Read in తెలుగు / ಕನ್ನಡ / தமிழ் / देवनागरी / English (IAST)
|| సంపాతిప్రశ్నః ||
ఉపవిష్టాస్తు తే సర్వే యస్మిన్ ప్రాయం గిరిస్థలే |
హరయో గృధ్రరాజశ్చ తం దేశముపచక్రమే || ౧ ||
సంపాతిర్నామ నామ్నా తు చిరంజీవీ విహంగమః |
భ్రాతా జటాయుషః శ్రీమాన్ ప్రఖ్యాతబలపౌరుషః || ౨ ||
కందరాదభినిష్క్రమ్య స వింధ్యస్య మహాగిరేః |
ఉపవిష్టాన్ హరీన్ దృష్ట్వా హృష్టాత్మా గిరమబ్రవీత్ || ౩ ||
విధిః కిల నరం లోకే విధానేనానువర్తతే |
యథాఽయం విహితో భక్ష్యశ్చిరాన్మహ్యముపాగతః || ౪ ||
పరం పరాణాం భక్షిష్యే వానరాణాం మృతం మృతమ్ |
ఉవాచేదం వచః పక్షీ తాన్నిరీక్ష్య ప్లవంగమాన్ || ౫ ||
తస్య తద్వచనం శ్రుత్వా భక్ష్యలుబ్ధస్య పక్షిణః |
అంగదః పరమాయస్తో హనుమంతమథాబ్రవీత్ || ౬ ||
పశ్య సీతాపదేశేన సాక్షాద్వైవస్వతో యమః |
ఇమం దేశమనుప్రాప్తో వానరాణాం విపత్తయే || ౭ ||
రామస్య న కృతం కార్యం రాజ్ఞో న చ వచః కృతమ్ |
హరీణామియమజ్ఞాతా విపత్తిః సహసాఽఽగతా || ౮ ||
వైదేహ్యాః ప్రియకామేన కృతం కర్మ జటాయుషా |
గృధ్రరాజేన యత్తత్ర శ్రుతం వస్తదశేషతః || ౯ ||
తథా సర్వాణి భూతాని తిర్యగ్యోనిగతాన్యపి |
ప్రియం కుర్వంతి రామస్య త్యక్త్వా ప్రాణాన్ యథా వయమ్ || ౧౦ ||
అన్యోన్యముపకుర్వంతి స్నేహకారుణ్యయంత్రితాః |
తేన తస్యోపకారార్థం త్యజతాత్మానమాత్మనా || ౧౧ ||
ప్రియం కృతం హి రామస్య ధర్మజ్ఞేన జటాయుషా |
రాఘవార్థే పరిశ్రాంతా వయం సంత్యక్తజీవితాః || ౧౨ ||
కాంతారాణి ప్రపన్నాః స్మ న చ పశ్యామ మైథిలీమ్ |
స సుఖీ గృధ్రరాజస్తు రావణేన హతో రణే || ౧౩ ||
ముక్తశ్చ సుగ్రీవభయాద్గతశ్చ పరమాం గతిమ్ |
జటాయుషో వినాశేన రాజ్ఞో దశరథస్య చ || ౧౪ ||
హరణేన చ వైదేహ్యాః సంశయం హరయో గతాః |
రామలక్ష్మణయోర్వాస అరణ్యే సహ సీతయా || ౧౫ ||
రాఘవస్య చ బాణేన వాలినశ్చ తథా వధః |
రామకోపాదశేషాణాం రాక్షసానాం తథా వధః |
కైకేయ్యా వరదానేన ఇదం హి వికృతం కృతమ్ || ౧౬ ||
తదసుఖమనుకీర్తితం వచో
భువి పతితాంశ్చ సమీక్ష్య వానరాన్ |
భృశచిలతమతిర్మహామతిః
కృపణముదాహృతవాన్ స గృధ్రరాట్ || ౧౭ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే షట్పంచాశః సర్గః || ౫౬ ||
సంపూర్ణ వాల్మీకి రామాయణే కిష్కింధాకాండ చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
