Narayaneeyam Dasakam 11 – நாராயணீயம் ஏகாத³ஶத³ஶகம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகாத³ஶத³ஶகம்

நாராயணீயம் ஏகாத³ஶத³ஶகம் (11) – ஸநகாதீ³நாம் வைகுண்ட²த³ர்ஶநம் । ஹிரண்யாக்ஷஸ்ய ததா² ஹிரண்யகஶிபோ꞉ ஜநநம் ।

க்ரமேண ஸர்கே³ பரிவர்த⁴மாநே
கதா³பி தி³வ்யா꞉ ஸநகாத³யஸ்தே ।
ப⁴வத்³விளோகாய விகுண்ட²லோகம்
ப்ரபேதி³ரே மாருதமந்தி³ரேஶ ॥ 11-1 ॥

மநோஜ்ஞநை꞉ஶ்ரேயஸ காநநாத்³யை-
-ரநேகவாபீமணிமந்தி³ரைஶ்ச ।
அநோபமம் தம் ப⁴வதோ நிகேதம்
முநீஶ்வரா꞉ ப்ராபுரதீதகக்ஷ்யா꞉ ॥ 11-2 ॥

ப⁴வத்³தி³த்³ருக்ஷூந் ப⁴வநம் விவிக்ஷூந்
த்³வா꞉ஸ்தௌ² ஜயஸ்தாந் விஜயோ(அ)ப்யருந்தா⁴ம் ।
தேஷாம் ச சித்தே பத³மாப கோப꞉
ஸர்வம் ப⁴வத்ப்ரேரணயைவ பூ⁴மந் ॥ 11-3 ॥

வைகுண்ட²லோகாநுசிதப்ரசேஷ்டௌ
கஷ்டௌ யுவாம் தை³த்யக³திம் ப⁴ஜேதம் ।
இதி ப்ரஶப்தௌ ப⁴வதா³ஶ்ரயௌ தௌ
ஹரிஸ்ம்ருதிர்நோ(அ)ஸ்த்விதி நேமதுஸ்தாந் ॥ 11-4 ॥

ததே³ததா³ஜ்ஞாய ப⁴வாநவாப்த꞉
ஸஹைவ லக்ஷ்ம்யா ப³ஹிரம்பு³ஜாக்ஷ ।
க²கே³ஶ்வராம்ஸார்பிதசாருபா³ஹு-
-ராநந்த³யம்ஸ்தாநபி⁴ராமமூர்த்யா ॥ 11-5 ॥

ப்ரஸாத்³ய கீ³ர்பி⁴꞉ ஸ்துவதோ முநீந்த்³ரா-
-நநந்யநாதா²வத² பார்ஷதௌ³ தௌ ।
ஸம்ரம்ப⁴யோகே³ந ப⁴வைஸ்த்ரிபி⁴ர்மா-
-முபேதமித்யாத்தக்ருபம் ந்யகா³தீ³꞉ ॥ 11-6 ॥

த்வதீ³யப்⁴ருத்யாவத² காஶ்யபாத் தௌ
ஸுராரிவீராவுதி³தௌ தி³தௌ த்³வௌ ।
ஸந்த்⁴யாஸமுத்பாத³நகஷ்டசேஷ்டௌ
யமௌ ச லோகஸ்ய யமாவிவாந்யௌ ॥ 11-7 ॥

ஹிரண்யபூர்வ꞉ கஶிபு꞉ கிலைக꞉
பரோ ஹிரண்யாக்ஷ இதி ப்ரதீத꞉ ।
உபௌ⁴ ப⁴வந்நாத²மஶேஷலோகம்
ருஷா ந்யருந்தா⁴ம் நிஜவாஸநாந்தௌ⁴ ॥ 11-8 ॥

தயோர்ஹிரண்யாக்ஷமஹாஸுரேந்த்³ரோ
ரணாய தா⁴வந்நநவாப்தவைரீ ।
ப⁴வத்ப்ரியாம் க்ஷ்மாம் ஸலிலே நிமஜ்ய
சசார க³ர்வாத்³விநத³ந் க³தா³வாந் ॥ 11-9 ॥

ததோ ஜலேஶாத் ஸத்³ருஶம் ப⁴வந்தம்
நிஶம்ய ப³ப்⁴ராம க³வேஷயம்ஸ்த்வாம் ।
ப⁴க்தைகத்³ருஶ்ய꞉ ஸ க்ருபாநிதே⁴ த்வம்
நிருந்தி⁴ ரோகா³ந் மருதா³ளயேஶ ॥ 11-10 ॥

இதி ஏகாத³ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.

---