Read in తెలుగు / ಕನ್ನಡ / தமிழ் / देवनागरी / English (IAST)
mahānīlamēghātibhavyaṁ suhāsaṁ
śivabrahmadēvādibhiḥ saṁstutaṁ ca |
ramāmandiraṁ dēvanandāpadāhaṁ
bhajē rādhikāvallabhaṁ kr̥ṣṇacandram || 1 ||
rasaṁ vēdavēdāntavēdyaṁ durāpaṁ
sugamyaṁ tadīyādibhirdānavaghnam |
calatkuṇḍalaṁ sōmavaṁśapradīpaṁ
bhajē rādhikāvallabhaṁ kr̥ṣṇacandram || 2 ||
yaśōdādisaṁlālitaṁ pūrṇakāmaṁ
dr̥śō rañjanaṁ prākr̥tasthasvarūpam |
dināntē samāyāntamēkāntabhaktai-
-rbhajē rādhikāvallabhaṁ kr̥ṣṇacandram || 3 ||
kr̥pādr̥ṣṭisampātasiktasvakuñjaṁ
tadantaḥsthitasvīyasamyagdaśādam |
punastatra taiḥ satkr̥taikāntalīlaṁ
bhajē rādhikāvallabhaṁ kr̥ṣṇacandram || 4 ||
gr̥hē gōpikābhirdhr̥tē cauryakālē
tadakṣṇōśca nikṣipya dugdhaṁ calantam |
tadā tadviyōgādisampattikāraṁ
bhajē rādhikāvallabhaṁ kr̥ṣṇacandram || 5 ||
calatkaustubhavyāptavakṣaḥpradēśaṁ
mahāvaijayantīlasatpādayugmam |
sukastūrikādīptabhālapradēśaṁ
bhajē rādhikāvallabhaṁ kr̥ṣṇacandram || 6 ||
gavāṁ dōhanē dr̥ṣṭarādhāmukhābjaṁ
tadānīṁ ca tanmēlanavyagracittam |
samutpannatanmānasaikāntabhāvaṁ
bhajē rādhikāvallabhaṁ kr̥ṣṇacandram || 7 ||
adaḥ kr̥ṣṇacandrāṣṭakaṁ prēmayuktaḥ
paṭhētkr̥ṣṇasānnidhyamāpnōti nityam |
kalau yaḥ sa saṁsāraduḥkhātiriktaṁ
prayātyēva viṣṇōḥ padaṁ nirbhayaṁ tat || 8 ||
iti śrīraghunāthaprabhu viracitaṁ śrī kr̥ṣṇacandrāṣṭakam ||
See more śrī kr̥ṣṇa stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
