Read in తెలుగు / ಕನ್ನಡ / தமிழ் / English (IAST)
nārāyaṇīyaṁ ēkapañcāśattamaśakam (51) – aghāsuravadham
kadācana vrajaśiśubhiḥ samaṁ bhavān
vanāśanē vihitamatiḥ pragētarām |
samāvr̥tō bahutaravatsamaṇḍalaiḥ
satēmanairniragamadīśa jēmanaiḥ || 51-1 ||
viniryatastava caraṇāṁbujadvayā-
dudañcitaṁ tribhuvanapāvanaṁ rajaḥ |
maharṣayaḥ pulakadharaiḥ kalēbarai-
rudūhirē dhr̥tabhavadīkṣaṇōtsavāḥ || 51-2 ||
pracārayatyaviralaśādvalē talē
paśūnvibhō bhavati samaṁ kumārakaiḥ |
aghāsurō nyaruṇadaghāya vartanīṁ
bhayānakaḥ sapadi śayānakākr̥tiḥ || 51-3 ||
mahācalapratimatanōrguhānibha-
prasāritaprathitamukhasya kānanē |
mukhōdaraṁ viharaṇakautukādgatāḥ
kumārakāḥ kimapi vidūragē tvayi || 51-4 ||
pramādataḥ praviśati pannagōdaraṁ
kvathattanau paśupakulē savātsakē |
vidannidaṁ tvamapi vivēśitha prabhō
suhr̥jjanaṁ viśaraṇamāśu rakṣitum || 51-5 ||
galōdarē vipulitavarṣmaṇā tvayā
mahōragē luṭhati niruddhamārutē |
drutaṁ bhavānvidalitakaṇṭhamaṇḍalō
vimōcayanpaśupapaśūn viniryayau || 51-6 ||
kṣaṇaṁ divi tvadupagamārthamāsthitaṁ
mahāsuraprabhavamahō mahō mahat |
vinirgatē tvayi tu nilīnamañjasā
nabhaḥsthalē nanr̥turathō jagussurāḥ || 51-7 ||
savismayaiḥ kamalabhavādibhiḥ surai-
ranudrutastadanu gataḥ kumārakaiḥ |
dinē punastaruṇadaśāmupēyuṣi
svakairbhavānatanuta bhōjanōtsavam || 51-8 ||
viṣāṇikāmapi muralīṁ nitaṁbakē
nivēśayankabaladharaḥ karāṁbujē |
prahāsayankalavacanaiḥ kumārakān
bubhōjitha tridaśagaṇairmudā nutaḥ || 51-9 ||
sukhāśanaṁ tviha tava gōpamaṇḍalē
makhāśanātpriyamiva dēvamaṇḍalē |
iti stutastridaśavarairjagatpatē
marutpurīnilaya gadātprapāhi mām || 51-10 ||
iti ēkapañcāśattamadaśakaṁ samāptam |
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.