Read in తెలుగు / ಕನ್ನಡ / தமிழ் / देवनागरी / English (IAST)
dhyānam –
sauvarṇāsanasaṁsthitāṁ trinayanāṁ pītāṁśukollāsinīṁ
hemābhāṅgaruciṁ śaśāṅkamukuṭāṁ saccampakasragyutām |
hastairmudgarapāśavajrarasanāḥ sambibhratīṁ bhūṣaṇaiḥ
vyāptāṅgīṁ bagalāmukhīṁ trijagatāṁ saṁstambhinīṁ cintayet ||
śrīnārada uvāca |
bhagavan devadeveśa sṛṣṭisthitilayātmaka |
śatamaṣṭottaraṁ nāmnāṁ bagalāyā vadā’dhunā || 1 ||
śrībhagavānuvāca |
śṛṇu vatsa pravakṣyāmi nāmnāmaṣṭottaraṁ śatam |
pītāmbaryā mahādevyāḥ stotraṁ pāpapraṇāśanam || 2 ||
yasya prapaṭhanāt sadyo vādī mūko bhavet kṣaṇāt |
ripūṇāṁ stambhanaṁ yāti satyaṁ satyaṁ vadāmyaham || 3 ||
asya śrīpītāmbaryaṣṭottaraśatanāmastotrasya sadāśiva ṛṣiḥ anuṣṭup chandaḥ śrīpītāmbarī devatā śrīpītāmbarī prītaye jape viniyogaḥ ||
stotram –
om | bagalā viṣṇuvanitā viṣṇuśaṅkarabhāminī |
bahulā vedamātā ca mahāviṣṇuprasūrapi || 4 ||
mahāmatsyā mahākūrmā mahāvārāharūpiṇī |
narasiṁhapriyā ramyā vāmanā baṭurūpiṇī || 5 ||
jāmadagnyasvarūpā ca rāmā rāmaprapūjitā |
kṛṣṇā kapardinī kṛtyā kalahā kalakāriṇī || 6 ||
buddhirūpā buddhabhāryā bauddhapākhaṇḍakhaṇḍinī |
kalkirūpā kaliharā kalidurgatināśinī || 7 ||
koṭisūryapratīkāśā koṭikandarpamohinī |
kevalā kaṭhinā kālī kalā kaivalyadāyinī || 8 ||
keśavī keśavārādhyā kiśorī keśavastutā |
rudrarūpā rudramūrtī rudrāṇī rudradevatā || 9 ||
nakṣatrarūpā nakṣatrā nakṣatreśaprapūjitā |
nakṣatreśapriyā nityā nakṣatrapativanditā || 10 ||
nāginī nāgajananī nāgarājapravanditā |
nāgeśvarī nāgakanyā nāgarī ca nagātmajā || 11 ||
nagādhirājatanayā nagarājaprapūjitā |
navīnā nīradā pītā śyāmā saundaryakāriṇī || 12 ||
raktā nīlā ghanā śubhrā śvetā saubhāgyadāyinī |
sundarī saubhagā saumyā svarṇabhā svargatipradā || 13 ||
riputrāsakarī rekhā śatrusaṁhārakāriṇī |
bhāminī ca tathā māyā stambhinī mohinī śubhā || 14 ||
rāgadveṣakarī rātrī rauravadhvaṁsakāriṇī |
yakṣiṇī siddhanivahā siddheśā siddhirūpiṇī || 15 ||
laṅkāpatidhvaṁsakarī laṅkeśaripuvanditā |
laṅkānāthakulaharā mahārāvaṇahāriṇī || 16 ||
devadānavasiddhaughapūjitā parameśvarī |
parāṇurūpā paramā paratantravināśinī || 17 ||
varadā varadārādhyā varadānaparāyaṇā |
varadeśapriyā vīrā vīrabhūṣaṇabhūṣitā || 18 ||
vasudā bahudā vāṇī brahmarūpā varānanā |
baladā pītavasanā pītabhūṣaṇabhūṣitā || 19 ||
pītapuṣpapriyā pītahārā pītasvarūpiṇī |
iti te kathitaṁ vipra nāmnāmaṣṭottaraṁ śatam || 20 ||
yaḥ paṭhet pāṭhayedvāpi śṛṇuyādvā samāhitaḥ |
tasya śatruḥ kṣayaṁ sadyo yāti naivātra saṁśayaḥ || 21 ||
prabhātakāle prayato manuṣyaḥ
paṭhet subhaktyā paricintya pītām |
drutaṁ bhavettasya samastavṛddhi-
-rvināśamāyāti ca tasya śatruḥ || 22 ||
iti śrīviṣṇuyāmale nāradaviṣṇusaṁvāde śrī pītāmbaryaṣṭottaraśatanāma stotram ||
See more śrī bagalāmukhī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
