Read in తెలుగు / ಕನ್ನಡ / தமிழ் / देवनागरी / English (IAST)
|| astrasaṁhāragrahaṇam ||
pratigr̥hya tatō:’strāṇi prahr̥ṣṭavadanaḥ śuciḥ |
gacchannēva ca kākutsthō viśvāmitramathābravīt || 1 ||
gr̥hītāstrō:’smi bhagavandurādharṣaḥ surāsuraiḥ |
astrāṇāṁ tvahamicchāmi saṁhāraṁ munipuṅgava || 2 ||
ēvaṁ bruvati kākutsthē viśvāmitrō mahāmatiḥ |
saṁhāraṁ vyājahārātha dhr̥timānsuvrataḥ śuciḥ || 3 ||
satyavantaṁ satyakīrtiṁ dhr̥ṣṭaṁ rabhasamēva ca |
pratihārataraṁ nāma parāṅmukhamavāṅmukham || 4 ||
lakṣākṣaviṣamau caiva dr̥ḍhanābha sunābhakau |
daśākṣaśatavaktrau ca daśaśīrṣaśatōdarau || 5 ||
padmanābhamahānābhau dundunābhasunābhakau |
jyōtiṣaṁ kr̥śanaṁ caiva nairāśyavimalāvubhau || 6 || [śakunaṁ]
yōgandharaharidrau ca daityapramathanaṁ tathā |
śucirbāhurmahābāhurniṣkulirvirucistathā || 7 ||
sārcirmālī dhr̥tirmālī vr̥ttimānrucirastathā |
pitryaṁ saumanasaṁ caiva vidhūtamakarāvubhau || 8 ||
karavīrakaraṁ caiva dhanadhānyau ca rāghava |
kāmarūpaṁ kāmaruciṁ mōhamāvaraṇaṁ tathā || 9 ||
jr̥mbhakaṁ sarvanābhaṁ ca santānavaraṇau tathā |
kr̥śāśvatanayānrāma bhāsvarānkāmarūpiṇaḥ || 10 ||
pratīccha mama bhadraṁ tē pātrabhūtō:’si rāghava |
bāḍhamityēva kākutsthaḥ prahr̥ṣṭēnāntarātmanā || 11 ||
divyabhāsvaradēhāśca mūrtimantaḥ sukhapradāḥ |
kēcidaṅgārasadr̥śāḥ kēciddhūmōpamāstathā || 12 ||
candrārkasadr̥śāḥ kēcitprahvāñjalipuṭāstathā |
rāmaṁ prāñjalayō bhūtvābruvanmadhurabhāṣiṇaḥ || 13 ||
imē sma naraśārdūla śādhi kiṁ karavāma tē |
mānasāḥ kāryakālēṣu sāhāyyaṁ mē kariṣyatha || 14 ||
gamyatāmiti tānāha yathēṣṭaṁ raghunandanaḥ |
atha tē rāmamāmantrya kr̥tvā cāpi pradakṣiṇam || 15 ||
ēvamastviti kākutsthamuktvā jagmuryathāgatam |
sa ca tānrāghavō jñātvā viśvāmitraṁ mahāmunim || 16 ||
gacchannēvātha madhuraṁ ślakṣṇaṁ vacanamabravīt |
kiṁ nvētanmēghasaṅkāśaṁ parvatasyāvidūrataḥ || 17 ||
vr̥kṣaṣaṇḍamitō bhāti paraṁ kautūhalaṁ hi mē |
darśanīyaṁ mr̥gākīrṇaṁ manōharamatīva ca || 18 ||
nānāprakāraiḥ śakunairvalgunādairalaṅkr̥tam |
niḥsr̥tāḥ sma muniśrēṣṭha kāntārādrōmaharṣaṇāt || 19 ||
anayā tvavagacchāmi dēśasya sukhavattayā |
sarvaṁ mē śaṁsa bhagavankasyāśramapadaṁ tvidam || 20 ||
samprāptā yatra tē pāpā brahmaghnā duṣṭacāriṇaḥ |
tava yajñasya vighnāya durātmānō mahāmunē || 21 ||
bhagavaṁstasya kō dēśaḥ sā yatra tava yājñikī |
rakṣitavyā kriyā brahmanmayā vadhyāśca rākṣasāḥ |
ētatsarvaṁ muniśrēṣṭha śrōtumicchāmyahaṁ prabhō || 22 ||
ityārṣē śrīmadrāmāyaṇē vālmīkīyē ādikāvyē bālakāṇḍē aṣṭāviṁśaḥ sargaḥ || 28 ||
bālakāṇḍa ēkōnatriṁśaḥ sargaḥ (29) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
