Sri Gauri Dasakam – ஶ்ரீ கௌ³ரீ த³ஶகம்

ஸ்தோத்ரநிதி → தேவீ ஸ்தோத்திரங்கள் → ஶ்ரீ கௌ³ரீ த³ஶகம்

லீலாலப்³த⁴ஸ்தா²பிதலுப்தாகி²லலோகாம்
லோகாதீதைர்யோகி³பி⁴ரந்தஶ்சிரம்ருக்³யாம் ।
பா³லாதி³த்யஶ்ரேணிஸமாநத்³யுதிபுஞ்ஜாம்
கௌ³ரீமம்பா³மம்பு³ருஹாக்ஷீமஹமீடே³ ॥ 1 ॥

ப்ரத்யாஹாரத்⁴யாநஸமாதி⁴ஸ்தி²திபா⁴ஜாம்
நித்யம் சித்தே நிர்வ்ருதிகாஷ்டா²ம் கலயந்தீம் ।
ஸத்யஜ்ஞாநாநந்த³மயீம் தாம் தநுரூபாம்
கௌ³ரீமம்பா³மம்பு³ருஹாக்ஷீமஹமீடே³ ॥ 2 ॥

சந்த்³ராபீடா³நந்தி³தமந்த³ஸ்மிதவக்த்ராம்
சந்த்³ராபீடா³லங்க்ருதநீலாலகபா⁴ராம் ।
இந்த்³ரோபேந்த்³ராத்³யர்சிதபாதா³ம்பு³ஜயுக்³மாம்
கௌ³ரீமம்பா³மம்பு³ருஹாக்ஷீமஹமீடே³ ॥ 3 ॥

ஆதி³க்ஷாந்தாமக்ஷரமூர்த்யா விளஸந்தீம்
பூ⁴தே பூ⁴தே பூ⁴தகத³ம்ப³ப்ரஸவித்ரீம் ।
ஶப்³த³ப்³ரஹ்மாநந்த³மயீம் தாம் தடிதா³பா⁴ம்
கௌ³ரீமம்பா³மம்பு³ருஹாக்ஷீமஹமீடே³ ॥ 4 ॥

மூலாதா⁴ராது³த்தி²தவீத்²யா விதி⁴ரந்த்⁴ரம்
ஸௌரம் சாந்த்³ரம் வ்யாப்ய விஹாரஜ்வலிதாங்கீ³ம் ।
யேயம் ஸூக்ஷ்மாத்ஸூக்ஷ்மதநுஸ்தாம் ஸுக²ரூபாம்
கௌ³ரீமம்பா³மம்பு³ருஹாக்ஷீமஹமீடே³ ॥ 5 ॥

நித்ய꞉ ஶுத்³தோ⁴ நிஷ்கள ஏகோ ஜக³தீ³ஶ꞉
ஸாக்ஷீ யஸ்யா꞉ ஸர்க³விதௌ⁴ ஸம்ஹரணே ச ।
விஶ்வத்ராணக்ரீட³நலோலாம் ஶிவபத்நீம்
கௌ³ரீமம்பா³மம்பு³ருஹாக்ஷீமஹமீடே³ ॥ 6 ॥

யஸ்யா꞉ குக்ஷௌ லீநமக²ண்ட³ம் ஜக³த³ண்ட³ம்
பூ⁴யோ பூ⁴ய꞉ ப்ராது³ரபூ⁴து³த்தி²தமேவ ।
பத்யா ஸார்த⁴ம் தாம் ரஜதாத்³ரௌ விஹரந்தீம்
கௌ³ரீமம்பா³மம்பு³ருஹாக்ஷீமஹமீடே³ ॥ 7 ॥

யஸ்யாமோதம் ப்ரோதமஶேஷம் மணிமாலா-
-ஸூத்ரே யத்³வத்காபி சரம் சாப்யசரம் ச ।
தாமத்⁴யாத்மஜ்ஞாநபத³வ்யா க³மநீயாம்
கௌ³ரீமம்பா³மம்பு³ருஹாக்ஷீமஹமீடே³ ॥ 8 ॥

நாநாகாரை꞉ ஶக்திகத³ம்பை³ர்பு⁴வநாநி
வ்யாப்ய ஸ்வைரம் க்ரீட³தி யேயம் ஸ்வயமேகா ।
கல்யாணீம் தாம் கல்பலதாமாநதிபா⁴ஜாம்
கௌ³ரீமம்பா³மம்பு³ருஹாக்ஷீமஹமீடே³ ॥ 9 ॥

ஆஶாபாஶக்லேஶவிநாஶம் வித³தா⁴நாம்
பாதா³ம்போ⁴ஜத்⁴யாநபராணாம் புருஷாணாம் ।
ஈஶாமீஶார்தா⁴ங்க³ஹராம் தாமபி⁴ராமாம்
கௌ³ரீமம்பா³மம்பு³ருஹாக்ஷீமஹமீடே³ ॥ 10 ॥

ப்ராத꞉காலே பா⁴வவிஶுத்³த⁴꞉ ப்ரணிதா⁴நா-
-த்³ப⁴க்த்யா நித்யம் ஜல்பதி கௌ³ரீத³ஶகம் ய꞉ ।
வாசாம் ஸித்³தி⁴ம் ஸம்பத³மக்³ர்யாம் ஶிவப⁴க்திம்
தஸ்யாவஶ்யம் பர்வதபுத்ரீ வித³தா⁴தி ॥ 11 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ கௌ³ரீ த³ஶகம் ।

---

மேலும் தேவீ ஸ்தோத்திரங்கள் பார்க்க.

---