Read in తెలుగు / ಕನ್ನಡ / தமிழ் / देवनागरी / English (IAST)
|| rājavarṇanā ||
tasyāṁ puryāmayōdhyāyāṁ vēdavitsarvasaṅgrahaḥ |
dīrghadarśī mahātējāḥ paurajānapadapriyaḥ || 1 ||
ikṣvākūṇāmatirathō yajvā dharmaratō vaśī |
maharṣikalpō rājarṣistriṣu lōkēṣu viśrutaḥ || 2 ||
balavān nihatāmitrō mitravān vijitēndriyaḥ |
dhanaiśca sañcayaiścānyaiḥ śakravaiśravaṇōpamaḥ || 3 ||
yathā manurmahātējā lōkasya parirakṣitā |
tathā daśarathō rājā vasan jagadapālayat || 4 ||
tēna satyābhisandhēna trivargamanutiṣṭhatā |
pālitā sā purī śrēṣṭhā indrēṇēvāmarāvatī || 5 ||
tasminpuravarē hr̥ṣṭā dharmātmānō bahuśrutāḥ |
narāstuṣṭā dhanaiḥ svaiḥ svairalubdhāḥ satyavādinaḥ || 6 ||
nālpasaṁnicayaḥ kaścidāsīttasminpurōttamē |
kuṭumbī yō hyasiddhārthō:’gavāśvadhanadhānyavān || 7 ||
kāmī vā na kadaryō vā nr̥śaṁsaḥ puruṣaḥ kvacit |
draṣṭuṁ śakyamayōdhyāyāṁ nāvidvānna ca nāstikaḥ || 8 ||
sarvē narāśca nāryaśca dharmaśīlāḥ susamyatāḥ |
uditāḥ śīlavr̥ttābhyāṁ maharṣaya ivāmalāḥ || 9 ||
nākuṇḍalī nāmukuṭī nāsragvī nālpabhōgavān |
nāmr̥ṣṭō nānuliptāṅgō nāsugandhaśca vidyatē || 10 ||
nāmr̥ṣṭabhōjī nādātā nāpyanaṅgadaniṣkadhr̥k |
nāhastābharaṇō vā:’pi dr̥śyatē nāpyanātmavān || 11 ||
nānāhitāgnirnāyajvā na kṣudrō vā na taskaraḥ |
kaścidāsīdayōdhyāyāṁ na ca nirvr̥ttasaṅkaraḥ || 12 ||
svakarmaniratā nityaṁ brāhmaṇā vijitēndriyāḥ |
dānādhyayanaśīlāśca samyatāśca pratigrahē || 13 ||
na nāstikō nānr̥takō na kaścidabahuśrutaḥ |
nāsūyakō na cā:’śaktō nāvidvānvidyatē kvacit || 14 ||
nāṣaḍaṅgavidatrāsīnnāvratō nāsahasradaḥ |
na dīnaḥ kṣiptacittō vā vyathitō vāpi kaścana || 15 ||
kaścinnarō vā nārī vā nāśrīmānnāpyarūpavān |
draṣṭuṁ śakyamayōdhyāyāṁ nāpi rājanyabhaktimān || 16 ||
varṇēṣvagryacaturthēṣu dēvatātithipūjakāḥ |
kr̥tajñāśca vadānyāśca śūrā vikramasamyutāḥ || 17 ||
dīrghāyuṣō narāḥ sarvē dharmaṁ satyaṁ ca saṁśritāḥ |
sahitāḥ putrapautraiśca nityaṁ strībhiḥ purōttamē || 18 ||
kṣatraṁ brahmamukhaṁ cāsīdvaiśyāḥ kṣatramanuvratāḥ |
śūdrāḥ svadharma niratāstrīnvarṇānupacāriṇaḥ || 19 ||
sā tēnēkṣvākunāthēna purī suparirakṣitā |
yathā purastānmanunā mānavēndrēṇa dhīmatā || 20 ||
yōdhānāmagnikalpānāṁ pēśalānāmamarṣiṇām |
sampūrṇā kr̥tavidyānāṁ guhā kēsariṇāmiva || 21 ||
kāmbhōjaviṣayē jātairbāhlīkaiśca hayōttamaiḥ |
vanāyujairnadījaiśca pūrṇā harihayōttamaiḥ || 22 ||
vindhyaparvatajairmattaiḥ pūrṇā haimavatairapi |
madānvitairatibalairmātaṅgaiḥ parvatōpamaiḥ || 23 ||
airāvatakulīnaiśca mahāpadmakulaistathā |
añjanādapi niṣpannairvāmanādapi ca dvipaiḥ || 24 ||
bhadrairmandrairmr̥gaiścaiva bhadramandramr̥gaisthathā |
bhadramandrairbhadramr̥gairmr̥gamandraiśca sā purī || 25 ||
nityamattaiḥ sadā pūrṇā nāgairacalasannibhaiḥ |
sā yōjanē ca dvē bhūyaḥ satyanāmā prakāśatē || 26 ||
yasyāṁ daśarathō rājā vasan jagadapālayat |
tāṁ purīṁ sa mahātējā rājā daśarathō mahān |
śaśāsa śamitāmitrō nakṣatrāṇīva candramāḥ || 27 ||
tāṁ satyanāmāṁ dr̥ḍhatōraṇārgalāṁ
gr̥hairvicitrairupaśōbhitāṁ śivām |
purīmayōdhyāṁ nr̥sahasrasaṅkulāṁ
śaśāsa vai śakrasamō mahīpatiḥ || 28 ||
ityārṣē śrīmadrāmāyaṇē vālmīkīyē ādikāvyē bālakāṇḍē ṣaṣṭhaḥ sargaḥ || 6 ||
bālakāṇḍa saptamaḥ sargaḥ (7) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
