Sri Rudra Stuti – ஶ்ரீ ருத்³ர ஸ்துதி꞉


நமோ தே³வாய மஹதே தே³வதே³வாய ஶூலிநே ।
த்ர்யம்ப³காய த்ரிநேத்ராய யோகி³நாம் பதயே நம꞉ ॥ 1 ॥

நமோ(அ)ஸ்து தே³வதே³வாய மஹாதே³வாய வேத⁴ஸே ।
ஶம்ப⁴வே ஸ்தா²ணவே நித்யம் ஶிவாய பரமாத்மநே ॥ 2 ॥

நம꞉ ஸோமாய ருத்³ராய மஹாக்³ராஸாய ஹேதவே ।
ப்ரபத்³யேஹம் விரூபாக்ஷம் ஶரண்யம் ப்³ரஹ்மசாரிணம் ॥ 3 ॥

மஹாதே³வம் மஹாயோக³மீஶாநம் த்வம்பி³காபதிம் ।
யோகி³நாம் யோக³தா³காரம் யோக³மாயாஸமாஹ்ருதம் ॥ 4 ॥

யோகி³நாம் கு³ருமாசார்யம் யோக³க³ம்யம் ஸநாதநம் ।
ஸம்ஸாரதாரணம் ருத்³ரம் ப்³ரஹ்மாணம் ப்³ரஹ்மணோ(அ)தி⁴பம் ॥ 5 ॥

ஶாஶ்வதம் ஸர்வக³ம் ஶாந்தம் ப்³ரஹ்மாணம் ப்³ராஹ்மணப்ரியம் ।
கபர்தி³நம் கலாமூர்திமமூர்திமமரேஶ்வரம் ॥ 6 ॥

ஏகமூர்திம் மஹாமூர்திம் வேத³வேத்³யம் ஸதாம் க³திம் ।
நீலகண்ட²ம் விஶ்வமூர்திம் வ்யாபிநம் விஶ்வரேதஸம் ॥ 7 ॥

காலாக்³நிம் காலத³ஹநம் காமிநம் காமநாஶநம் ।
நமாமி கி³ரிஶம் தே³வம் சந்த்³ராவயவபூ⁴ஷணம் ॥ 8 ॥

த்ரிலோசநம் லேலிஹாநமாதி³த்யம் பரமேஷ்டி²நம் ।
உக்³ரம் பஶுபதிம் பீ⁴மம் பா⁴ஸ்கரம் தமஸ꞉ பரம் ॥ 9 ॥

இதி ஶ்ரீகூர்மபுராணே வ்யாஸோக்த ருத்³ரஸ்துதி꞉ ॥


மேலும் ஶ்ரீ ஶிவ ஸ்தோத்ராணி காண்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: