Read in తెలుగు / ಕನ್ನಡ / தமிழ் / देवनागरी / English (IAST)
kadācicchaṅkarācāryaścintayitvā divākaram |
kiṁ sādhitaṁ mayā lōkē pūjayā stutivandanaiḥ || 1 ||
bahukālē gatē tasya dattātrēyātmakō muniḥ |
svapnē pradarśayāmāsa sūryarūpamanuttamam || 2 ||
uvāca śaṅkaraṁ tatra patadrūpamadhārayat |
prāpyasē tvaṁ sarvasiddhikāraṇaṁ stōtramuttamam || 3 ||
upadēkṣyē dattanāmasahasraṁ dēvapūjitam |
dātuṁ vaktumaśakyaṁ ca rahasyaṁ mōkṣadāyakam || 4 ||
japēṣu puṇyatīrthēṣu cāndrāyaṇaśatēṣu ca |
yajñavratādidānēṣu sarvapuṇyaphalapradam || 5 ||
śatavāraṁ japēnnityaṁ karmasiddhirna saṁśayaḥ |
ēkēnōccāramātrēṇa tatsvarūpaṁ labhēnnaraḥ || 6 ||
yōgatrayaṁ ca labhatē sarvayōgānna saṁśayaḥ |
mātr̥pitr̥gurūṇāṁ ca hatyādōṣō vinaśyati || 7 ||
anēna yaḥ kimityuktvā rauravaṁ narakaṁ vrajēt |
paṭhitavyaṁ śrāvitavyaṁ śraddhābhaktisamanvitaiḥ || 8 ||
saṅkarīkr̥tapāpaiśca malinīkaraṇairapi |
pāpakōṭisahasraiśca mucyatē nātra saṁśayaḥ || 9 ||
yadgr̥hē saṁsthitaṁ stōtraṁ dattanāmasahasrakam |
sarvāvaśyādikarmāṇi samuccārya japēddhruvam || 10 ||
tattatkāryaṁ ca labhatē mōkṣavān yōgavān bhavēt ||
ōṁ asya śrīdattātrēyasahasranāmastōtramantrasya brahmar̥ṣiḥ | anuṣṭupchandaḥ | śrīdattapuruṣaḥ paramātmā dēvatā | ōṁ haṁsahaṁsāya vidmahē iti bījam | sō:’haṁ sō:’haṁ ca dhīmahi iti śaktiḥ | haṁsaḥ sō:’haṁ ca pracōdayāt iti kīlakam | śrīparamapuruṣaparamahaṁsaparamātmaprītyarthē japē viniyōgaḥ ||
athaḥ nyāsaḥ |
ōṁ haṁsō gaṇēśāya aṅguṣṭhābhyāṁ namaḥ |
ōṁ haṁsī prajāpatayē tarjanībhyāṁ namaḥ |
ōṁ haṁsūṁ mahāviṣṇavē madhyamābhyāṁ namaḥ |
ōṁ haṁsaiḥ śambhavē anāmikābhyāṁ namaḥ |
ōṁ haṁsau jīvātmanē kaniṣṭhikābhyāṁ namaḥ |
ōṁ haṁsaḥ paramātmanē karatalakarapr̥ṣṭhābhyāṁ namaḥ |
ēvaṁ hr̥dayādiṣaḍaṅganyāsaḥ |
ōṁ haṁsaḥ sō:’haṁ haṁsaḥ iti digbandhaḥ ||
dhyānam |
bālārkaprabhamindranīlajaṭilaṁ bhasmāṅgarāgōjjvalaṁ
śāntaṁ nādavilīnacittapavanaṁ śārdūlacarmāmbaram |
brahmādyaiḥ sanakādibhiḥ parivr̥taṁ siddhairmahāyōgibhiḥ
dattātrēyamupāsmahē hr̥di mudā dhyēyaṁ sadā yōginām || 1 ||
ōṁ śrīmāndēvō virūpākṣō purāṇapuruṣōttamaḥ |
brahmā parō yatīnāthō dīnabandhuḥ kr̥pānidhiḥ || 1 ||
sārasvatō munirmukhyastējasvī bhaktavatsalaḥ |
dharmō dharmamayō dharmī dharmadō dharmabhāvanaḥ || 2 ||
bhāgyadō bhōgadō bhōgī bhāgyavān bhānurañjanaḥ |
bhāskarō bhayahā bhartā bhāvabhūrbhavatāraṇaḥ || 3 ||
kr̥ṣṇō lakṣmīpatirdēvaḥ pārijātāpahārakaḥ |
siṁhādrinilayaḥ śambhurvyakaṭācalavāsakaḥ || 4 ||
kōllāpuraḥ śrījapavān māhurārjitabhikṣukaḥ |
sētutīrthaviśuddhātmā rāmadhyānaparāyaṇaḥ || 5 ||
rāmārcitō rāmaguruḥ rāmātmā rāmadaivataḥ |
śrīrāmaśiṣyō rāmajñō rāmaikākṣaratatparaḥ || 6 ||
śrīrāmamantravikhyātō rāmamantrābdhipāragaḥ |
rāmabhaktō rāmasakhā rāmavān rāmaharṣaṇaḥ || 7 ||
anasūyātmajō dēvadattaścātrēyanāmakaḥ |
surūpaḥ sumatiḥ prājñaḥ śrīdō vaikuṇṭhavallabhaḥ || 8 ||
virajasthānakaḥ śrēṣṭhaḥ sarvō nārāyaṇaḥ prabhuḥ |
karmajñaḥ karmaniratō nr̥siṁhō vāmanō:’cyutaḥ || 9 ||
kaviḥ kāvyō jagannāthō jaganmūrtiranāmayaḥ |
matsyaḥ kūrmō varāhaśca hariḥ kr̥ṣṇō mahāsmayaḥ || 10 ||
rāmō rāmō raghupatirbuddhaḥ kalkī janārdanaḥ |
gōvindō mādhavō viṣṇuḥ śrīdharō dēvanāyakaḥ || 11 ||
trivikramaḥ kēśavaśca vāsudēvō mahēśvaraḥ |
saṅkarṣaṇaḥ padmanābhō dāmōdaraparaḥ śuciḥ || 12 ||
śrīśailavanacārī ca bhārgavasthānakōvidaḥ |
ahōbalanivāsī ca svāmī puṣkaraṇīpriyaḥ || 13 ||
kumbhakōṇanivāsī ca kāñcivāsī rasēśvaraḥ |
rasānubhōktā siddhēśaḥ siddhimān siddhavatsalaḥ || 14 ||
siddharūpaḥ siddhavidhiḥ siddhācārapravartakaḥ |
rasāhārō viṣāhārō gandhakādi prasēvakaḥ || 15 ||
yōgī yōgaparō rājā dhr̥timān matimānsukhī |
buddhimānnītimān bālō hyunmattō jñānasāgaraḥ || 16 ||
yōgistutō yōgicandrō yōgivandyō yatīśvaraḥ |
yōgādimān yōgarūpō yōgīśō yōgipūjitaḥ || 17 ||
kāṣṭhayōgī dr̥ḍhaprajñō lambikāyōgavān dr̥ḍhaḥ |
khēcaraśca khagaḥ pūṣā raśmivānbhūtabhāvanaḥ || 18 ||
brahmajñaḥ sanakādibhyaḥ śrīpatiḥ kāryasiddhimān |
spr̥ṣṭāspr̥ṣṭavihīnātmā yōgajñō yōgamūrtimān || 19 ||
mōkṣaśrīrmōkṣadō mōkṣī mōkṣarūpō viśēṣavān |
sukhapradaḥ sukhaḥ saukhyaḥ sukharūpaḥ sukhātmakaḥ || 20 ||
rātrirūpō divārūpaḥ sandhyā:’:’tmā kālarūpakaḥ |
kālaḥ kālavivarṇaśca bālaḥ prabhuratulyakaḥ || 21 ||
sahasraśīrṣā puruṣō vēdātmā vēdapāragaḥ |
sahasracaraṇō:’nantaḥ sahasrākṣō jitēndriyaḥ || 22 ||
sthūlasūkṣmō nirākārō nirmōhō bhaktamōhavān |
mahīyānparamāṇuśca jitakrōdhō bhayāpahaḥ || 23 ||
yōgānandapradātā ca yōgō yōgaviśāradaḥ |
nityō nityātmavān yōgī nityapūrṇō nirāmayaḥ || 24 ||
dattātrēyō dēvadattō yōgī paramabhāskaraḥ |
avadhūtaḥ sarvanāthaḥ satkartā puruṣōttamaḥ || 25 ||
jñānī lōkavibhuḥ kāntaḥ śītōṣṇasamabuddhakaḥ |
vidvēṣī janasaṁhartā dharmabuddhivicakṣaṇaḥ || 26 ||
nityatr̥ptō viśōkaśca dvibhujaḥ kāmarūpakaḥ |
kalyāṇō:’bhijanō dhīrō viśiṣṭaḥ suvicakṣaṇaḥ || 27 ||
śrīmadbhāgavatārthajñō rāmāyaṇaviśēṣavān |
aṣṭādaśapurāṇajñō ṣaḍdarśanavijr̥mbhakaḥ || 28 ||
nirvikalpaḥ suraśrēṣṭhō hyuttamō lōkapūjitaḥ |
guṇātītaḥ pūrṇaguṇī brahmaṇyō dvijasaṁvr̥taḥ || 29 ||
digambarō mahājñēyō viśvātmā:’:’tmaparāyaṇaḥ |
vēdāntaśravaṇō vēdī kalāvānniṣkalatravān || 30 ||
mitabhāṣya mitābhāṣī saumyō rāmō jayaḥ śivaḥ |
sarvajit sarvatōbhadrō jayakāṅkṣī sukhāvahaḥ || 31 ||
pratyarthikīrtisaṁhartā mandarārcitapādukaḥ |
vaikuṇṭhavāsī dēvēśō virajāsnānamānasaḥ || 32 ||
śrīmērunilayō yōgī bālārkasamakāntimān |
raktāṅgaḥ śyāmalāṅgaśca bahuvēṣō bahupriyaḥ || 33 ||
mahālakṣmyannapūrṇēśaḥ svadhākārō yatīśvaraḥ |
svarṇarūpaḥ svarṇadāyī mūlikāyantrakōvidaḥ || 34 ||
anītamūlikāyantrō bhaktābhīṣṭapradō mahān |
śāntākārō mahāmāyō māhurasthō jaganmayaḥ || 35 ||
baddhāsanaśca sūkṣmāṁśī mitāhārō nirudyamaḥ |
dhyānātmā dhyānayōgātmā dhyānasthō dhyānasatpriyaḥ || 36 ||
satyadhyānaḥ satyamayaḥ satyarūpō nijākr̥tiḥ |
trilōkagururēkātmā bhasmōddhūlitavigrahaḥ || 37 ||
priyāpriyasamaḥ pūrṇō lābhālābhasamapriyaḥ |
sukhaduḥkhasamō hrīmān hitāhitasamaḥ paraḥ || 38 ||
gururbrahmā ca viṣṇuśca mahāviṣṇuḥ sanātanaḥ |
sadāśivō mahēndraśca gōvindō madhusūdanaḥ || 39 ||
kartā kārayitā rudraḥ sarvacārī tu yācakaḥ |
sampatpradō vr̥ṣṭirūpō mēgharūpastapaḥpriyaḥ || 40 ||
tapōmūrtistapōrāśistapasvī ca tapōdhanaḥ |
tapōmayastapaḥśuddhō janakō viśvasr̥gvidhiḥ || 41 ||
tapaḥsiddhastapaḥsādhyastapaḥkartā tapaḥkratuḥ |
tapaḥśamastapaḥkīrtistapōdārastapō:’tyayaḥ || 42 ||
tapōrētastapōjyōtistapātmā cātrinandanaḥ |
niṣkalmaṣō niṣkapaṭō nirvighnō dharmabhīrukaḥ || 43 ||
vaidyutastārakaḥ karmavaidikō brāhmaṇō yatiḥ |
nakṣatratējō dīptātmā pariśuddhō vimatsaraḥ || 44 ||
jaṭī kr̥ṣṇājinapadō vyāghracarmadharō vaśī |
jitēndriyaścīravāsī śuklavastrāmbarō hariḥ || 45 ||
candrānujaścandramukhaḥ śukayōgī varapradaḥ |
divyayōgī pañcatapō māsartuvatsarānanaḥ || 46 ||
bhūtajñō vartamānajña hyēyajñō dharmavatsalaḥ |
prajāhitaḥ sarvahitō hyanindyō lōkavanditaḥ || 47 ||
ākuñcayōgasambaddhamalamūtrarasādikaḥ |
kanakībhūtamalavān rājayōgavicakṣaṇaḥ || 48 ||
śakaṭādiviśēṣajñō lambikānītitatparaḥ |
prapañcarūpī balavān ēkakaupīnavastrakaḥ || 49 ||
digambaraḥ sōttarīyaḥ sajaṭaḥ sakamaṇḍaluḥ |
nirdaṇḍaścāsidaṇḍaśca strīvēṣaḥ puruṣākr̥tiḥ || 50 ||
tulasīkāṣṭhamālī ca raudraḥ sphaṭikamālikaḥ |
nirmālikaḥ śuddhataraḥ svēcchā amaravān paraḥ || 51 ||
urdhvapuṇḍrastripuṇḍrāṅkō dvandvahīnaḥ sunirmalaḥ |
nirjaṭaḥ sajaṭō hēyō bhasmaśāyī subhōgavān || 52 ||
mūtrasparśō malasparśōjātihīnaḥ sujātikaḥ |
abhakṣyabhakṣō nirbhakṣō jagadvanditadēhavān || 53 ||
bhūṣaṇō dūṣaṇasamaḥ kālākālō dayānidhiḥ |
bālapriyō bālarucirbālavānatibālakaḥ || 54 ||
bālakrīḍō bālaratō bālasaṅghavr̥tō balī |
bālalīlāvinōdaśca karṇākarṣaṇakārakaḥ || 55 ||
krayānītavaṇikpaṇyō guḍasūpādibhakṣakaḥ |
bālavadgītasandr̥ṣṭō muṣṭiyuddhakaraścalaḥ || 56 ||
adr̥śyō dr̥śyamānaśca dvandvayuddhapravartakaḥ |
palāyamānō bālāḍhyō bālahāsaḥ susaṅgataḥ || 57 ||
pratyāgataḥ punargacchaccakravadgamanākulaḥ |
cōravaddhr̥tasarvasvō janatā:’:’rtikadēhavān || 58 ||
prahasanpravadandattō divyamaṅgalavigrahaḥ |
māyābālaśca māyāvī pūrṇalīlō munīśvaraḥ || 59 ||
māhurēśō viśuddhātmā yaśasvī kīrtimān yuvā |
savikalpaḥ saccidābhō guṇavān saumyabhāvanaḥ || 60 ||
pinākī śaśimaulī ca vāsudēvō divaspatiḥ |
suśirāḥ sūryatējaśca śrīgambhīrōṣṭha unnatiḥ || 61 ||
daśapadmā triśīrṣaśca tribhirvyāptō dviśuklavān |
trisamaśca tritātmaśca trilōkaśca trayambakaḥ || 62 ||
caturdvandvastriyavanastrikāmō haṁsavāhanaḥ |
catuṣkalaścaturdaṁṣṭrō gatiḥ śambhuḥ priyānanaḥ || 63 ||
caturmatirmahādaṁṣṭrō vēdāṅgī caturānanaḥ |
pañcaśuddhō mahāyōgī mahādvādaśavānakaḥ || 64 ||
caturmukhō naratanurajēyaścāṣṭavaṁśavān |
caturdaśasamadvandvō mukurāṅkō daśāṁśavān || 65 ||
vr̥ṣāṅkō vr̥ṣabhārūḍhaścandratējaḥ sudarśanaḥ |
sāmapriyō mahēśānaścidākārōḥ narōttamaḥ || 66 ||
dayāvān karuṇāpūrṇō mahēndrō māhurēśvaraḥ |
vīrāsanasamāsīnō rāmō rāmaparāyaṇaḥ || 67 ||
indrō vahniryamaḥ kālō nirr̥tirvaruṇō yamaḥ |
vāyuśca rudraścēśānō lōkapālō mahāyaśaḥ || 68 ||
yakṣagandharvanāgāśca kinnaraḥ śuddharūpakaḥ |
vidyādharaścāhipatiścāraṇaḥ pannagēśvaraḥ || 69 ||
caṇḍikēśaḥ pracaṇḍaśca ghaṇṭānādarataḥ priyaḥ |
vīṇādhvanirvainatēyō nāradastumbarurharaḥ || 70 ||
vīṇāpracaṇḍasaundaryō rājīvākṣaśca manmathaḥ |
candrō divākarō gōpaḥ kēsarī sōmasōdaraḥ || 71 ||
sanakaḥ śukayōgī ca nandī ṣaṇmukharāgakaḥ |
gaṇēśō vighnarājaśca candrābhō vijayō jayaḥ || 72 ||
atītakālacakraśca tāmasaḥ kāladaṇḍavān |
viṣṇucakraḥ triśūlēndrō brahmadaṇḍō viruddhakaḥ || 73 ||
brahmāstrarūpō satyēndraḥ kīrtimāngōpatirbhavaḥ |
vasiṣṭhō vāmadēvaśca jābālī kaṇvarūpakaḥ || 74 ||
saṁvartarūpō maudgalyō mārkaṇḍēyaśca kāśyapaḥ |
trijaṭō gārgyarūpī ca viṣanāthō mahōdayaḥ || 75 ||
tvaṣṭā niśākaraḥ karmakāśyapaśca trirūpavān |
jamadagniḥ sarvarūpaḥ sarvanādō yatīśvaraḥ || 76 ||
aśvarūpī vaidyapatirgarakaṇṭhō:’mbikārcitaḥ |
cintāmaṇiḥ kalpavr̥kṣō ratnādrirudadhipriyaḥ || 77 ||
mahāmaṇḍūkarūpī ca kālāgnisamavigrahaḥ |
ādhāraśaktirūpī ca kūrmaḥ pañcāgnirūpakaḥ || 78 ||
kṣīrārṇavō mahārūpō varāhaśca dhr̥tāvaniḥ |
airāvatō janaḥ padmō vāmanaḥ kumudātmavān || 79 ||
puṇḍarīkaḥ puṣpadantō mēghacchannō:’bhracārakaḥ |
sitōtpalābhō dyutimān dr̥ḍhōraskaḥ surārcitaḥ || 80 ||
padmanābhaḥ sunābhaśca daśaśīrṣaḥ śatōdaraḥ |
avāṅmukhō pañcavaktrō rakṣākhyātmā dvirūpakaḥ || 81 ||
svarṇamaṇḍalasañcārī vēdisthaḥ sarvapūjitaḥ |
svaprasannaḥ prasannātmā svabhaktābhimukhō mr̥duḥ || 82 ||
āvāhitaḥ sannihitō varadō jñānavasthitaḥ |
śāligrāmātmakō dhyātō ratnasiṁhāsanasthitaḥ || 83 ||
arghyapriyaḥ pādyatuṣṭaścācamyārcitapādukaḥ |
pañcāmr̥taḥ snānavidhiḥ śuddhōdakasusañcitaḥ || 84 ||
gandhākṣatasusamprītaḥ puṣpālaṅkārabhūṣaṇaḥ |
aṅgapūjāpriyaḥ sarvō mahākīrtirmahābhujaḥ || 85 ||
nāmapūjāviśēṣajñaḥ sarvanāmasvarūpakaḥ |
dhūpitō divyadhūpātmā dīpitō bahudīpavān || 86 ||
bahunaivēdyasaṁhr̥ṣṭō nirājanavirājitaḥ |
sarvātirañjitānandaḥ saukhyavān dhavalārjunaḥ || 87 ||
virāgō nirvirāgaśca yajñārcāṅgō vibhūtikaḥ |
unmattō bhrāntacittaśca śubhacittaḥ śubhāhutiḥ || 88 ||
surairiṣṭō laghiṣṭaśca bahiṣṭhō bahudāyakaḥ |
mahiṣṭhaḥ sumahaujāśca baliṣṭhaḥ supratiṣṭhitaḥ || 89 ||
kāśīgaṅgāmbumajjaśca kulaśrīmantrajāpakaḥ |
cikurānvitabhālaśca sarvāṅgaliptabhūtikaḥ || 90 ||
anādinidhanō jyōtibhārgavādyaḥ sanātanaḥ |
tāpatrayōpaśamanō mānavāsō mahōdayaḥ || 91 ||
jyēṣṭhaḥ śrēṣṭhō mahāraudraḥ kālamūrtiḥ suniścayaḥ |
ūrdhvaḥ samūrdhvaliṅgaśca hiraṇyō hēmaliṅgavān || 92 ||
suvarṇaḥ svarṇaliṅgaśca divyamūrtirdivaspatiḥ |
divyaliṅgō bhavō bhavyaḥ sarvaliṅgastu sarvakaḥ || 93 ||
śivaliṅgaḥ śivō māyō jvalastūjjvalaliṅgavān |
ātmā caivātmaliṅgaśca paramō liṅgapāragaḥ || 94 ||
sōmaḥ sūryaḥ sarvaliṅgaḥ pāṇiyantrapavitravān |
sadyōjātastapōrūpō bhavōdbhava anīśvaraḥ || 95 ||
tatsavidrūpasavitā varēṇyaśca pracōdayāt |
dūradr̥ṣṭirdūragatō dūraśravaṇatarpitaḥ || 96 ||
yōgapīṭhasthitō vidvān namaskāritarāsabhaḥ |
namaskr̥taśunaścāpi vajrakaṣṭyātibhīṣaṇaḥ || 97 ||
jvalanmukhaḥ pratīvāṇī sakhaḍgō drāviḍaprajaḥ |
paśughnaśca rasōnmattō rasōrdhvamukharañjitaḥ || 98 ||
rasapriyō rasātmā ca rasarūpī rasēśvaraḥ |
rasādhidaivatō bhaumō rasāṅgō rasabhāvanaḥ || 99 ||
rasōnmadō rasakarō rasēndrō rasapūjakaḥ |
rasasiddhaḥ siddharasō rasadravyō rasōnmukhaḥ || 100 ||
rasāṅkitō rasāpūrṇō rasadō rasikō rasī |
gandhakādastālakādō gauraḥsphaṭikasēvanaḥ || 101 ||
kāryasiddhaḥ kāryarucirbahukāryō na kāryavān |
abhēdī janakartā ca śaṅkhacakragadādharaḥ || 102 ||
kr̥ṣṇājinakirīṭī ca śrīkr̥ṣṇājinakañcukaḥ |
mr̥gayāyī mr̥gēndraśca gajarūpī gajēśvaraḥ || 103 ||
dr̥ḍhavrataḥ satyavādī kr̥tajñō balavānbalaḥ |
guṇavān kāryavān dāntaḥ kr̥taśōbhō durāsadaḥ || 104 ||
sukālō bhūtanihitaḥ samarthaścāṇḍanāyakaḥ |
sampūrṇadr̥ṣṭirakṣubdhō janaikapriyadarśanaḥ || 105 ||
niyatātmā padmadharō brahmavāṁścānasūyakaḥ |
uñcchavr̥ttiranīśaśca rājabhōgī sumālikaḥ || 106 ||
sukumārō jarāhīnō cāraghnō mañjulēkṣaṇaḥ |
supādaḥ svaṅgulīkaśca sujaṅghaḥ śubhajānukaḥ || 107 ||
śubhōruḥ śubhaliṅgaśca sunābhō jaghanōttamaḥ |
supārśvaḥ sustanō nīlaḥ suvakṣaśca sujatrukaḥ || 108 ||
nīlagrīvō mahāskandhaḥ subhujō divyajaṅghakaḥ |
suhastarēkhō lakṣmīvān dīrghapr̥ṣṭhō yatiścalaḥ || 109 ||
unmīlitōnmīlitaśca viśālākṣaśca śubhrakaḥ |
śubhamadhyaḥ subhālaśca suśirā nīlarōmakaḥ || 110 ||
bimbōṣṭhaḥ śubhradantaśca vidyujjihvaḥ sutālukaḥ |
dīrghanāsaḥ sutāmrākṣaḥ sukapōlaḥ sukarṇakaḥ || 111 ||
viśiṣṭagrāmaṇiskandhaḥ śikhivarṇō vibhāvasuḥ |
kailāsēśō vicitrajñō vaikuṇṭhēndrō vicitravān || 112 ||
manasēndraścakravālō mahēndrō mandāradhipaḥ |
malayō vindhyarūpaśca himavān mērurūpakaḥ || 113 ||
suvēṣō navyarūpātmā mainākō gandhamādanaḥ |
siṁhācalaśca vēdādriḥ śrīśailaḥ krakacātmakaḥ || 114 ||
nānācalaścitrakūṭō durvāsō parvatātmajaḥ |
yamunākr̥ṣṇavēṇīśō bhadrēśō gautamīpatiḥ || 115 ||
gōdāvarīśō gaṅgātmā śōṇakaḥ kauśikīpatiḥ |
narmadēśastu kāvērītāmraparṇīśvarō jaṭī || 116 ||
saridrūpā nadātmā ca samudraḥ saridīśvaraḥ |
hrādinīśaḥ pāvanīśō nalinīśaḥ sucakṣumān || 117 ||
sītānadīpatiḥ sindhūrēvēśī muralīpatiḥ |
lavaṇēkṣuḥ kṣīranidhiḥ surābdhiḥ sarpirambudhiḥ || 118 ||
dayābdhiśuddhajaladhistatvarūpī dhanādhipaḥ |
bhūpālamadhurāgajñō mālanīrāgakōvidaḥ || 119 ||
pauṇḍrakriyājñaḥ śrīrāgō nānārāgārṇavāntakaḥ |
vēdādirūpō hrīṁrūpō hrūṁrūpaḥ klīṁvikārakaḥ || 120 ||
glūṁmayaḥ klīṁmayaḥ prakhyō hūṁmayaḥ krauṁmayō bhaṭaḥ |
dhīṁmayō luṅmayō lāṅgō ghaṁmayaḥ khaṁmayaḥ khagaḥ || 121 ||
khaṁmayō ñaṁmayaścāṅgō bījāṅgō bījajaṁmayaḥ |
jhaṅkaraṣṭaṅkaraḥṣṭaṅgō ḍaṅkarō ḍhaṅkarō:’ṇukaḥ || 122 ||
taṅkarasthaṅkarastuṅgō drāṁmudrārūpakaḥ sudaḥ |
dakṣō daṇḍī dānavaghnō apratidvandvavāmadaḥ || 123 ||
dhaṁrūpō naṁsvarūpaśca paṅkajākṣaśca phaṁmayaḥ |
mahēndrō madhubhōktā ca mandarētāstu bhaṁmayaḥ || 124 ||
raṁmayō riṅkarō raṅgō laṅkaraḥ vaṁmayaḥ śaraḥ |
śaṅkaraḥ ṣaṇmukhō haṁsaḥ śaṅkaraḥ śaṅkarō:’kṣayaḥ || 125 ||
ōmityēkākṣarātmā ca sarvabījasvarūpakaḥ |
śrīkaraḥ śrīpadaḥ śrīśaḥ śrīnidhiḥ śrīnikētanaḥ || 126 ||
puruṣōttamaḥ sukhī yōgī dattātrēyō hr̥dipriyaḥ |
tatsamyutaḥ sadāyōgī dhīratantraḥ susādhakaḥ || 127 ||
puruṣōttamō yatiśrēṣṭhō dattātrēyaḥ sakhītvavān |
vasiṣṭhavāmadēvābhyāṁ dattaḥ puruṣaḥ īritaḥ || 128 ||
yāvattiṣṭhatē hyasmin tāvattiṣṭhati tatsukhaḥ |
ya idaṁ śr̥ṇuyānnityaṁ brahmasāyujyatāṁ vrajēt || 129 ||
bhuktimuktikaraṁ tasya nātrakāryā vicāraṇā |
āyuṣmatputrapautrāṁśca dattātrēyaḥ pradarśayēt || 130 ||
dhanyaṁ yaśasyamāyuṣyaṁ putrabhāgyavivardhanam |
karōti lēkhanādēva parārthaṁ vā na saṁśayaḥ || 131 ||
yaḥ karōtyupadēśaṁ ca nāmadattasahasrakam |
sa ca yāti ca sāyujyaṁ śrīmān śrīmān na saṁśayaḥ || 132 ||
paṭhanācchravaṇādvāpi sarvānkāmānavāpnuyāt |
khēcaratvaṁ kāryasiddhiṁ yōgasiddhimavāpnuyāt || 136 ||
brahmarākṣasavētālaiḥ piśācaiḥ kāminīmukhaiḥ |
pīḍākaraiḥ sukhakarairgrahairduṣṭairna bādhyatē || 134 ||
dēvaiḥ piśācairmucyēta sakr̥duccāraṇēna tu |
yasmin dēśē sthitaṁ caitatpustakaṁ dattanāmakam || 135 ||
pañcayōjanavistāraṁ rakṣaṇaṁ nātra saṁśayaḥ |
sarvabījasamāyuktaṁ stōtraṁ nāmasahasrakam || 136 ||
sarvamantrasvarūpaṁ ca dattātrēyasvarūpakam |
ēkavāraṁ paṭhitvā tu tāmrapātrē jalaṁ spr̥śēt || 137 ||
pītvā cētsarvarōgaiśca mucyatē nātra saṁśayaḥ |
strīvaśyaṁ puruṣavaśyaṁ rājavaśyaṁ jayāvaham || 138 ||
sampatpradaṁ mōkṣakaraṁ paṭhēnnityamatandritaḥ |
līyantē:’sminprapañcārthān vairiśōkādikāritaḥ || 139 ||
paṭhanāttu prasannō:’haṁ śaṅkarācārya buddhimān |
bhaviṣyati na sandēhaḥ paṭhitaḥ prātarēva mām || 140 ||
upadēkṣyē sarvayōgān lambikādibahūnvarān |
dattātrēyastu cētyuktvā svapnē cāntaradhīyata || 141 ||
svapnādutthāya cācāryaḥ vismayaṁ paramaṁ gataḥ |
svapnōpadiṣṭaṁ taṁ stōtraṁ dattātrēyēna yōginā || 142 ||
sahasranāmakaṁ divyaṁ paṭhitvā yōgavānbhavēt |
jñānayōgayatitvaṁ ca parākāyapravēśanam || 143 ||
bahuvidyākhēcaratvaṁ dīrghāyustatprasādataḥ |
tadārabhya bhuvi śrēṣṭhaḥ prasiddhaścābhavadyatī || 144 ||
iti śrīśaṅkarācāryasvapnāvasthāyāṁ dattātrēyōpadēśitaṁ sakalapurāṇavēdōkta prapañcārthasāravat stōtraṁ sampūrṇam |
See more śrī dattātrēya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
