Read in తెలుగు / ಕನ್ನಡ / தமிழ் / देवनागरी / English (IAST)
vimōhitō:’yaṁ jana īśamāyayā
tvadīyayā tvāṁ na bhajatyanarthadr̥k |
sukhāya duḥkhaprabhavēṣu sajjatē
gr̥hēṣu yōṣitpuruṣaśca vañcitaḥ || 1 ||
labdhvā janō durlabhamatra mānuṣaṁ
kathañcidavyaṅgamayatnatō:’nagha |
pādāravindaṁ na bhajatyasanmati-
-rgr̥hāndhakūpē patitō yathā paśuḥ || 2 ||
mamaiṣa kālō:’jita niṣphalō gatō
rājyaśriyōnnaddhamadasya bhūpatēḥ |
martyātmabuddhēḥ sutadārakōśabhū-
-ṣvāsajjamānasya durantacintayā || 3 ||
kalēvarē:’smin ghaṭakuḍyasannibhē
nirūḍhamānō naradēva ityaham |
vr̥tō rathēbhāśvapadātyanīkapai-
-rgāṁ paryaṭaṁstvāgaṇayan sudurmadaḥ || 4 ||
pramattamuccairitikr̥tyacintayā
pravr̥ddhalōbhaṁ viṣayēṣu lālasam |
tvamapramattaḥ sahasābhipadyasē
kṣullēlihānō:’hirivākhumantakaḥ || 6 ||
purā rathairhēmapariṣkr̥taiścaran
mataṅgajairvā naradēvasañjñitaḥ |
sa ēva kālēna duratyayēna tē
kalēvarō viṭkr̥mibhasmasañjñitaḥ || 7 ||
nirjitya dikcakramabhūtavigrahō
varāsanasthaḥ samarājavanditaḥ |
gr̥hēṣu maithunyasukhēṣu yōṣitāṁ
krīḍāmr̥gaḥ pūruṣa īśa nīyatē || 8 ||
karōti karmāṇi tapaḥsuniṣṭhitō
nivr̥ttabhōgastadapēkṣayā dadat |
punaśca bhūyēyamahaṁ svarāḍiti
pravr̥ddhatarṣō na sukhāya kalpatē || 9 ||
bhavāpavargō bhramatō yadā bhavē-
-jjanasya tarhyacyuta satsamāgamaḥ |
satsaṅgamō yarhi tadaiva sadgatau
parāvarēśē tvayi jāyatē matiḥ || 10 ||
manyē mamānugraha īśa tē kr̥tō
rājyānubandhāpagamō yadr̥cchayā |
yaḥ prārthyatē sādhubhirēkacaryayā
vanaṁ vivikṣadbhirakhaṇḍabhūmipaiḥ || 11 ||
na kāmayē:’nyaṁ tava pādasēvanā-
-dakiñcanaprārthyatamādvaraṁ vibhō |
ārādhya kastvāṁ hyapavargadaṁ harē
vr̥ṇīta āryō varamātmabandhanam || 12 ||
tasmādvisr̥jyāśiṣa īśa sarvatō
rajastamaḥ sattvaguṇānubandhanāḥ |
nirañjanaṁ nirguṇamadvayaṁ paraṁ
tvāṁ jñaptimātraṁ puruṣaṁ vrajāmyaham || 13 ||
ciramiha vr̥jinārtastapyamānō:’nutāpai-
-ravitr̥ṣaṣaḍamitrō:’labdhaśāntiḥ kathañcit |
śaraṇada samupētastvatpadābjaṁ parātman
abhayamr̥tamaśōkaṁ pāhi mā:’:’pannamīśa || 14 ||
iti śrīmadbhāgavatē daśamaskandhē ēkapañcāśattamō:’dhyāyē mucukundastutirnāma śrī kr̥ṣṇa stōtram ||
See more śrī kr̥ṣṇa stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
