Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ అధ్యాయం “శ్రీ దుర్గా స్తోత్రనిధి” పారాయణ గ్రంథములో కూడా ఉన్నది. Click here to buy.]
|| ఓం ||
రాజోవాచ || ౧ ||
విచిత్రమిదమాఖ్యాతం భగవన్ భవతా మమ |
దేవ్యాశ్చరితమాహాత్మ్యం రక్తబీజవధాశ్రితమ్ || ౨ ||
భూయశ్చేచ్ఛామ్యహం శ్రోతుం రక్తబీజే నిపాతితే |
చకార శుంభో యత్కర్మ నిశుంభశ్చాతికోపనః || ౩ ||
ఋషిరువాచ || ౪ ||
చకార కోపమతులం రక్తబీజే నిపాతితే |
శుంభాసురో నిశుంభశ్చ హతేష్వన్యేషు చాహవే || ౫ ||
హన్యమానం మహాసైన్యం విలోక్యామర్షముద్వహన్ |
అభ్యధావన్నిశుంభోఽథ ముఖ్యయాసురసేనయా || ౬ ||
తస్యాగ్రతస్తథా పృష్ఠే పార్శ్వయోశ్చ మహాసురాః |
సందష్టౌష్ఠపుటాః క్రుద్ధా హంతుం దేవీముపాయయుః || ౭ ||
ఆజగామ మహావీర్యః శుంభోఽపి స్వబలైర్వృతః |
నిహంతుం చండికాం కోపాత్ కృత్వా యుద్ధం తు మాతృభిః || ౮ ||
తతో యుద్ధమతీవాసీద్దేవ్యాః శుంభనిశుంభయోః |
శరవర్షమతీవోగ్రం మేఘయోరివ వర్షతోః || ౯ ||
చిచ్ఛేదాస్తాంఛరాంస్తాభ్యాం చండికా స్వశరోత్కరైః |
తాడయామాస చాంగేషు శస్త్రౌఘైరసురేశ్వరౌ || ౧౦ ||
నిశుంభో నిశితం ఖడ్గం చర్మ చాదాయ సుప్రభమ్ |
అతాడయన్మూర్ధ్ని సింహం దేవ్యా వాహనముత్తమమ్ || ౧౧ ||
తాడితే వాహనే దేవీ క్షురప్రేణాసిముత్తమమ్ |
నిశుంభస్యాశు చిచ్ఛేద చర్మ చాప్యష్టచంద్రకమ్ || ౧౨ ||
ఛిన్నే చర్మణి ఖడ్గే చ శక్తిం చిక్షేప సోఽసురః |
తామప్యస్య ద్విధా చక్రే చక్రేణాభిముఖాగతామ్ || ౧౩ ||
కోపాధ్మాతో నిశుంభోఽథ శూలం జగ్రాహ దానవః |
ఆయాంతం ముష్టిపాతేన దేవీ తచ్చాప్యచూర్ణయత్ || ౧౪ ||
ఆవిధ్యాథ గదాం సోఽపి చిక్షేప చండికాం ప్రతి |
సాపి దేవ్యా త్రిశూలేన భిన్నా భస్మత్వమాగతా || ౧౫ ||
తతః పరశుహస్తం తమాయాంతం దైత్యపుంగవమ్ |
ఆహత్య దేవీ బాణౌఘైరపాతయత భూతలే || ౧౬ ||
తస్మిన్నిపతితే భూమౌ నిశుంభే భీమవిక్రమే |
భ్రాతర్యతీవ సంక్రుద్ధః ప్రయయౌ హంతుమంబికామ్ || ౧౭ ||
స రథస్థస్తథాత్యుచ్చైర్గృహీతపరమాయుధైః |
భుజైరష్టాభిరతులైర్వ్యాప్యాశేషం బభౌ నభః || ౧౮ ||
తమాయాంతం సమాలోక్య దేవీ శంఖమవాదయత్ |
జ్యాశబ్దం చాపి ధనుషశ్చకారాతీవ దుఃసహమ్ || ౧౯ ||
పూరయామాస కకుభో నిజఘంటాస్వనేన చ |
సమస్తదైత్యసైన్యానాం తేజోవధవిధాయినా || ౨౦ ||
తతః సింహో మహానాదైస్త్యాజితేభమహామదైః |
పూరయామాస గగనం గాం తథైవ దిశో దశ || ౨౧ ||
తతః కాలీ సముత్పత్య గగనం క్ష్మామతాడయత్ |
కరాభ్యాం తన్నినాదేన ప్రాక్స్వనాస్తే తిరోహితాః || ౨౨ ||
అట్టాట్టహాసమశివం శివదూతీ చకార హ |
తైః శబ్దైరసురాస్త్రేసుః శుంభః కోపం పరం యయౌ || ౨౩ ||
దురాత్మంస్తిష్ఠ తిష్ఠేతి వ్యాజహారాంబికా యదా |
తదా జయేత్యభిహితం దేవైరాకాశసంస్థితైః || ౨౪ ||
శుంభేనాగత్య యా శక్తిర్ముక్తా జ్వాలాతిభీషణా |
ఆయాంతీ వహ్నికూటాభా సా నిరస్తా మహోల్కయా || ౨౫ ||
సింహనాదేన శుంభస్య వ్యాప్తం లోకత్రయాంతరమ్ |
నిర్ఘాతనిఃస్వనో ఘోరో జితవానవనీపతే || ౨౬ ||
శుంభముక్తాంఛరాన్ దేవీ శుంభస్తత్ప్రహితాంఛరాన్ |
చిచ్ఛేద స్వశరైరుగ్రైః శతశోఽథ సహస్రశః || ౨౭ ||
తతః సా చండికా క్రుద్ధా శూలేనాభిజఘాన తమ్ |
స తదాభిహతో భూమౌ మూర్ఛితో నిపపాత హ || ౨౮ ||
తతో నిశుంభః సంప్రాప్య చేతనామాత్తకార్ముకః |
ఆజఘాన శరైర్దేవీం కాలీం కేసరిణం తథా || ౨౯ ||
పునశ్చ కృత్వా బాహూనామయుతం దనుజేశ్వరః |
చక్రాయుధేన దితిజశ్ఛాదయామాస చండికామ్ || ౩౦ ||
తతో భగవతీ క్రుద్ధా దుర్గా దుర్గార్తినాశినీ |
చిచ్ఛేద తాని చక్రాణి స్వశరైః సాయకాంశ్చ తాన్ || ౩౧ ||
తతో నిశుంభో వేగేన గదామాదాయ చండికామ్ |
అభ్యధావత వై హంతుం దైత్యసైన్యసమావృతః || ౩౨ ||
తస్యాపతత ఏవాశు గదాం చిచ్ఛేద చండికా |
ఖడ్గేన శితధారేణ స చ శూలం సమాదదే || ౩౩ ||
శూలహస్తం సమాయాంతం నిశుంభమమరార్దనమ్ |
హృది వివ్యాధ శూలేన వేగావిద్ధేన చండికా || ౩౪ ||
భిన్నస్య తస్య శూలేన హృదయాన్నిఃసృతోఽపరః |
మహాబలో మహావీర్యస్తిష్ఠేతి పురుషో వదన్ || ౩౫ ||
తస్య నిష్క్రామతో దేవీ ప్రహస్య స్వనవత్తతః |
శిరశ్చిచ్ఛేద ఖడ్గేన తతోఽసావపతద్భువి || ౩౬ ||
తతః సింహశ్చఖాదోగ్రదంష్ట్రాక్షుణ్ణశిరోధరాన్ |
అసురాంస్తాంస్తథా కాలీ శివదూతీ తథాపరాన్ || ౩౭ ||
కౌమారీశక్తినిర్భిన్నాః కేచిన్నేశుర్మహాసురాః |
బ్రహ్మాణీమంత్రపూతేన తోయేనాన్యే నిరాకృతాః || ౩౮ ||
మాహేశ్వరీత్రిశూలేన భిన్నాః పేతుస్తథాపరే |
వారాహీతుండఘాతేన కేచిచ్చూర్ణీకృతా భువి || ౩౯ ||
ఖండఖండం చ చక్రేణ వైష్ణవ్యా దానవాః కృతాః |
వజ్రేణ చైంద్రీహస్తాగ్రవిముక్తేన తథాఽపరే || ౪౦ ||
కేచిద్వినేశురసురాః కేచిన్నష్టా మహాహవాత్ |
భక్షితాశ్చాపరే కాలీశివదూతీమృగాధిపైః || ౪౧ ||
|| ఓం ||
ఇతి శ్రీమార్కండేయపురాణే సావర్ణికే మన్వంతరే దేవీమాహాత్మ్యే నిశుంభవధో నామ నవమోఽధ్యాయః || ౯ ||
(ఉవాచమంత్రాః – ౨, శ్లోకమంత్రాః – ౩౯, ఏవం – ౪౧, ఏవమాదితః – ౫౪౩)
గమనిక: పైన ఇవ్వబడిన శ్రీచండీ సప్తశతిలోని అధ్యాయం, ఈ క్రింది పుస్తకములో కూడా ఉన్నది.
శ్రీ దుర్గా స్తోత్రనిధి
(నిత్య పారాయణ గ్రంథము)
సంపూర్ణ శ్రీ దుర్గా సప్తశతీ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
