Read in తెలుగు / ಕನ್ನಡ / தமிழ் / English (IAST)
nārāyaṇīyaṁ ēkādaśadaśakam (11) sanakādīnāṁ vaikuṇṭhadarśanam | hiraṇyākṣasya tathā hiraṇyakaśipōḥ jananam |
kramēṇa sargē parivardhamānē
kadāpi divyāḥ sanakādayastē |
bhavadvilōkāya vikuṇṭhalōkaṁ
prapēdirē mārutamandirēśa || 11-1 ||
manōjñanaiśrēyasakānanādyai-
ranēkavāpīmaṇimandiraiśca |
anōpamaṁ taṁ bhavatō nikētaṁ
munīśvarāḥ prāpuratītakakṣyāḥ || 11-2 ||
bhavaddidr̥kṣūnbhavanaṁ vivikṣūn
dvāḥsthau jayastān vijayō:’pyarundhām |
tēṣāṁ ca cittē padamāpa kōpaḥ
sarvaṁ bhavatprēraṇayaiva bhūman || 11-3 ||
vaikuṇṭhalōkānucitapracēṣṭau
kaṣṭau yuvāṁ daityagatiṁ bhajētam |
iti praśaptau bhavadāśrayau tau
harismr̥tirnō:’stviti nēmatustān || 11-4 ||
tadētadājñāya bhavānavāptaḥ
sahaiva lakṣmyā bahiraṁbujākṣa |
khagēśvarāṁsārpitacārubāhu-
rānandayaṁstānabhirāmamūrtyā || 11-5 ||
prasādya gīrbhiḥ stuvatō munīndrā-
nananyanāthāvatha pārṣadau tau |
saṁraṁbhayōgēna bhavaistribhirmā-
mupētamityāttakr̥paṁ nyagādīḥ || 11-6 ||
tvadīyabhr̥tyāvatha kaśyapāttau
surārivīrāvuditau ditau dvau |
sandhyāsamutpādanakaṣṭacēṣṭau
yamau ca lōkasya yamāvivānyau || 11-7 ||
hiraṇyapūrvaḥ kaśipuḥ kilaikaḥ
parō hiraṇyākṣa iti pratītaḥ |
ubhau bhavannāthamaśēṣalōkaṁ
ruṣā nyarundhāṁ nijavāsanāndhau || 11-8 ||
tayōrhiraṇyākṣamahāsurēndrō
raṇāya dhāvannanavāptavairī |
bhavatpriyāṁ kṣmāṁ salilē nimajya
cacāra garvādvinadan gadāvān || 11-9 ||
tatō jalēśātsadr̥śaṁ bhavantaṁ
niśamya babhrāma gavēṣayaṁstvām |
bhaktaikadr̥śyaḥ sa kr̥pānidhē tvaṁ
nirundhi rōgān marudālayēśa || 11-10 ||
iti ēkādaśadaśakaṁ samāptam ||
See complete nārāyaṇīyam for chanting.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
