Read in తెలుగు / ಕನ್ನಡ / தமிழ் / देवनागरी / English (IAST)
|| supārśvavacanānuvādaḥ ||
tatastadamr̥tāsvādaṁ gr̥dhrarājēna bhāṣitam |
niśamya muditā hr̥ṣṭāstē vacaḥ plavagarṣabhāḥ || 1 ||
jāmbavān vānaraśrēṣṭhaḥ saha sarvaiḥ plavaṅgamaiḥ |
bhūtalātsahasōtthāya gr̥dhrarājamathābhravīt || 2 ||
kva sītā kēna vā dr̥ṣṭā kō vā harati maithilīm |
tadākhyātu bhavān sarvaṁ gatirbhava vanaukasām || 3 ||
kō dāśarathibāṇānāṁ vajravēganipātinām |
svayaṁ lakṣmaṇamuktānāṁ na cintayati vikramam || 4 ||
sa harīn prītisamyuktān sītāśrutisamāhitān |
punarāśvāsayan prīta idaṁ vacanamabravīt || 5 ||
śrūyatāmiha vaidēhyā yathā mē haraṇaṁ śrutam |
yēna cāpi mamākhyātaṁ yatra vā:’:’yatalōcanā || 6 ||
ahamasmin girau durgē bahuyōjanamāyatē |
cirānnipatitō vr̥ddhaḥ kṣīṇaprāṇaparākramaḥ || 7 ||
taṁ māmēvaṁ gataṁ putraḥ supārśvō nāma nāmataḥ |
āhārēṇa yathākālaṁ bibharti patatāṁ varaḥ || 8 ||
tīkṣṇakāmāstu gandharvāstīkṣṇakōpā bhujaṅgamāḥ |
mr̥gāṇāṁ tu bhayaṁ tīkṣṇaṁ tatastīkṣṇakṣudhā vayam || 9 ||
sa kadācit kṣudhārtasya mamāhārābhikāṅkṣiṇaḥ |
gatasūryē:’hani prāptō mama putrō hyanāmiṣaḥ || 10 ||
sa mayā vr̥ddhabhāvācca kōpācca paribhartsitaḥ |
kṣutpipāsāparītēna kumāraḥ patatāṁ varaḥ || 11 ||
sa māmāhārasaṁrōdhāt pīḍitaḥ prītivardhanaḥ |
anumānya yathātattvamidaṁ vacanamabravīt || 12 ||
ahaṁ tāta yathākālamāmiṣārthī khamāplutaḥ |
mahēndrasya girērdvāramāvr̥tya ca samāsthitaḥ || 13 ||
tataḥ sattvasahasrāṇāṁ sāgarāntaracāriṇām |
panthānamēkō:’dhyavasaṁ sannirōddhumavāṅmukhaḥ || 14 ||
tatra kaścinmayā dr̥ṣṭaḥ sūryōdayasamaprabhām |
striyamādāya gacchan vai bhinnāñjanacayōpamaḥ || 15 ||
sō:’hamabhyavahārārthaṁ tau dr̥ṣṭvā kr̥taniścayaḥ |
tēna sāmnā vinītēna panthānamabhiyācitaḥ || 16 ||
na hi sāmōpapannānāṁ prahartā vidyatē kvacit |
nīcēṣvapi janaḥ kaścitkimaṅga bata madvidhaḥ || 17 ||
sa yātastējasā vyōma saṅkṣipanniva vēgataḥ |
athāhaṁ khacarairbhūtairabhigamya sabhājitaḥ || 18 ||
diṣṭyā jīvasi tātēti hyabruvanmāṁ maharṣayaḥ |
kathañcit sakalatrō:’sau gatastē svastyasaṁśayam || 19 ||
ēvamuktastatō:’haṁ taiḥ siddhaiḥ paramaśōbhanaiḥ |
sa ca mē rāvaṇō rājā rakṣasāṁ prativēditaḥ || 20 ||
haran dāśarathērbhāryāṁ rāmasya janakātmajām |
bhraṣṭābharaṇakauśēyāṁ śōkavēgaparājitām || 21 ||
rāmalakṣmaṇayōrnāma krōśantīṁ muktamūrdhajām |
ēṣa kālātyayastāvaditi kālavidāṁ varaḥ || 22 ||
ētamarthaṁ samagraṁ mē supārśvaḥ pratyavēdayat |
tacchrutvā:’pi hi mē buddhirnāsītkācitparākramē || 23 ||
apakṣō hi kathaṁ pakṣī karma kiñcidupakramē |
yattu śakyaṁ mayā kartuṁ vāgbuddhiguṇavartinā || 24 ||
śrūyatāṁ tatpravakṣyāmi bhavatāṁ pauruṣāśrayam |
vāṅmatibhyāṁ tu sarvēṣāṁ kariṣyāmi priyaṁ hi vaḥ || 25 ||
yaddhi dāśarathēḥ kāryaṁ mama tannātra saṁśayaḥ |
tē bhavantō matiśrēṣṭhā balavantō manasvinaḥ || 26 ||
prēṣitāḥ kapirājēna dēvairapi durāsadāḥ |
rāmalakṣmaṇabāṇāśca niśitāḥ kaṅkapatriṇaḥ || 27 ||
trayāṇāmapi lōkānāṁ paryāptāstrāṇanigrahē |
kāmaṁ khalu daśagrīvaṁstējōbalasamanvitaḥ || 28 ||
bhavatāṁ tu samarthānāṁ na kiñcidapi duṣkaram |
tadalaṁ kālasaṅgēna kriyatāṁ buddhiniścayaḥ |
na hi karmasu sajjantē buddhimantō bhavadvidhāḥ || 29 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē ēkōnaṣaṣṭitamaḥ sargaḥ || 59 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
