Read in తెలుగు / ಕನ್ನಡ / தமிழ் / देवनागरी / English (IAST)
bhairava uvāca |
śatanāma pravakṣyāmi kālikāyā varānanē |
yasya prapaṭhanādvāgmī sarvatra vijayī bhavēt || 1 ||
kālī kapālinī kāntā kāmadā kāmasundarī |
kālarātriḥ kālikā ca kālabhairavapūjitā || 2 ||
kurukullā kāminī ca kamanīyasvabhāvinī |
kulīnā kulakartrī ca kulavartmaprakāśinī || 3 ||
kastūrīrasanīlā ca kāmyā kāmasvarūpiṇī |
kakāravarṇanilayā kāmadhēnuḥ karālikā || 4 ||
kulakāntā karālāsyā kāmārtā ca kalāvatī |
kr̥śōdarī ca kāmākhyā kaumārī kulapālinī || 5 ||
kulajā kulakanyā ca kulahā kulapūjitā |
kāmēśvarī kāmakāntā kuñjarēśvaragāminī || 6 ||
kāmadātrī kāmahartrī kr̥ṣṇā caiva kapardinī |
kumudā kr̥ṣṇadēhā ca kālindī kulapūjitā || 7 ||
kāśyapī kr̥ṣṇamātā ca kuliśāṅgī kalā tathā |
krīṁ rūpā kulagamyā ca kamalā kr̥ṣṇapūjitā || 8 ||
kr̥śāṅgī kinnarī kartrī kalakaṇṭhī ca kārtikī |
kambukaṇṭhī kaulinī ca kumudā kāmajīvinī || 9 ||
kulastrī kīrtikā kr̥tyā kīrtiśca kulapālikā |
kāmadēvakalā kalpalatā kāmāṅgavardhinī || 10 ||
kuntā ca kumudaprītā kadambakusumōtsukā |
kādambinī kamalinī kr̥ṣṇānandapradāyinī || 11 ||
kumārīpūjanaratā kumārīgaṇaśōbhitā |
kumārīrañjanaratā kumārīvratadhāriṇī || 12 ||
kaṅkālī kamanīyā ca kāmaśāstraviśāradā |
kapālakhaṭvāṅgadharā kālabhairavarūpiṇī || 13 ||
kōṭarī kōṭarākṣī ca kāśīkailāsavāsinī |
kātyāyanī kāryakarī kāvyaśāstrapramōdinī || 14 ||
kāmākarṣaṇarūpā ca kāmapīṭhanivāsinī |
kaṅkinī kākinī krīḍā kutsitā kalahapriyā || 15 ||
kuṇḍagōlōdbhavaprāṇā kauśikī kīrtivardhinī |
kumbhastanī kaṭākṣā ca kāvyā kōkanadapriyā || 16 ||
kāntāravāsinī kāntiḥ kaṭhinā kr̥ṣṇavallabhā |
iti tē kathitaṁ dēvi guhyādguhyataraṁ param || 17 ||
prapaṭhēdya idaṁ nityaṁ kālīnāmaśatāṣṭakam |
triṣu lōkēṣu dēvēśi tasyā:’sādhyaṁ na vidyatē || 18 ||
prātaḥkālē ca madhyāhnē sāyāhnē ca sadā niśi |
yaḥ paṭhētparayā bhaktyā kālīnāmaśatāṣṭakam || 19 ||
kālikā tasya gēhē ca saṁsthānaṁ kurutē sadā |
śūnyāgārē śmaśānē vā prāntarē jalamadhyataḥ || 20 ||
vahnimadhyē ca saṅgrāmē tathā prāṇasya saṁśayē |
śatāṣṭakaṁ japanmantrī labhatē kṣēmamuttamam || 21 ||
kālīṁ saṁsthāpya vidhivat stutvā nāmaśatāṣṭakaiḥ |
sādhakaḥ siddhimāpnōti kālikāyāḥ prasādataḥ || 22 ||
iti śrī kālī kakārāṣṭōttaraśatanāma stōtram |
See more śrī kālikā stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
