Read in తెలుగు / ಕನ್ನಡ / தமிழ் / देवनागरी / English (IAST)
dharaṇyuvāca |
namastē dēvadēvēśa varāhavadanā:’cyuta |
kṣīrasāgarasaṅkāśa vajraśr̥ṅga mahābhuja || 1 ||
uddhr̥tāsmi tvayā dēva kalpādau sāgararāmbhasaḥ |
sahasrabāhunā viṣṇō dhārayāmi jagantyaham || 2 ||
anēkadivyābharaṇayajñasūtravirājita |
aruṇāruṇāmbaradhara divyaratnavibhūṣita || 3 ||
udyadbhānupratīkāśapādapadma namō namaḥ |
bālacandrābhadaṁṣṭrāgra mahābalaparākrama || 4 ||
divyacandanaliptāṅga taptakāñcanakuṇḍala |
indranīlamaṇidyōtihēmāṅgadavibhūṣita || 5 ||
vajradaṁṣṭrāgranirbhinna hiraṇyākṣamahābala |
puṇḍarīkābhitāmrākṣa sāmasvanamanōhara || 6 ||
śrutisīmantabhūṣātman sarvātman cāruvikrama |
caturānanaśambhubhyāṁ vanditā:’:’yatalōcana || 7 ||
sarvavidyāmayākāra śabdātīta namō namaḥ |
ānandavigrahā:’nanta kālakāla namō namaḥ || 8 ||
iti śrīskandapurāṇē vēṅkaṭācalamāhātmyē bhūdēvī kr̥ta śrī ādivarāha stōtram |
See more śrī viṣṇu stōtrāṇi for chanting.
See more daśāvatāra stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
