Read in తెలుగు / ಕನ್ನಡ / தமிழ் / देवनागरी / English (IAST)
త్రైవిద్యవృద్ధజనమూర్ధవిభూషణం యత్
సంపచ్చ సాత్త్వికజనస్య యదేవ నిత్యమ్ |
యద్వా శరణ్యమశరణ్యజనస్య పుణ్యం
తత్సంశ్రయేమ వకులాభరణాఙ్ఘ్రియుగ్మమ్ || ౧ ||
భక్తిప్రభావ భవదద్భుతభావబన్ధ
సన్ధుక్షిత ప్రణయసారరసౌఘ పూర్ణః |
వేదార్థరత్ననిధిరచ్యుతదివ్యధామ
జీయాత్పరాఙ్కుశ పయోధిరసీమ భూమా || ౨ ||
ఋషిం జుషామహే కృష్ణతృష్ణాతత్త్వమివోదితమ్ |
సహస్రశాఖాం యోఽద్రాక్షీద్ద్రావిడీం బ్రహ్మసంహితామ్ || ౩ ||
యద్గోసహస్రమపహన్తి తమాంసి పుంసాం
నారాయణో వసతి యత్ర సశఙ్ఖచక్రః |
యన్మణ్డలం శ్రుతిగతం ప్రణమన్తి విప్రాః
తస్మై నమో వకులభూషణ భాస్కరాయ || ౪ ||
పత్యుః శ్రియః ప్రసాదేన ప్రాప్త సార్వజ్ఞ సమ్పదమ్ |
ప్రపన్న జనకూటస్థం ప్రపద్యే శ్రీపరాఙ్కుశమ్ || ౫ ||
శఠకోపమునిం వన్దే శఠానాం బుద్ధిః దూషకమ్ |
అజ్ఞానాం జ్ఞానజనకం తిన్త్రిణీమూల సంశ్రయమ్ || ౬ ||
వకులాభరణం వన్దే జగదాభరణం మునిమ్ |
యశ్శ్రుతేరుత్తరం భాగం చక్రే ద్రావిడ భాషయా || ౭ ||
నమజ్జనస్య చిత్త భిత్తి భక్తి చిత్ర తూలికా
భవాహి వీర్యభఞ్జనే నరేన్ద్ర మన్త్ర యన్త్రణా |
ప్రపన్న లోక కైరవ ప్రసన్న చారు చన్ద్రికా
శఠారి హస్తముద్రికా హఠాద్ధునోతు మే తమః || ౮ ||
వకులాలఙ్కృతం శ్రీమచ్ఛఠకోప పదద్వయమ్ |
అస్మత్కులధనం భోగ్యమస్తు మే మూర్ధ్ని భూషణమ్ || ౯ ||
ఇతి శ్రీపరాశరభట్టరాచార్య కృత శ్రీ పరాఙ్కుశాష్టకమ్ |
మరిన్ని శ్రీ కృష్ణ స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
