Read in తెలుగు / ಕನ್ನಡ / தமிழ் / देवनागरी / English (IAST)
|| pauranivr̥ttiḥ ||
prabhātāyāṁ tu śarvaryāṁ paurāstē rāghavaṁ vinā |
śōkōpahataniścēṣṭā babhūvurhatacētasaḥ || 1 ||
śōkajāśruparidyūnā vīkṣamāṇāstatastataḥ |
ālōkamapi rāmasya na paśyanti sma duḥkhitāḥ || 2 ||
tē viṣādārtavadanāḥ rahitāstēna dhīmatā |
kr̥paṇāḥ karuṇā vācō vadanti sma manasvinaḥ || 3 ||
dhigastu khalu nidrāṁ tāṁ yayā:’pahr̥tacētasaḥ |
nādya paśyāmahē rāmaṁ pr̥thūraskaṁ mahābhujam || 4 ||
kathaṁ nāma mahābāhuḥ sa tathā:’vitathakriyaḥ |
bhaktaṁ janaṁ parityajya pravāsaṁ rāghavō gataḥ || 5 ||
yō naḥ sadā pālayati pitā putrānivaurasān |
kathaṁ raghūṇāṁ sa śrēṣṭhastyaktvā nō vipinaṁ gataḥ || 6 ||
ihaiva nidhanaṁ yāmō mahāprasthānamēva vā |
rāmēṇa rahitānāṁ hi kimarthaṁ jīvitaṁ hi naḥ || 7 ||
santi śuṣkāṇi kāṣṭhāni prabhūtāni mahānti ca |
taiḥ prajvālya citāṁ sarvē praviśāmō:’tha pāvakam || 8 ||
kiṁ vakṣyāmō mahābāhuranasūyaḥ priyaṁvadaḥ |
nītaḥ sa rāghavō:’smābhiriti vaktuṁ kathaṁ kṣamam || 9 ||
sā nūnaṁ nagarī dīnā dr̥ṣṭvā:’smānrāghavaṁ vinā |
bhaviṣyati nirānandā sastrībālavayō:’dhikā || 10 ||
niryātāstēna vīrēṇa saha nityaṁ jitātmanā |
vihināstēna ca punaḥ kathaṁ paśyāma tāṁ purīm || 11 ||
itīva bahudhā vācō bāhumudyamya tē janāḥ |
vilapanti sma duḥkhartā vivatsā iva dhēnavaḥ || 12 ||
tataḥ mārgānusārēṇa gatvā kiñcit kṣaṇaṁ punaḥ
mārganāśādviṣādēna mahatā samabhiplutāḥ || 13 ||
rathasya mārganāśēna nyavartanta manasvinaḥ |
kimidaṁ kiṁ kariṣyāmō daivēnōpahatā iti || 14 ||
tataḥ yathāgatēnaiva mārgēṇa klāntacētasaḥ |
ayōdhyāmagamansarvē purīṁ vyathitasajjanām || 15 ||
ālōkya nagarīṁ tāṁ ca kṣayavyākulamānasāḥ |
āvartayanta tē:’śrūṇi nayanaiḥ śōkapīḍitaiḥ || 16 ||
ēṣā rāmēṇa nagarī rahitā nātiśōbhatē |
āpagā garuḍēnēva hradāduddhr̥tapannagā || 17 ||
candrahīnamivākāśaṁ tōyahīnamivārṇavam |
apaśyannihatānandaṁ nagaraṁ tē vicētasaḥ || 18 ||
tē tāni vēśmāni mahādhanāni
duḥkhēna duḥkhōpahatā viśantaḥ |
naiva prajajñuḥ svajanaṁ janaṁ vā
nirīkṣamāṇāḥ pravinaṣṭaharṣāḥ || 19 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē saptacatvāriṁśaḥ sargaḥ || 47 ||
ayōdhyākāṇḍa aṣṭacatvāriṁśaḥ sargaḥ (48) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
