Read in తెలుగు / ಕನ್ನಡ / தமிழ் / देवनागरी / English (IAST)
మగ్నే మేరౌ పతతి తపనే తోయబిందావివేందౌ
అంతర్లీనే జలధిసలిలే వ్యాకులే దేవలోకే |
మాత్స్యం రూపం ముఖపుటతటాకృష్టనిర్ముక్తవార్ధి
శ్రీకాంతస్య స్థలజలగతం వేత్యలక్ష్యం పునాతు || ౧ ||
వియత్పుచ్ఛాతుచ్ఛోచ్ఛలితజలగర్భం నిధిరపాం
అపాం నాథః పాథః పృథులలవదుస్థో వియదభూత్ |
నిధిర్భాసామౌర్వో దినపతిరభూదౌర్వదహనః
చలత్కాయే యస్మిన్ స జయతి హరిర్మీనవపుషా || ౨ ||
జీయాసుః శకులాకృతేర్భగవతః పుచ్ఛచ్ఛటాచ్ఛోటనాత్
ఉద్యంతః శతచంద్రితాంబరతలం తే బిందవః సైంధవాః |
యైర్వ్యావృత్య పతద్భిరౌర్వశిఖినస్తేజోజటాలం వపుః
పానాధ్మానవశాదరోచకరుజాం చక్రే చిరాయాస్పదమ్ || ౩ ||
దిశ్యాద్వః శకులాకృతిః స భగవాన్నైఃశ్రేయసీం సంపదం
యస్య స్ఫూర్జదతుచ్ఛపుచ్ఛశిఖరప్రేంఖోలనక్రీడనైః |
విష్వగ్వార్ధిసముచ్ఛలజ్జలభరైర్మందాకినీసంగతైః
గంగాసాగరసంగమప్రణయినీ జాతా విహాయఃస్థలీ || ౪ ||
మాయామీనతనోస్తనోతు భవతాం పుణ్యాని పంకస్థితిః
పుచ్ఛాచ్ఛోటసముచ్ఛలజ్జలగురుప్రాగ్భారరిక్తోదధేః |
పాతాలావటమధ్యసంకటతయా పర్యాప్తకష్టస్థితేః
వేదోద్ధారపరాయణస్య సతతం నారాయణస్య ప్రభోః || ౫ ||
జృంభావిస్తృతవక్త్రపంకజవిధేర్హృత్వా శ్రుతీః సాగరే
లీనం త్రస్తసమస్తనక్రనికరం శంఖం జఘానాజిరే |
పుచ్ఛోత్క్షిప్తజలోత్కరైః ప్రతిదిశం సంతర్ప్య యో వై ధరాం
పాయాద్వః స మృణాలకోమలతనుర్మీనాభిధానో హరిః || ౬ ||
హంహో మీనతనో హరే కిముదధే కిం వేపసే శైత్యతః
స్విన్నః కిం వడవానలాత్పులకితః కస్మాత్ స్వభావాదహమ్ |
ఇత్థం సాగరకన్యకాముఖశశివ్యాలోకనేనాధిక-
-ప్రోద్యత్కామజచిహ్ననిహ్నుతిపరః శౌరిః శివాయాస్తు వః || ౭ ||
పుచ్ఛం చేదహమున్నయామ్యనవధిస్తుచ్ఛో భవేదంబుధిః
క్రీడాం చేత్కలయే మనాగపి జలే పీడా పరం యాదసామ్ |
నిస్పందో భృశమామృశన్నితి భరబ్రహ్మాండభాండక్షయ-
-క్షోభాకుంచితవేష ఏష భగవాన్ ప్రీణాతు మీనాకృతిః || ౮ ||
చంద్రాదిత్యోరునేత్రః కమలభవభవస్ఫారపృష్ఠప్రతిష్ఠో
భాస్వత్కాలాగ్నిజిహ్నః పృథులగలగుహాదృష్టనిఃశేషవిశ్వః |
అద్భిః పుచ్ఛోత్థితాభిశ్చకితసురవధూనేత్రసంసూచితాభిః
మత్స్యశ్ఛిన్నాబ్ధివేలం గగనతలమలం క్షాలయన్వః పునాతు || ౯ ||
యం దృష్ట్వా మీనరూపం స్ఫురదనలశిఖాయుక్తసంరక్తనేత్రం
లోలద్విస్తీర్ణకర్ణక్షుభితజలనిధిం నీలజీమూతవర్ణమ్ |
శ్వాసోచ్ఛ్వాసానిలౌఘైః ప్రచలితగగనం పీతవారిం మురారిం
దిఙ్మూఢోఽభూత్స శంఖః స భవతు భవతాం భూతయే మీనరూపః || ౧౦ ||
దిఙ్మూఢం తం సురారిం కిల శితదశనైః పీడ్యమానం రటంతం
హృత్వా తీరే పయోధేః కరతలకలితం పూరయామాస శంఖమ్ |
నాదేనాక్షోభ్య విశ్వం ప్రముదితవిబుధం త్రస్తదైత్యం స దేవైః
దత్తార్ఘః పద్మయోనేః ప్రహసితవదనః పాతు వో దత్తవేదః || ౧౧ ||
ఇతి శ్రీ మత్స్య స్తుతిః |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
