Read in తెలుగు / ಕನ್ನಡ / தமிழ் / देवनागरी / English (IAST)
namō dēvāya mahatē dēvadēvāya śūlinē |
tryambakāya trinētrāya yōgināṁ patayē namaḥ || 1 ||
namō:’stu dēvadēvāya mahādēvāya vēdhasē |
śambhavē sthāṇavē nityaṁ śivāya paramātmanē || 2 ||
namaḥ sōmāya rudrāya mahāgrāsāya hētavē |
prapadyēhaṁ virūpākṣaṁ śaraṇyaṁ brahmacāriṇam || 3 ||
mahādēvaṁ mahāyōgamīśānaṁ tvambikāpatim |
yōgināṁ yōgadākāraṁ yōgamāyāsamāhr̥tam || 4 ||
yōgināṁ gurumācāryaṁ yōgagamyaṁ sanātanam |
saṁsāratāraṇaṁ rudraṁ brahmāṇaṁ brahmaṇō:’dhipam || 5 ||
śāśvataṁ sarvagaṁ śāntaṁ brahmāṇaṁ brāhmaṇapriyam |
kapardinaṁ kalāmūrtimamūrtimamarēśvaram || 6 ||
ēkamūrtiṁ mahāmūrtiṁ vēdavēdyaṁ satāṁ gatim |
nīlakaṇṭhaṁ viśvamūrtiṁ vyāpinaṁ viśvarētasam || 7 ||
kālāgniṁ kāladahanaṁ kāminaṁ kāmanāśanam |
namāmi giriśaṁ dēvaṁ candrāvayavabhūṣaṇam || 8 ||
trilōcanaṁ lēlihānamādityaṁ paramēṣṭhinam |
ugraṁ paśupatiṁ bhīmaṁ bhāskaraṁ tamasaḥ param || 9 ||
iti śrīkūrmapurāṇē vyāsōkta rudrastutiḥ ||
See more śrī śiva stotras for chanting.
పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
