Read in తెలుగు / ಕನ್ನಡ / தமிழ் / देवनागरी / English (IAST)
vēdō nityamadhīyatāṁ taduditaṁ karma svanuṣṭhīyatāṁ
tēnēśasya vidhīyatāmapacitiḥ kāmyē manastyajyatām |
pāpaughaḥ paribhūyatāṁ bhavasukhē dōṣō:’nusandhīyatā-
mātmēcchā vyavasīyatāṁ nijagr̥hāttūrṇaṁ vinirgamyatām || 1 ||
saṅgaḥ satsu vidhīyatāṁ bhagavatō bhaktirdr̥ḍhā:’:’dhīyatāṁ
śāntyādiḥ paricīyatāṁ dr̥ḍhataraṁ karmāśu santyajyatām |
sadvidvānupasarpyatāṁ pratidinaṁ tatpādukā sēvyatāṁ
brahmaivākṣaramarthyatāṁ śrutiśirōvākyaṁ samākarṇyatām || 2 ||
vākyārthaśca vicāryatāṁ śrutiśiraḥpakṣaḥ samāśrīyatāṁ
dustarkātsuviramyatāṁ śrutimatastarkō:’nusandhīyatām |
brahmaivasmi vibhāvyatāmaharahō garvaḥ parityajyatāṁ
dēhō:’hammatirujjhyatāṁ budhajanairvādaḥ parityajyatām || 3 ||
kṣudvyādhiśca cikitsyatāṁ pratidinaṁ bhikṣauṣadhaṁ bhujyatāṁ
svādvannaṁ na ca yācyatāṁ vidhivaśātprāptēna santuṣyatām |
śītōṣṇādi viṣahyatāṁ na tu vr̥thā vākyaṁ samuccāryatā-
maudāsīnyamabhīpsyatāṁ janakr̥pānaiṣṭhuryamutsr̥jyatām || 4 ||
ēkāntē sukhamāsyatāṁ paratarē cētaḥ samādhīyatāṁ
pūrṇātmā susamīkṣyatāṁ jagadidaṁ tadbādhitaṁ dr̥śyatām |
prākkarma pravilāpyatāṁ citibalānnāpyuttaraiśśliṣyatāṁ
prārabdhaṁ tviha bhujyatāmatha parabrahmātmanā sthīyatām || 5 ||
yaḥ ślōkapañcakamidaṁ paṭhatē manuṣyaḥ
sañcintayatyanudinaṁ sthiratāmupētya |
tasyāśu saṁsr̥tidavānalatīvraghōra
tāpaḥ praśāntimupayāti citiprabhāvāt ||
See more vividha stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
