Read in తెలుగు / ಕನ್ನಡ / தமிழ் / English (IAST)
nārāyaṇīyaṁ catvāriṁśadaśakam (40) – pūtanāmōkṣam
tadanu nandamamandaśubhāspadaṁ nr̥papurīṁ karadānakr̥tē gatam |
samavalōkya jagāda bhavatpitā viditakaṁsasahāyajanōdyamaḥ || 40-1 ||
ayi sakhē tava bālakajanma māṁ sukhayatē:’dya nijātmajajanmavat |
iti bhavatpitr̥tāṁ vrajanāyakē samadhirōpya śaśaṁsa tamādarāt || 40-2 ||
iha ca santyanimittaśatāni tē kaṭakasīmni tatō laghu gamyatām |
iti ca tadvacasā vrajanāyakō bhavadapāyabhiyā drutamāyayau || 40-3 ||
avasarē khalu tatra ca kācana vrajapadē madhurākr̥tiraṅganā |
taralaṣaṭpadalālitakuntalā kapaṭapōtaka tē nikaṭaṁ gatā || 40-4 ||
sapadi sā hr̥tabālakacētanā niśicarānvayajā kila pūtanā |
vrajavadhūṣviha kēyamiti kṣaṇaṁ vimr̥śatīṣu bhavantamupādadē || 40-5 ||
lalitabhāvavilāsahr̥tātmabhiryuvatibhiḥ pratirōddhumapāritā |
stanamasau bhavanāntaniṣēduṣī pradaduṣī bhavatē kapaṭātmanē || 40-6 ||
samadhiruhya tadaṅkamaśaṅkitastvamatha bālakalōpanarōṣitaḥ |
mahadivāmraphalaṁ kucamaṇḍalaṁ praticucūṣitha durviṣadūṣitam || 40-7 ||
asubhirēva samaṁ dhayati tvayi stanamasau stanitōpamanisvanā |
nirapatadbhayadāyi nijaṁ vapuḥ pratigatā pravisārya bhujāvubhau || 40-8 ||
bhayadaghōṣaṇabhīṣaṇavigrahaśravaṇadarśanamōhitavallavē |
vrajapadē taduraḥsthalakhēlanaṁ nanu bhavantamagr̥hṇata gōpikāḥ || 40-9 ||
bhuvanamaṅgalanāmabhirēva tē yuvatibhirbahudhā kr̥tarakṣaṇaḥ |
tvamayi vātanikētananātha māmagadayaṁ kuru tāvakasēvakam || 40-10 ||
iti catvāriṁśadaśakaṁ samāptam |
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
