Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ బగళాముఖీ స్తోత్రనిధి” పారాయణ గ్రంథములో కూడా ఉన్నది. Click here to buy.)
సురాలయప్రధానే తు దేవదేవం మహేశ్వరమ్ |
శైలాధిరాజతనయా సంగ్రహే తమువాచ హ || ౧ ||
శ్రీదేవ్యువాచ |
పరమేష్ఠిన్ పరం ధామ ప్రధాన పరమేశ్వర |
నామ్నాం సహస్రం బగళాముఖ్యాశ్చ బ్రూహి వల్లభ || ౨ ||
ఈశ్వర ఉవాచ |
శృణు దేవి ప్రవక్ష్యామి నామధేయం సహస్రకమ్ |
పరబ్రహ్మాస్త్రవిద్యాయాశ్చతుర్వర్గఫలప్రదమ్ || ౩ ||
గుహ్యాద్గుహ్యతరం దేవి సర్వసిద్ధైకవందితమ్ |
అతిగుప్తతరా విద్యా సర్వతంత్రేషు గోపితా || ౪ ||
విశేషతః కలియుగే మహాసిద్ధ్యౌఘదాయినీ |
గోపనీయం గోపనీయం గోపనీయం ప్రయత్నతః || ౫ ||
అప్రకాశ్యమిదం సత్యం స్వయోనిరివ సువ్రతే |
రోధినీ విఘ్నసంఘానాం మోహినీ పరయోషితామ్ || ౬ ||
స్తంభినీ రాజసైన్యానాం వాదినీ పరవాదినామ్ |
పురా చైకార్ణవే ఘోరే కాలే పరమభైరవః || ౭ ||
సుందరీసహితో దేవః కేశవః క్లేశనాశనః |
ఉరగాసనమాసీనో యోగనిద్రాముపాగమత్ || ౮ ||
నిద్రాకాలే చ తే కాలే మయా ప్రోక్తం సనాతనః |
మహాస్తంభకరం దేవి స్తోత్రం వా శతనామకమ్ || ౯ ||
సహస్రనామ పరమం వద దేవస్య కస్యచిత్ |
శ్రీభగవానువాచ |
శృణు శంకర దేవేశ పరమాతిరహస్యకమ్ || ౧౦ ||
అతోఽహం యత్ప్రసాదేన విష్ణుః సర్వేశ్వరేశ్వరః |
గోపనీయం ప్రయత్నేన ప్రకాశాత్ సిద్ధిహానికృత్ || ౧౧ ||
వినియోగః –
అస్య శ్రీపీతాంబరీ బగళాముఖీ సహస్రనామస్తోత్రమంత్రస్య భగవాన్ సదాశివ ఋషిః అనుష్టుప్ ఛందః శ్రీజగద్వశ్యకరీ పీతాంబరీ బగళాముఖీ దేవతా సర్వాభీష్టసిద్ధ్యర్థే జపే వినియోగః ||
ధ్యానమ్ –
పీతాంబరపరీధానాం పీనోన్నతపయోధరామ్ |
జటాముకుటశోభాఢ్యాం పీతభూమిసుఖాసనామ్ || ౧౨ ||
శత్రోర్జిహ్వాం ముద్గరం చ బిభ్రతీం పరమాం కళామ్ |
సర్వాగమపురాణేషు విఖ్యాతాం భువనత్రయే || ౧౩ ||
సృష్టిస్థితివినాశానామాదిభూతాం మహేశ్వరీమ్ |
గోప్యా సర్వప్రయత్నేన శృణు తాం కథయామి తే || ౧౪ ||
జగద్విధ్వంసినీం దేవీమజరాఽమరకారిణీమ్ |
తాం నమామి మహామాయాం మహదైశ్వర్యదాయినీమ్ || ౧౫ ||
మూలమంత్రవ్యాఖ్య –
ప్రణవం పూర్వముద్ధృత్య స్థిరమాయాం తతో వదేత్ |
బగళాముఖీ సర్వేతి దుష్టానాం వాచమేవ చ || ౧౬ ||
ముఖం పదం స్తంభయేతి జిహ్వాం కీలయ బుద్ధిమత్ |
వినాశయేతి తారం చ స్థిరమాయాం తతో వదేత్ || ౧౭ ||
వహ్నిప్రియాం తతో మంత్రశ్చతుర్వర్గఫలప్రదః |
స్తోత్రమ్ –
బ్రహ్మాస్త్రం బ్రహ్మవిద్యా చ బ్రహ్మమాతా సనాతనీ || ౧౮ ||
బ్రహ్మేశీ బ్రహ్మకైవల్యం బగళా బ్రహ్మచారిణీ |
నిత్యానందా నిత్యసిద్ధా నిత్యరూపా నిరామయా || ౧౯ ||
సంధారిణీ మహామాయా కటాక్షక్షేమకారిణీ |
కమలా విమలా నీలరత్నకాంతిగుణాశ్రితా || ౨౦ ||
కామప్రియా కామరతా కామకామస్వరూపిణీ |
మంగళా విజయా జాయా సర్వమంగళకారిణీ || ౨౧ ||
కామినీ కామినీకామ్యా కాముకా కామచారిణీ |
కామప్రియా కామరతా కామాకామస్వరూపిణీ || ౨౨ ||
కామాఖ్యా కామబీజస్థా కామపీఠనివాసినీ |
కామదా కామహా కాళీ కపాలీ చ కరాళికా || ౨౩ ||
కంసారిః కమలా కామా కైలాసేశ్వరవల్లభా |
కాత్యాయనీ కేశవా చ కరుణా కామకేళిభుక్ || ౨౪ ||
క్రియా కీర్తిః కృత్తికా చ కాశికా మథురా శివా |
కాలాక్షీ కాళికా కాళీ ధవళాననసుందరీ || ౨౫ ||
ఖేచరీ చ ఖమూర్తిశ్చ క్షుద్రాఽక్షుద్రక్షుధావరా |
ఖడ్గహస్తా ఖడ్గరతా ఖడ్గినీ ఖర్పరప్రియా || ౨౬ ||
గంగా గౌరీ గామినీ చ గీతా గోత్రవివర్ధినీ |
గోధరా గోకరా గోధా గంధర్వపురవాసినీ || ౨౭ ||
గంధర్వా గంధర్వకళా గోపనీ గరుడాసనా |
గోవిందభావా గోవిందా గాంధారీ గంధమాదినీ || ౨౮ ||
గౌరాంగీ గోపికామూర్తిర్గోపీగోష్ఠనివాసినీ |
గంధా గజేంద్రగామాన్యా గదాధరప్రియా గ్రహా || ౨౯ ||
ఘోరఘోరా ఘోరరూపా ఘనశ్రోణీ ఘనప్రభా |
దైత్యేంద్రప్రబలా ఘంటావాదినీ ఘోరనిస్వనా || ౩౦ ||
డాకిన్యుమా ఉపేంద్రా చ ఉర్వశీ ఉరగాసనా |
ఉత్తమా ఉన్నతా ఉన్నా ఉత్తమస్థానవాసినీ || ౩౧ ||
చాముండా ముండికా చండీ చండదర్పహరేతి చ |
ఉగ్రచండా చండచండా చండదైత్యవినాశినీ || ౩౨ ||
చండరూపా ప్రచండా చ చండాచండశరీరిణీ |
చతుర్భుజా ప్రచండా చ చరాచరనివాసినీ || ౩౩ ||
క్షత్రప్రాయః శిరోవాహా ఛలాఛలతరా ఛలీ |
క్షత్రరూపా క్షత్రధరా క్షత్రియక్షయకారిణీ || ౩౪ ||
జయా చ జయదుర్గా చ జయంతీ జయదా పరా |
జాయినీ జయినీ జ్యోత్స్నాజటాధరప్రియాఽజితా || ౩౫ ||
జితేంద్రియా జితక్రోధా జయమానా జనేశ్వరీ |
జితమృత్యుర్జరాతీతా జాహ్నవీ జనకాత్మజా || ౩౬ ||
ఝంకారా ఝంఝరీఝంటా ఝంకారీఝకశోభినీ |
ఝఖాఝమేశా ఝంకారీయోనికళ్యాణదాయినీ || ౩౭ ||
ఝర్ఝరా ఝమురీఝారా ఝరాఝరతరా పరా |
ఝంఝాఝమేతా ఝంకారీఝణాకళ్యాణదాయినీ || ౩౮ ||
ఙమనామానసీచింత్యా ఙమునాశంకరప్రియా |
టంకారీటిటికా టీకాటంకినీ చ టవర్గగా || ౩౯ ||
టాపాటోపా టటపతిష్టమనీ టమనప్రియా |
ఠకారధారిణీ ఠీకాఠంకరీ ఠికరప్రియా || ౪౦ ||
ఠేకఠాసా ఠకరతీఠామినీ ఠమనప్రియా |
డారహా డాకినీ డారాడామరా డామరప్రియా || ౪౧ ||
డఖినీడడయుక్తా చ డమరూకరవల్లభా |
ఢక్కాఢక్కీఢక్కనాదా ఢోలశబ్దప్రబోధినీ || ౪౨ ||
ఢామినీ ఢామనప్రీతా ఢగతంత్రప్రకాశినీ |
అనేకరూపిణీ అంబా అణిమాసిద్ధిదాయినీ || ౪౩ ||
ఆమంత్రిణీ అణుకరీ అణుమద్భానుసంస్థితా |
తారాతంత్రవతీ తంత్రతత్త్వరూపా తపస్వినీ || ౪౪ ||
తరంగిణీ తత్త్వపరా తంత్రికా తంత్రవిగ్రహా |
తపోరూపా తత్త్వదాత్రీ తపఃప్రీతిప్రధర్షిణీ || ౪౫ ||
తంత్రయంత్రార్చనపరా తలాతలనివాసినీ |
తల్పదా త్వల్పదా కామాస్థిరా స్థిరతరా స్థితిః || ౪౬ ||
స్థాణుప్రియా స్థితిపరా స్థితాస్థానప్రదాయినీ |
దిగంబరా దయారూపా దావాగ్నిదమనీ దమా || ౪౭ ||
దుర్గా దుర్గపరాదేవీ దుష్టదైత్యవినాశినీ |
దమనప్రమదా దైత్యదయాదానపరాయణా || ౪౮ ||
దుర్గార్తినాశినీ దాంతా దంభినీ దంభవర్జితా |
దిగంబరప్రియా దంభా దైత్యదంభవిదారిణీ || ౪౯ ||
దమనాశనసౌందర్యా దానవేంద్రవినాశినీ |
దయాధరా చ దమనీ దర్భపత్రవిలాసినీ || ౫౦ ||
ధరణీధారిణీ ధాత్రీ ధరాధరధరప్రియా |
ధరాధరసుతా దేవీ సుధర్మా ధర్మచారిణీ || ౫౧ ||
ధర్మజ్ఞా ధవలా ధూలా ధనదా ధనవర్ధినీ |
ధీరాఽధీరా ధీరతరా ధీరసిద్ధిప్రదాయినీ || ౫౨ ||
ధన్వంతరిధరాధీరా ధ్యేయధ్యానస్వరూపిణీ |
నారాయణీ నారసింహీ నిత్యానందా నరోత్తమా || ౫౩ ||
నక్తాఽనక్తవతీ నిత్యా నీలజీమూతసన్నిభా |
నీలాంగీ నీలవస్త్రా చ నీలపర్వతవాసినీ || ౫౪ ||
సునీలపుష్పఖచితా నీలజంబూసమప్రభా |
నిత్యాఖ్యా షోడశీ విద్యా నిత్యాఽనిత్యసుఖావహా || ౫౫ ||
నర్మదా నందనానందా నందానందవివర్ధినీ |
యశోదానందతనయా నందనోద్యానవాసినీ || ౫౬ ||
నాగాంతకా నాగవృద్ధా నాగపత్నీ చ నాగినీ |
నమితాశేషజనతా నమస్కారవతీ నమః || ౫౭ ||
పీతాంబరా పార్వతీ చ పీతాంబరవిభూషితా |
పీతమాల్యాంబరధరా పీతాభా పింగమూర్ధజా || ౫౮ ||
పీతపుష్పార్చనరతా పీతపుష్పసమర్చితా |
పరప్రభా పితృపతిః పరసైన్యవినాశినీ || ౫౯ ||
పరమా పరతంత్రా చ పరమంత్రా పరాత్పరా |
పరావిద్యా పరాసిద్ధిః పరాస్థానప్రదాయినీ || ౬౦ ||
పుష్పా పుష్పవతీ నిత్యా పుష్పమాలావిభూషితా |
పురాతనా పూర్వపరా పరసిద్ధిప్రదాయినీ || ౬౧ ||
పీతానితంబినీ పీతా పీనోన్నతపయస్తనీ |
ప్రేమాప్రమధ్యమాశేషా పద్మపత్రవిలాసినీ || ౬౨ ||
పద్మావతీ పద్మనేత్రా పద్మా పద్మముఖీ పరా |
పద్మాసనా పద్మప్రియా పద్మరాగస్వరూపిణీ || ౬౩ ||
పావనీ పాలికా పాత్రీ పరదా వరదా శివా |
ప్రేతసంస్థా పరానందా పరబ్రహ్మస్వరూపిణీ || ౬౪ ||
జినేశ్వరప్రియా దేవీ పశురక్తరతప్రియా |
పశుమాంసప్రియాఽపర్ణా పరామృతపరాయణా || ౬౫ ||
పాశినీ పాశికా చాపి పశుఘ్నీ పశుభాషిణీ |
ఫుల్లారవిందవదనీ ఫుల్లోత్పలశరీరిణీ || ౬౬ ||
పరానందప్రదా వీణా పశుపాశవినాశినీ |
ఫూత్కారా ఫూత్పరా ఫేణీ ఫుల్లేందీవరలోచనా || ౬౭ ||
ఫట్మంత్రా స్ఫటికా స్వాహా స్ఫోటా చ ఫట్స్వరూపిణీ |
స్ఫాటికాఘుటికా ఘోరా స్ఫటికాద్రిస్వరూపిణీ || ౬౮ ||
వరాంగనా వరధరా వారాహీ వాసుకీ వరా |
బిందుస్థా బిందునీవాణీ బిందుచక్రనివాసినీ || ౬౯ ||
విద్యాధరీ విశాలాక్షీ కాశీవాసిజనప్రియా |
వేదవిద్యా విరూపాక్షీ విశ్వయుగ్బహురూపిణీ || ౭౦ ||
బ్రహ్మశక్తిర్విష్ణుశక్తిః పంచవక్త్రా శివప్రియా |
వైకుంఠవాసినీ దేవీ వైకుంఠపదదాయినీ || ౭౧ ||
బ్రహ్మరూపా విష్ణురూపా పరబ్రహ్మమహేశ్వరీ |
భవప్రియా భవోద్భవా భవరూపా భవోత్తమా || ౭౨ ||
భవపారా భవాధారా భాగ్యవత్ప్రియకారిణీ |
భద్రా సుభద్రా భవదా శుంభదైత్యవినాశినీ || ౭౩ ||
భవానీ భైరవీ భీమా భద్రకాళీ సుభద్రికా |
భగినీ భగరూపా చ భగమానా భగోత్తమా || ౭౪ ||
భగప్రియా భగవతీ భగవాసా భగాకరా |
భగసృష్టా భాగ్యవతీ భగరూపా భగాసినీ || ౭౫ ||
భగలింగప్రియా దేవీ భగలింగపరాయణా |
భగలింగస్వరూపా చ భగలింగవినోదినీ || ౭౬ ||
భగలింగరతా దేవీ భగలింగనివాసినీ |
భగమాలా భగకలా భగాధారా భగాంబరా || ౭౭ ||
భగవేగా భగాభూషా భగేంద్రా భాగ్యరూపిణీ |
భగలింగాంగసంభోగా భగలింగాసవావహా || ౭౮ ||
భగలింగసమాధుర్యా భగలింగనివేశితా |
భగలింగసుపూజా చ భగలింగసమన్వితా || ౭౯ ||
భగలింగవిరక్తా చ భగలింగసమావృతా |
మాధవీ మాధవీమాన్యా మధురా మధుమానినీ || ౮౦ ||
మందహాసా మహామాయా మోహినీ మహదుత్తమా |
మహామోహా మహావిద్యా మహాఘోరా మహాస్మృతిః || ౮౧ ||
మనస్వినీ మానవతీ మోదినీ మధురాననా |
మేనకా మానినీ మాన్యా మణిరత్నవిభూషణా || ౮౨ ||
మల్లికామౌలికామాలా మాలాధరమదోత్తమా |
మదనాసుందరీ మేధా మధుమత్తా మధుప్రియా || ౮౩ ||
మత్తహంసాసమోన్నాసా మత్తసింహమహాసనీ |
మహేంద్రవల్లభా భీమా మౌల్యం చ మిథునాత్మజా || ౮౪ ||
మహాకాళ్యా మహాకాళీ మహాబుద్ధిర్మహోత్కటా |
మాహేశ్వరీ మహామాయా మహిషాసురఘాతినీ || ౮౫ ||
మధురాకీర్తిమత్తా చ మత్తమాతంగగామినీ |
మదప్రియా మాంసరతా మత్తయుక్కామకారిణీ || ౮౬ ||
మైథున్యవల్లభా దేవీ మహానందా మహోత్సవా |
మరీచిర్మారతిర్మాయా మనోబుద్ధిప్రదాయినీ || ౮౭ ||
మోహా మోక్షా మహాలక్ష్మీర్మహత్పదప్రదాయినీ |
యమరూపా చ యమునా జయంతీ చ జయప్రదా || ౮౮ ||
యామ్యా యమవతీ యుద్ధా యదోః కులవివర్ధినీ |
రమా రామా రామపత్నీ రత్నమాలారతిప్రియా || ౮౯ ||
రత్నసింహాసనస్థా చ రత్నాభరణమండితా |
రమణీ రమణీయా చ రత్యారసపరాయణా || ౯౦ ||
రతానందా రతవతీ రఘూణాం కులవర్ధినీ |
రమణారిపరిభ్రాజ్యా రైధా రాధికరత్నజా || ౯౧ ||
రావీరసస్వరూపా చ రాత్రిరాజసుఖావహా |
ఋతుజా ఋతుదా ఋద్ధా ఋతురూపా ఋతుప్రియా || ౯౨ ||
రక్తప్రియా రక్తవతీ రంగిణీ రక్తదంతికా |
లక్ష్మీర్లజ్జా లతికా చ లీలాలగ్నానితాక్షిణీ || ౯౩ ||
లీలా లీలావతీ లోమహర్షాహ్లాదనపట్టికా |
బ్రహ్మస్థితా బ్రహ్మరూపా బ్రహ్మణా వేదవందితా || ౯౪ ||
బ్రహ్మోద్భవా బ్రహ్మకళా బ్రహ్మాణీ బ్రహ్మబోధినీ |
వేదాంగనా వేదరూపా వనితా వినతావసా || ౯౫ ||
బాలా చ యువతీ వృద్ధా బ్రహ్మకర్మపరాయణా |
వింధ్యస్థా వింధ్యవాసీ చ బిందుయుగ్బిందుభూషణా || ౯౬ ||
విద్యావతీ వేదధారీ వ్యాపికా బర్హిణీకళా |
వామాచారప్రియా వహ్నిర్వామాచారపరాయణా || ౯౭ ||
వామాచారరతా దేవీ వామదేవప్రియోత్తమా |
బుద్ధేంద్రియా విబుద్ధా చ బుద్ధాచరణమాలినీ || ౯౮ ||
బంధమోచనకర్త్రీ చ వారుణా వరుణాలయా |
శివా శివప్రియా శుద్ధా శుద్ధాంగీ శుక్లవర్ణికా || ౯౯ ||
శుక్లపుష్పప్రియా శుక్లా శివధర్మపరాయణా |
శుక్లస్థా శుక్లినీ శుక్లరూపా శుక్లపశుప్రియా || ౧౦౦ ||
శుక్రస్థా శుక్రిణీ శుక్రా శుక్రరూపా చ శుక్రికా |
షణ్ముఖీ చ షడంగా చ షట్చక్రవినివాసినీ || ౧౦౧ ||
షడ్గ్రంథియుక్తా షోఢా చ షణ్మాతా చ షడాత్మికా |
షడంగయువతీ దేవీ షడంగప్రకృతిర్వశీ || ౧౦౨ ||
షడాననా షడ్రసా చ షష్ఠీ షష్ఠేశ్వరీప్రియా |
షడ్జవాదా షోడశీ చ షోఢాన్యాసస్వరూపిణీ || ౧౦౩ ||
షట్చక్రభేదనకరీ షట్చక్రస్థస్వరూపిణీ |
షోడశస్వరరూపా చ షణ్ముఖీ షట్పదాన్వితా || ౧౦౪ || [షడ్రదాన్వితా]
సనకాదిస్వరూపా చ శివధర్మపరాయణా |
సిద్ధసప్తస్వరీ శుద్ధా సురమాతా సురోత్తమా || ౧౦౫ || [స్వరోత్తమా]
సిద్ధవిద్యా సిద్ధమాతా సిద్ధాఽసిద్ధస్వరూపిణీ |
హరా హరిప్రియాహారా హరిణీ హారయుక్ తథా || ౧౦౬ ||
హరిరూపా హరిధరా హరిణాక్షీ హరిప్రియా |
హేతుప్రియా హేతురతా హితాఽహితస్వరూపిణీ || ౧౦౭ ||
క్షమా క్షమావతీ క్షీతా క్షుద్రఘంటావిభూషణా |
క్షయంకరీ క్షితీశా చ క్షీణమధ్యసుశోభనా || ౧౦౮ ||
అజానంతా అపర్ణా చ అహల్యా శేషశాయినీ |
స్వాంతర్గతా చ సాధూనామంతరానందరూపిణీ || ౧౦౯ ||
అరూపా అమలా చార్ధా అనంతగుణశాలినీ |
స్వవిద్యా విద్యకావిద్యా విద్యా చార్వీందులోచనా || ౧౧౦ ||
అపరాజితా జాతవేదా అజపా అమరావతీ |
అల్పా స్వల్పా అనల్పాద్యా అణిమాసిద్ధిదాయినీ || ౧౧౧ ||
అష్టసిద్ధిప్రదా దేవీ రూపలక్షణసంయుతా |
అరవిందముఖా దేవీ భోగసౌఖ్యప్రదాయినీ || ౧౧౨ ||
ఆదివిద్యా ఆదిభూతా ఆదిసిద్ధిప్రదాయినీ |
సీత్కారరూపిణీ దేవీ సర్వాసనవిభూషితా || ౧౧౩ ||
ఇంద్రప్రియా చ ఇంద్రాణీ ఇంద్రప్రస్థనివాసినీ |
ఇంద్రాక్షీ ఇంద్రవజ్రా చ ఇంద్రమద్యోక్షణీ తథా || ౧౧౪ ||
ఈలాకామనివాసా చ ఈశ్వరీశ్వరవల్లభా |
జననీ చేశ్వరీ దీనా భేదా చేశ్వరకర్మకృత్ || ౧౧౫ ||
ఉమా కాత్యాయనీ ఊర్ధ్వా మీనా చోత్తరవాసినీ |
ఉమాపతిప్రియా దేవీ శివా చోంకారరూపిణీ || ౧౧౬ ||
ఉరగేంద్రశిరోరత్నా ఉరగోరగవల్లభా |
ఉద్యానవాసినీమాలా ప్రశస్తమణిభూషణా || ౧౧౭ ||
ఊర్ధ్వదంతోత్తమాంగీ చ ఉత్తమా చోర్ధ్వకేశినీ |
ఉమాసిద్ధిప్రదా యా చ ఉరగాసనసంస్థితా || ౧౧౮ ||
ఋషిపుత్రీ ఋషిచ్ఛందా ఋషిసిద్ధిప్రదాయినీ |
ఉత్సవోత్సవసీమంతా కామికా చ గుణాన్వితా || ౧౧౯ ||
ఏలా ఏకారవిద్యా చ ఏణీవిద్యాధరా తథా |
ఓంకారవలయోపేతా ఓంకారపరమాకలా || ౧౨౦ ||
ఓంవదవదవాణీ చ ఓంకారాక్షరమండితా |
ఐంద్రీ కులిశహస్తా చ ఓంలోకపరవాసినీ || ౧౨౧ ||
ఓంకారమధ్యబీజా చ ఓంనమోరూపధారిణీ |
పరబ్రహ్మస్వరూపా చ అంశుకాంశుకవల్లభా || ౧౨౨ ||
ఓంకారా అఃఫట్ మంత్రా చ అక్షాక్షరవిభూషితా |
అమంత్రా మంత్రరూపా చ పదశోభాసమన్వితా || ౧౨౩ ||
ప్రణవోంకారరూపా చ ప్రణవోచ్చారభాక్ పునః |
హ్రీంకారరూపా హ్రీంకారీ వాగ్బీజాక్షరభూషణా || ౧౨౪ ||
హృల్లేఖా సిద్ధియోగా చ హృత్పద్మాసనసంస్థితా |
బీజాఖ్యా నేత్రహృదయా హ్రీంబీజా భువనేశ్వరీ || ౧౨౫ ||
క్లీంకామరాజా క్లిన్నా చ చతుర్వర్గఫలప్రదా |
క్లీంక్లీంక్లీంరూపికా దేవీ క్రీంక్రీంక్రీంనామధారిణీ || ౧౨౬ ||
కమలాశక్తిబీజా చ పాశాంకుశవిభూషితా |
శ్రీంశ్రీంకారా మహావిద్యా శ్రద్ధా శ్రద్ధావతీ తథా || ౧౨౭ ||
ఓం ఐం క్లీం హ్రీం శ్రీం పరా చ క్లీంకారీ పరమా కళా |
హ్రీం క్లీం శ్రీంకారస్వరూపా సర్వకర్మఫలప్రదా || ౧౨౮ ||
సర్వాఢ్యా సర్వదేవీ చ సర్వసిద్ధిప్రదా తథా |
సర్వజ్ఞా సర్వశక్తిశ్చ వాగ్విభూతిప్రదాయినీ || ౧౨౯ ||
సర్వమోక్షప్రదా దేవీ సర్వభోగప్రదాయినీ |
గుణేంద్రవల్లభా వామా సర్వశక్తిప్రదాయినీ || ౧౩౦ ||
సర్వానందమయీ చైవ సర్వసిద్ధిప్రదాయినీ |
సర్వచక్రేశ్వరీ దేవీ సర్వసిద్ధేశ్వరీ తథా || ౧౩౧ ||
సర్వప్రియంకరీ చైవ సర్వసౌఖ్యప్రదాయినీ |
సర్వానందప్రదా దేవీ బ్రహ్మానందప్రదాయినీ || ౧౩౨ ||
మనోవాంఛితదాత్రీ చ మనోబుద్ధిసమన్వితా |
అకారాదిక్షకారాంతా దుర్గా దుర్గార్తినాశినీ || ౧౩౩ ||
పద్మనేత్రా సునేత్రా చ స్వధా స్వాహా వషట్కరీ |
స్వవర్గా దేవవర్గా చ తవర్గా చ సమన్వితా || ౧౩౪ ||
అంతస్థా వేశ్మరూపా చ నవదుర్గా నరోత్తమా |
తత్త్వసిద్ధిప్రదా నీలా తథా నీలపతాకినీ || ౧౩౫ ||
నిత్యరూపా నిశాకారీ స్తంభినీ మోహినీతి చ |
వశంకరీ తథోచ్చాటీ ఉన్మాదీ కర్షిణీతి చ || ౧౩౬ ||
మాతంగీ మధుమత్తా చ అణిమా లఘిమా తథా |
సిద్ధా మోక్షప్రదా నిత్యా నిత్యానందప్రదాయినీ || ౧౩౭ ||
రక్తాంగీ రక్తనేత్రా చ రక్తచందనభూషితా |
స్వల్పసిద్ధిః సుకల్పా చ దివ్యచారణశుక్రభా || ౧౩౮ ||
సంక్రాంతిః సర్వవిద్యా చ సప్తవాసరభూషితా | [సస్యవాసర-]
ప్రథమా చ ద్వితీయా చ తృతీయా చ చతుర్థికా || ౧౩౯ ||
పంచమీ చైవ షష్ఠీ చ విశుద్ధా సప్తమీ తథా |
అష్టమీ నవమీ చైవ దశమ్యేకాదశీ తథా || ౧౪౦ ||
ద్వాదశీ త్రయోదశీ చ చతుర్దశ్యథ పూర్ణిమా |
అమావాస్యా తథా పూర్వా ఉత్తరా పరిపూర్ణిమా || ౧౪౧ ||
ఖడ్గినీ చక్రిణీ ఘోరా గదినీ శూలినీ తథా |
భుశుండీ చాపినీ బాణా సర్వాయుధవిభూషణా || ౧౪౨ ||
కులేశ్వరీ కులవతీ కులాచారపరాయణా |
కులకర్మసురక్తా చ కులాచారప్రవర్ధినీ || ౧౪౩ ||
కీర్తిః శ్రీశ్చ రమా రామా ధర్మాయై సతతం నమః |
క్షమా ధృతిః స్మృతిర్మేధా కల్పవృక్షనివాసినీ || ౧౪౪ ||
ఉగ్రా ఉగ్రప్రభా గౌరీ వేదవిద్యావిబోధినీ |
సాధ్యా సిద్ధా సుసిద్ధా చ విప్రరూపా తథైవ చ || ౧౪౫ ||
కాళీ కరాళీ కాల్యా చ కాలదైత్యవినాశినీ |
కౌలినీ కాలికీ చైవ కచటతపవర్గికా || ౧౪౬ ||
జయినీ జయయుక్తా చ జయదా జృంభిణీ తథా |
స్రావిణీ ద్రావిణీ దేవీ భేరుండా వింధ్యవాసినీ || ౧౪౭ || [భరుండా]
జ్యోతిర్భూతా చ జయదా జ్వాలామాలాసమాకులా |
భిన్నాభిన్నప్రకాశా చ విభిన్నా భిన్నరూపిణీ || ౧౪౮ ||
అశ్వినీ భరణీ చైవ నక్షత్రసంభవానిలా |
కాశ్యపీ వినతాఖ్యాతా దితిజా దితిరేవ చ || ౧౪౯ ||
కీర్తిః కామప్రియా దేవీ కీర్త్యకీర్తివివర్ధినీ |
సద్యోమాంససమాలబ్ధా సద్యశ్ఛిన్నాసిశంకరా || ౧౫౦ ||
దక్షిణా చోత్తరా పూర్వా పశ్చిమా దిక్ తథైవ చ |
అగ్నినైరృతివాయవ్యా ఈశాన్యాదిక్ తథా స్మృతా || ౧౫౧ ||
ఊర్ధ్వాంగాధోగతా శ్వేతా కృష్ణా రక్తా చ పీతకా |
చతుర్వర్గా చతుర్వర్ణా చతుర్మాత్రాత్మికాక్షరా || ౧౫౨ ||
చతుర్ముఖీ చతుర్వేదా చతుర్విద్యా చతుర్ముఖా |
చతుర్గణా చతుర్మాతా చతుర్వర్గఫలప్రదా || ౧౫౩ ||
ధాత్రీవిధాత్రీమిథునా నారీనాయకవాసినీ |
సురాముదా ముదవతీ మోదినీ మేనకాత్మజా || ౧౫౪ ||
ఊర్ధ్వకాళీ సిద్ధికాళీ దక్షిణాకాళికా శివా |
నీలసరస్వతీ సా త్వం బగళా ఛిన్నమస్తకా || ౧౫౫ ||
సర్వేశ్వరీ సిద్ధవిద్యా పరా పరమదేవతా |
హింగులా హింగులాంగీ చ హింగులాధరవాసినీ || ౧౫౬ ||
హింగులోత్తమవర్ణాభా హింగులాభరణా చ సా |
జాగ్రతీ చ జగన్మాతా జగదీశ్వరవల్లభా || ౧౫౭ ||
జనార్దనప్రియా దేవీ జయయుక్తా జయప్రదా |
జగదానందకరీ చ జగదాహ్లాదకారిణీ || ౧౫౮ ||
జ్ఞానదానకరీ యజ్ఞా జానకీ జనకప్రియా |
జయంతీ జయదా నిత్యా జ్వలదగ్నిసమప్రభా || ౧౫౯ ||
విద్యాధరా చ బింబోష్ఠీ కైలాసాచలవాసినీ |
విభవా వడవాగ్నిశ్చ అగ్నిహోత్రఫలప్రదా || ౧౬౦ ||
మంత్రరూపా పరా దేవీ తథైవ గురురూపిణీ |
గయా గంగా గోమతీ చ ప్రభాసా పుష్కరాఽపి చ || ౧౬౧ ||
వింధ్యాచలరతా దేవీ వింధ్యాచలనివాసినీ |
బహూ బహుసుందరీ చ కంసాసురవినాశినీ || ౧౬౨ ||
శూలినీ శూలహస్తా చ వజ్రా వజ్రహరాఽపి చ |
దుర్గా శివా శాంతికరీ బ్రహ్మాణీ బ్రాహ్మణప్రియా || ౧౬౩ ||
సర్వలోకప్రణేత్రీ చ సర్వరోగహరాఽపి చ |
మంగళా శోభనా శుద్ధా నిష్కళా పరమా కళా || ౧౬౪ ||
విశ్వేశ్వరీ విశ్వమాతా లలితావాసితాననా |
సదాశివా ఉమా క్షేమా చండికా చండవిక్రమా || ౧౬౫ ||
సర్వదేవమయీ దేవీ సర్వాగమభయాపహా |
బ్రహ్మేశవిష్ణునమితా సర్వకళ్యాణకారిణీ || ౧౬౬ ||
యోగినీ యోగమాతా చ యోగీంద్రహృదయస్థితా |
యోగిజాయా యోగవతీ యోగీంద్రానందయోగినీ || ౧౬౭ ||
ఇంద్రాదినమితా దేవీ ఈశ్వరీ చేశ్వరప్రియా |
విశుద్ధిదా భయహరా భక్తద్వేషిభయంకరీ || ౧౬౮ ||
భవవేషా కామినీ చ భేరుండా భయకారిణీ |
బలభద్రప్రియాకారా సంసారార్ణవతారిణీ || ౧౬౯ ||
పంచభూతా సర్వభూతా విభూతిర్భూతిధారిణీ |
సింహవాహా మహామోహా మోహపాశవినాశినీ || ౧౭౦ ||
మందురా మదిరా ముద్రాఽముద్రా ముద్గరధారిణీ |
సావిత్రీ చ మహాదేవీ పరప్రియవినాయికా || ౧౭౧ ||
యమదూతీ చ పింగాక్షీ వైష్ణవీ శంకరీ తథా |
చంద్రప్రియా చంద్రరతా చందనారణ్యవాసినీ || ౧౭౨ ||
చందనేంద్రసమాయుక్తా చండదైత్యవినాశినీ |
సర్వేశ్వరీ యక్షిణీ చ కిరాతీ రాక్షసీ తథా || ౧౭౩ ||
మహాభోగవతీ దేవీ మహామోక్షప్రదాయినీ |
విశ్వహంత్రీ విశ్వరూపా విశ్వసంహారకారిణీ || ౧౭౪ ||
ధాత్రీ చ సర్వలోకానాం హితకారణకామినీ |
కమలా సూక్ష్మదా దేవీ ధాత్రీ హరవినాశినీ || ౧౭౫ ||
సురేంద్రపూజితా సిద్ధా మహాతేజోవతీతి చ |
పరారూపవతీ దేవీ త్రైలోక్యాకర్షకారిణీ || ౧౭౬ ||
ఫలశ్రుతిః –
ఇతి తే కథితం దేవి పీతానామసహస్రకమ్ |
పఠేద్వా పాఠయేద్వాపి సర్వసిద్ధిర్భవేత్ ప్రియే || ౧౭౭ ||
ఇతి తే విష్ణునా ప్రోక్తం మహాస్తంభకరం పరమ్ |
ప్రాతః కాలే చ మధ్యాహ్నే సంధ్యాకాలే చ పార్వతి || ౧౭౮ ||
ఏకచిత్తః పఠేదేతత్ సర్వసిద్ధిర్భవిష్యతి |
ఏకవారం పఠేద్యస్తు సర్వపాపక్షయో భవేత్ || ౧౭౯ ||
ద్వివారం ప్రపఠేద్యస్తు విఘ్నేశ్వరసమో భవేత్ |
త్రివారం పఠనాద్దేవి సర్వం సిద్ధ్యతి సర్వథా || ౧౮౦ ||
స్తవస్యాఽస్య ప్రభావేణ సాక్షాద్భవతి సువ్రతే |
మోక్షార్థీ లభతే మోక్షం ధనార్థీ లభతే ధనమ్ || ౧౮౧ ||
విద్యార్థీ లభతే విద్యాం తర్కవ్యాకరణాన్వితామ్ |
మహిత్వం వత్సరాంతాచ్చ శత్రుహానిః ప్రజాయతే || ౧౮౨ ||
క్షోణీపతిర్వశస్తస్య స్మరణే సదృశో భవేత్ |
యః పఠేత్ సర్వదా భక్త్యా శ్రేయస్తు భవతి ప్రియే || ౧౮౩ ||
గణాధ్యక్షప్రతినిధిః కవికావ్యపరో వరః |
గోపనీయం ప్రయత్నేన జననీజారవత్సదా || ౧౮౪ ||
హేతుయుక్తో భవేన్నిత్యం శక్తియుక్తః సదా భవేత్ |
య ఇదం పఠతే నిత్యం శివేన సదృశో భవేత్ || ౧౮౫ ||
జీవన్ ధర్మార్థభోగీ స్యాన్మృతో మోక్షపతిర్భవేత్ |
సత్యం సత్యం మహాదేవి సత్యం సత్యం న సంశయః || ౧౮౬ ||
స్తవస్యాస్య ప్రభావేణ దేవేన సహ మోదతే |
సుచిత్తాశ్చ సురాః సర్వే స్తవరాజస్య కీర్తనాత్ || ౧౮౭ ||
పీతాంబరపరీధానా పీతగంధానులేపనా |
పరమోదయకీర్తిః స్యాత్ స్మరతః సురసుందరి || ౧౮౮ ||
ఇతి శ్రీఉత్కటశంబరే నాగేంద్రప్రయాణతంత్రే షోడశసహస్రే విష్ణుశంకరసంవాదే శ్రీ బగళాముఖీ సహస్రనామ స్తోత్రమ్ ||
గమనిక: పైన ఇవ్వబడిన స్తోత్రము మరియు తాత్పర్యం ఈ క్రింది పుస్తకములో కూడా ఉన్నది.
శ్రీ బగళాముఖీ స్తోత్రనిధి
(నిత్య పారాయణ గ్రంథము)
మరిన్ని శ్రీ బగళాముఖీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
