Read in తెలుగు / ಕನ್ನಡ / தமிழ் / देवनागरी / English (IAST)
līlālabdhasthāpitaluptākhilalōkāṁ
lōkātītairyōgibhirantaściramr̥gyām |
bālādityaśrēṇisamānadyutipuñjāṁ
gaurīmambāmamburuhākṣīmahamīḍē || 1 ||
pratyāhāradhyānasamādhisthitibhājāṁ
nityaṁ cittē nirvr̥tikāṣṭhāṁ kalayantīm |
satyajñānānandamayīṁ tāṁ tanurūpāṁ
gaurīmambāmamburuhākṣīmahamīḍē || 2 ||
candrāpīḍānanditamandasmitavaktrāṁ
candrāpīḍālaṅkr̥tanīlālakabhārām |
indrōpēndrādyarcitapādāmbujayugmāṁ
gaurīmambāmamburuhākṣīmahamīḍē || 3 ||
ādikṣāntāmakṣaramūrtyā vilasantīṁ
bhūtē bhūtē bhūtakadambaprasavitrīm |
śabdabrahmānandamayīṁ tāṁ taṭidābhāṁ
gaurīmambāmamburuhākṣīmahamīḍē || 4 ||
mūlādhārādutthitavīthyā vidhirandhraṁ
sauraṁ cāndraṁ vyāpya vihārajvalitāṅgīm |
yēyaṁ sūkṣmātsūkṣmatanustāṁ sukharūpāṁ
gaurīmambāmamburuhākṣīmahamīḍē || 5 ||
nityaḥ śuddhō niṣkala ēkō jagadīśaḥ
sākṣī yasyāḥ sargavidhau saṁharaṇē ca |
viśvatrāṇakrīḍanalōlāṁ śivapatnīṁ
gaurīmambāmamburuhākṣīmahamīḍē || 6 ||
yasyāḥ kukṣau līnamakhaṇḍaṁ jagadaṇḍaṁ
bhūyō bhūyaḥ prādurabhūdutthitamēva |
patyā sārdhaṁ tāṁ rajatādrau viharantīṁ
gaurīmambāmamburuhākṣīmahamīḍē || 7 ||
yasyāmōtaṁ prōtamaśēṣaṁ maṇimālā-
-sūtrē yadvatkāpi caraṁ cāpyacaraṁ ca |
tāmadhyātmajñānapadavyā gamanīyāṁ
gaurīmambāmamburuhākṣīmahamīḍē || 8 ||
nānākāraiḥ śaktikadambairbhuvanāni
vyāpya svairaṁ krīḍati yēyaṁ svayamēkā |
kalyāṇīṁ tāṁ kalpalatāmānatibhājāṁ
gaurīmambāmamburuhākṣīmahamīḍē || 9 ||
āśāpāśaklēśavināśaṁ vidadhānāṁ
pādāmbhōjadhyānaparāṇāṁ puruṣāṇām |
īśāmīśārdhāṅgaharāṁ tāmabhirāmāṁ
gaurīmambāmamburuhākṣīmahamīḍē || 10 ||
prātaḥkālē bhāvaviśuddhaḥ praṇidhānā-
-dbhaktyā nityaṁ jalpati gaurīdaśakaṁ yaḥ |
vācāṁ siddhiṁ sampadamagryāṁ śivabhaktiṁ
tasyāvaśyaṁ parvataputrī vidadhāti || 11 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau gaurī daśakam |
See more dēvī stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
