Read in తెలుగు / ಕನ್ನಡ / தமிழ் / देवनागरी / English (IAST)
tat jñānaṁ praśamakaraṁ yadindriyāṇāṁ
tat jñēyaṁ yadupaniṣatsuniścitārtham |
tē dhanyā bhuvi paramārthaniścitēhāḥ
śēṣāstu bhramanilayē paribhramantaḥ || 1 ||
ādau vijitya viṣayānmadamōharāga-
dvēṣādiśatrugaṇamāhr̥tayōgarājyāḥ |
jñātvā mataṁ samanubhūyaparātmavidyā-
kāntāsukhaṁ vanagr̥hē vicaranti dhanyāḥ || 2 ||
tyaktvā gr̥hē ratimadhōgatihētubhūtā-
mātmēcchayōpaniṣadartharasaṁ pibantaḥ |
vītaspr̥hā viṣayabhōgapadē viraktā
dhanyāścaranti vijanēṣu viraktasaṅgāḥ || 3 ||
tyaktvā mamāhamiti bandhakarē padē dvē
mānāvamānasadr̥śāḥ samadarśinaśca |
kartāramanyamavagamya tadarpitāni
kurvanti karmaparipākaphalāni dhanyāḥ || 4 ||
tyaktvaiṣaṇātrayamavēkṣitamōkṣamargā
bhaikṣāmr̥tēna parikalpitadēhayātrāḥ |
jyōtiḥ parātparataraṁ paramātmasañjñaṁ
dhanyā dvijārahasi hr̥dyavalōkayanti || 5 ||
nāsanna sanna sadasanna mahanna cāṇu
na strī pumānna ca napuṁsakamēkabījam |
yairbrahma tatsamanupāsitamēkacittai-
rdhanyā virējuritarē bhavapāśabaddhāḥ || 6 ||
ajñānapaṅkaparimagnamapētasāraṁ
duḥkhālayaṁ maraṇajanmajarāvasaktaṁ |
saṁsārabandhanamanityamavēkṣya dhanyā
jñānāsinā tadavaśīrya viniścayanti || 7 ||
śāntairananyamatibhirmadhurasvabhāvai-
rēkatvaniścitamanōbhirapētamōhaiḥ |
sākaṁ vanēṣu viditātmapadasvarupaṁ
tadvastu samyaganiśaṁ vimr̥śanti dhanyāḥ || 8 ||
See more vividha stōtrāṇi for chanting.
గమనిక: "శ్రీ అయ్యప్ప స్తోత్రనిధి" విడుదల చేశాము. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
