Read in తెలుగు / ಕನ್ನಡ / தமிழ் / देवनागरी / English (IAST)
ఋషయ ఊచుః |
నమస్తే దేవదేవాయ బ్రహ్మణే పరమేష్ఠినే |
పురుషాయ పురాణాయ శాశ్వతాయ జయాయ చ || ౧ ||
నమః స్వయంభువే తుభ్యం స్రష్ట్రే సర్వార్థవేదినే |
నమో హిరణ్యగర్భాయ వేధసే పరమాత్మనే || ౨ ||
నమస్తే వాసుదేవాయ విష్ణవే విశ్వయోనయే |
నారాయణాయ దేవాయ దేవానాం హితకారిణే || ౩ ||
నమోఽస్తు తే చతుర్వక్త్రే శార్ఙ్గచక్రాసిధారిణే |
సర్వభూతాత్మభూతాయ కూటస్థాయ నమో నమః || ౪ ||
నమో వేదరహస్యాయ నమస్తే వేదయోనయే |
నమో బుద్ధాయ శుద్ధాయ నమస్తే జ్ఞానరూపిణే || ౫ ||
నమోఽస్త్వానందరూపాయ సాక్షిణే జగతాం నమః |
అనంతాయాప్రమేయాయ కార్యాయ కారణాయ చ || ౬ ||
నమస్తే పంచభూతాయ పంచభూతాత్మనే నమః |
నమో మూలప్రకృతయే మాయారూపాయ తే నమః || ౭ ||
నమోఽస్తు తే వరాహాయ నమస్తే మత్స్యరూపిణే |
నమో యోగాధిగమ్యాయ నమః సంకర్షణాయ తే || ౮ ||
నమస్త్రిమూర్తయే తుభ్యం త్రిధామ్నే దివ్యతేజసే |
నమః సిద్ధాయ పూజ్యాయ గుణత్రయవిభాగినే || ౯ ||
నమోఽస్త్వాదిత్యవర్ణాయ నమస్తే పద్మయోనయే |
నమోఽమూర్తాయ మూర్తాయ మాధవాయ నమో నమః || ౧౦ ||
త్వయైవ సృష్టమఖిలం త్వయ్యేవ సకలం స్థితమ్ |
పాలయైతజ్జగత్సర్వం త్రాతా త్వం శరణం గతిః || ౧౧ ||
ఇత్థం స భగవాన్ విష్ణుః సనకాద్యైరభిష్టుతః |
ప్రసాదమకరోత్తేషాం వరాహవపురీశ్వరః || ౧౨ ||
ఇతి కూర్మపురాణే పూర్వభాగే షష్ఠోఽధ్యాయే సనకాది ఋషిభిః కృత శ్రీ వరాహ స్తోత్రమ్ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
