Read in తెలుగు / ಕನ್ನಡ / தமிழ் / देवनागरी / English (IAST)
|| rāmasamāśvāsanam ||
ēvamuktastu sugrīvō rāmēṇārtēna vānaraḥ |
abravīt prāñjalirvākyaṁ sabāṣpaṁ bāṣpagadgadaḥ || 1 ||
na jānē nilayaṁ tasya sarvathā pāparakṣasaḥ |
sāmarthyaṁ vikramaṁ vā:’pi dauṣkulēyasya vā kulam || 2 ||
satyaṁ tē pratijānāmi tyaja śōkamarindama |
kariṣyāmi tathā yatnaṁ yathā prāpyasi maithilīm || 3 ||
rāvaṇaṁ sagaṇaṁ hatvā paritōṣyātmapauruṣam |
tathā:’smi kartā na cirādyathā prītō bhaviṣyasi || 4 ||
alaṁ vaiklavyamālambya dhairyamātmagataṁ smara |
tvadvidhānāmasadr̥śamīdr̥śaṁ viddhi lāghavam || 5 ||
mayā:’pi vyasanaṁ prāptaṁ bhāryāharaṇajaṁ mahat |
na cāhamēvaṁ śōcāmi na ca dhairyaṁ parityajē || 6 ||
nāhaṁ tāmanuśōcāmi prākr̥tō vānarō:’pi san |
mahātmā ca vinītaśca kiṁ punardhr̥timān bhavān || 7 ||
bāṣpamāpatitaṁ dhairyānnigrahītuṁ tvamarhasi |
maryādāṁ sattvayuktānāṁ dhr̥tiṁ nōtsraṣṭumarhasi || 8 ||
vyasanē vārthakr̥cchrē vā bhayē vā jīvitāntakē |
vimr̥śan vai svayā buddhyā dhr̥timānnāvasīdati || 9 ||
bāliśastu narō nityaṁ vaiklavyaṁ yō:’nuvartatē |
sa majjatyavaśaḥ śōkē bhārākrāntēva naurjalē || 10 ||
ēṣō:’ñjalirmayā baddhaḥ praṇayāttvāṁ prasādayē |
pauruṣaṁ śraya śōkasya nāntaraṁ dātumarhasi || 11 ||
yē śōkamanuvartantē na tēṣāṁ vidyatē sukham |
tējaśca kṣīyatē tēṣāṁ na tvaṁ śōcitumarhasi || 12 ||
śōkēnābhiprapannasya jīvitē cāpi saṁśayaḥ |
sa śōkaṁ tyaja rājēndra dhairyamāśraya kēvalam || 13 ||
hitaṁ vayasyabhāvēna brūmi nōpadiśāmi tē |
vayasyatāṁ pūjayanmē na tvaṁ śōcitumarhasi || 14 ||
madhuraṁ sāntvitastēna sugrīvēṇa sa rāghavaḥ |
mukhamaśrupariklinnaṁ vastrāntēna pramārjayat || 15 ||
prakr̥tisthastu kākutsthaḥ sugrīvavacanāt prabhuḥ |
sampariṣvajya sugrīvamidaṁ vacanamabravīt || 16 ||
kartavyaṁ yadvayasyēna snigdhēna ca hitēna ca |
anurūpaṁ ca yuktaṁ ca kr̥taṁ sugrīva tattvayā || 17 ||
ēṣa ca prakr̥tisthō:’hamanunītastvayā sakhē |
durlabhō hīdr̥śō bandhurasmin kālē viśēṣataḥ || 18 ||
kiṁ tu yatnastvayā kāryō maithilyāḥ parimārgaṇē |
rākṣasasya ca raudrasya rāvaṇasya durātmanaḥ || 19 ||
mayā ca yadanuṣṭhēyaṁ visrabdhēna taducyatām |
varṣāsviva ca sukṣētrē sarvaṁ sampadyatē mayi || 20 ||
mayā ca yadidaṁ vākyamabhimānātsamīritam |
tattvayā hariśārdūla tattvamityupadhāryatām || 21 ||
anr̥taṁ nōktapūrvaṁ mē na ca vakṣyē kadācana |
ētattē pratijānāmi satyēnaiva ca tē śapē || 22 ||
tataḥ prahr̥ṣṭaḥ sugrīvō vānaraiḥ sacivaiḥ saha |
rāghavasya vacaḥ śrutvā pratijñātaṁ viśēṣataḥ || 23 ||
ēvamēkāntasampr̥ktau tatastau naravānarau |
ubhāvanyōnyasadr̥śaṁ sukhaṁ duḥkhaṁ prabhāṣatām || 24 ||
mahānubhāvasya vacō niśamya
harirnarāṇāmr̥ṣabhasya tasya |
kr̥taṁ sa mēnē harivīramukhya-
-stadā svakāryaṁ hr̥dayēna vidvān || 25 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē saptamaḥ sargaḥ || 7 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
