Read in తెలుగు / ಕನ್ನಡ / தமிழ் / देवनागरी / English (IAST)
|| kabandhaśāpākhyānam ||
purā rāma mahābāhō mahābalaparākramam |
rūpamāsīnmamācintyaṁ triṣu lōkēṣu viśrutam || 1 ||
yathā sōmasya śakrasya sūryasya ca yathā vapuḥ |
sō:’haṁ rūpamidaṁ kr̥tvā lōkavitrāsanaṁ mahat || 2 ||
r̥ṣīnvanagatān rāma trāsayāmi tatastataḥ |
tataḥ sthūlaśirā nāma maharṣiḥ kōpitō mayā || 3 ||
sañcinvan vividhaṁ vanyaṁ rūpēṇānēna dharṣitaḥ |
tēnāhamuktaḥ prēkṣyaivaṁ ghōraśāpābhidhāyinā || 4 ||
ētadēva nr̥śaṁsaṁ tē rūpamastu vigarhitam |
sa mayā yācitaḥ kruddhaḥ śāpasyāntō bhavēditi || 5 ||
abhiśāpakr̥tasyēti tēnēdaṁ bhāṣitaṁ vacaḥ |
yadā chittvā bhujau rāmastvāṁ dahēdvijanē vanē || 6 ||
tadā tvaṁ prāpsyasē rūpaṁ svamēva vipulaṁ śubham |
śriyā virājitaṁ putraṁ danōstvaṁ viddhi lakṣmaṇa || 7 ||
indrakōpādidaṁ rūpaṁ prāptamēvaṁ raṇājirē |
ahaṁ hi tapasōgrēṇa pitāmahamatōṣayam || 8 ||
dīrghamāyuḥ sa mē prādāttatō māṁ vibhramō:’spr̥śat |
dīrghamāyurmayā prāptaṁ kiṁ mē śakraḥ kariṣyati || 9 ||
ityēvaṁ buddhimāsthāya raṇē śakramadharṣayam |
tasya bāhupramuktēna vajrēṇa śataparvaṇā || 10 ||
sakthinī caiva mūrdhā ca śarīrē sampravēśitam |
sa mayā yācyamānaḥ sannānayadyamasādanam || 11 ||
pitāmahavacaḥ satyaṁ tadastviti mamābravīt |
anāhāraḥ kathaṁ śaktō bhagnasakthiśirōmukhaḥ || 12 ||
vajrēṇābhihataḥ kālaṁ sudīrghamapi jīvitum |
ēvamuktastu mē śakrō bāhū yōjanamāyatau || 13 ||
prādādāsyaṁ ca mē kukṣau tīkṣṇadaṁṣṭramakalpayat |
sō:’haṁ bhujābhyāṁ dīrghābhyāṁ saṅkr̥ṣyāsminvanēcarān || 14 ||
siṁhadvipamr̥gavyāghrān bhakṣayāmi samantataḥ |
sa tu māmabravīdindrō yadā rāmaḥ salakṣmaṇaḥ || 15 ||
chētsyatē samarē bāhū tadā svargaṁ gamiṣyati |
anēna vapuṣā rāma vanē:’smin rājasattama || 16 ||
yadyatpaśyāmi sarvasya grahaṇaṁ sādhu rōcayē |
avaśyaṁ grahaṇaṁ rāmō manyē:’haṁ samupaiṣyati || 17 ||
imāṁ buddhiṁ puraskr̥tya dēhanyāsakr̥taśramaḥ |
sa tvaṁ rāmō:’si bhadraṁ tē nāhamanyēna rāghava || 18 ||
śakyō hantuṁ yathātattvamēvamuktaṁ maharṣiṇā |
ahaṁ hi matisācivyaṁ kariṣyāmi nararṣabha || 19 ||
mitraṁ caivōpadēkṣyāmi yuvābhyāṁ saṁskr̥tō:’gninā |
ēvamuktastu dharmātmā danunā tēna rāghavaḥ || 20 ||
idaṁ jagāda vacanaṁ lakṣmaṇasyōpaśr̥ṇvataḥ |
rāvaṇēna hr̥tā bhāryā mama sītā yaśasvinī || 21 ||
niṣkrāntasya janasthānātsaha bhrātrā yathāsukham |
nāmamātraṁ tu jānāmi na rūpaṁ tasya rakṣasaḥ || 22 ||
nivāsaṁ vā prabhāvaṁ vā vayaṁ tasya na vidmahē |
śōkārtānāmanāthānāmēvaṁ viparidhāvatām || 23 ||
kāruṇyaṁ sadr̥śaṁ kartumupakārē ca vartatām |
kāṣṭhānyādāya śuṣkāṇi kālē bhagnāni kuñjaraiḥ || 24 ||
dhakṣyāmastvāṁ vayaṁ vīra śvabhrē mahati kalpitē |
sa tvaṁ sītāṁ samācakṣva yēna vā yatra vā hr̥tā || 25 ||
kuru kalyāṇamatyarthaṁ yadi jānāsi tattvataḥ |
ēvamuktastu rāmēṇa vākyaṁ danuranuttamam || 26 ||
prōvāca kuśalō vaktuṁ vaktāramapi rāghavam |
divyamasti na mē jñānaṁ nābhijānāmi maithilīm || 27 ||
yastāṁ jñāsyati taṁ vakṣyē dagdhaḥ svaṁ rūpamāsthitaḥ |
adagdhasya tu vijñātuṁ śaktirasti na mē prabhō || 28 ||
rākṣasaṁ taṁ mahāvīryaṁ sītā yēna hr̥tā tava |
vijñānaṁ hi mama bhraṣṭaṁ śāpadōṣēṇa rāghava || 29 ||
svakr̥tēna mayā prāptaṁ rūpaṁ lōkavigarhitam |
kintu yāvanna yātyastaṁ savitā śrāntavāhanaḥ || 30 ||
tāvanmāmavaṭē kṣiptvā daha rāma yathāvidhi |
dagdhastvayāhamavaṭē nyāyēna raghunandana || 31 ||
vakṣyāmi tamahaṁ vīra yastaṁ jñāsyati rākṣasam |
tēna sakhyaṁ ca kartavyaṁ nyāyavr̥ttēna rāghava || 32 ||
kalpayiṣyati tē prītaḥ sāhāyyaṁ laghuvikramaḥ |
na hi tasyāstyavijñātaṁ triṣu lōkēṣu rāghava |
sarvān parisr̥tō lōkān purā:’sau kāraṇāntarē || 33 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē ēkasaptatitamaḥ sargaḥ || 71 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
