hrīṁ jāpyatuṣṭē himarucimukuṭē vallakīvyagrahastē
mātarmātarnamastē daha daha jaḍatāṁ dēhi buddhiṁ praśastām |
vidyē vēdāntavēdyē pariṇatapaṭhitē mōkṣadē muktimārgē |
mārgātītasvarūpē bhava mama varadā śāradē śubhrahārē || 7 ||
dhīṁ dhīṁ dhīṁ dhāraṇākhyē dhr̥timatinatibhirnāmabhiḥ kīrtanīyē
nityē:’nityē nimittē munigaṇanamitē nūtanē vai purāṇē |
puṇyē puṇyapravāhē hariharanamitē nityaśuddhē suvarṇē
mātarmātrārdhatattvē matimatimatidē mādhavaprītimōdē || 8 ||
hrūṁ hrūṁ hrūṁ svasvarūpē daha daha duritaṁ pustakavyagrahastē
santuṣṭākāracittē smitamukhi subhagē jr̥mbhiṇi stambhavidyē |
mōhē mugdhapravāhē kuru mama vimatidhvāntavidhvaṁsamīḍē
gīrgaurvāgbhārati tvaṁ kavivararasanāsiddhidē siddhisādhyē || 9 ||
staumi tvāṁ tvāṁ ca vandē mama khalu rasanāṁ nō kadācittyajēthā
mā mē buddhirviruddhā bhavatu na ca manō dēvi mē yātu pāpam |
mā mē duḥkhaṁ kadācit kvacidapi viṣayē:’pyastu mē nākulatvaṁ
śāstrē vādē kavitvē prasaratu mama dhīrmāstu kuṇṭhā kadāpi || 10 ||
ityētaiḥ ślōkamukhyaiḥ pratidinamuṣasi stauti yō bhaktinamrō
vāṇī vācaspatērapyaviditavibhavō vākpaṭurmr̥ṣṭakaṇṭhaḥ |
sa syādiṣṭārthalābhaiḥ sutamiva satataṁ pāti taṁ sā ca dēvī
saubhāgyaṁ tasya lōkē prabhavati kavitā vighnamastaṁ prayāti || 11 ||
nirvighnaṁ tasya vidyā prabhavati satataṁ cāśrutagranthabōdhaḥ
kīrtisrailōkyamadhyē nivasati vadanē śāradā tasya sākṣāt |
dīrghāyurlōkapūjyaḥ sakalaguṇanidhiḥ santataṁ rājamānyō
vāgdēvyāḥ samprasādāt trijagati vijayī jāyatē satsabhāsu || 12 ||
brahmacārī vratī maunī trayōdaśyāṁ nirāmiṣaḥ |
sārasvatō janaḥ pāṭhāt sakr̥diṣṭārthalābhavān || 13 ||
pakṣadvayē trayōdaśyāmēkaviṁśatisaṅkhyayā |
avicchinnaḥ paṭhēddhīmān dhyātvā dēvīṁ sarasvatīm || 14 ||
sarvapāpavinirmuktaḥ subhagō lōkaviśrutaḥ |
vāñchitaṁ phalamāpnōti lōkē:’sminnātra saṁśayaḥ || 15 ||
brahmaṇēti svayaṁ prōktaṁ sarasvatyāḥ stavaṁ śubham |
prayatnēna paṭhēnnityaṁ sō:’mr̥tatvāya kalpatē || 16 ||
iti brahma kr̥ta śrī sarasvatī stavam ||
See more śrī sarasvatī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
