Read in తెలుగు / ಕನ್ನಡ / தமிழ் / देवनागरी / English (IAST)
|| rāvaṇavikatthanam ||
ēvaṁ bruvantyāṁ sītāyāṁ saṁrabdhaḥ paruṣaṁ vacaḥ |
lalāṭē bhrukuṭīṁ kr̥tvā rāvaṇaḥ pratyuvāca ha || 1 ||
bhrātā vaiśravaṇasyāhaṁ sāpatnyō varavarṇini |
rāvaṇō nāma bhadraṁ tē daśagrīvaḥ pratāpavān || 2 ||
yasya dēvāḥ sa gandharvāḥ piśācapatagōragāḥ |
vidravanti bhayādbhītā mr̥tyōriva sadā prajāḥ || 3 ||
yēna vaiśravaṇō rājā dvaimātraḥ kāraṇāntarē |
dvandvamāsāditaḥ krōdhādraṇē vikramya nirjitaḥ || 4 ||
yadbhayārtaḥ parityajya svamadhiṣṭhānamr̥ddhimat |
kailāsaṁ parvataśrēṣṭhamadhyāstē naravāhanaḥ || 5 ||
yasya tatpuṣpakaṁ nāma vimānaṁ kāmagaṁ śubham |
vīryādēvārjitaṁ bhadrē yēna yāmi vihāyasam || 6 ||
mama sañjātarōṣasya mukhaṁ dr̥ṣṭvaiva maithili |
vidravanti paritrastāḥ surāḥ śakrapurōgamāḥ || 7 ||
yatra tiṣṭhāmyahaṁ tatra mārutō vāti śaṅkitaḥ |
tīvrāṁśuḥ śiśirāṁśuśca bhayātsampadyatē raviḥ || 8 ||
niṣkampapatrāstaravō nadyaśca stimitōdakāḥ |
bhavanti yatra yatrāhaṁ tiṣṭhāmi vicarāmi ca || 9 ||
mama pārē samudrasya laṅkā nāma purī śubhā |
sampūrṇā rākṣasairghōrairyathēndrasyāmarāvatī || 10 ||
prākārēṇa parikṣiptā pāṇḍurēṇa virājatā |
hēmakakṣyā purī ramyā vaiḍūryamayatōraṇā || 11 ||
hastyaśvarathasambādhā tūryanādavināditā |
sarvakālaphalairvr̥kṣaiḥ saṅkulōdyānaśōbhitā || 12 ||
tatra tvaṁ vasatī sītē rājaputri mayā saha |
na smariṣyasi nārīṇāṁ mānuṣīṇāṁ manasvinī || 13 ||
bhuñjānā mānuṣān bhōgān divyāṁśca varavarṇini |
na smariṣyasi rāmasya mānuṣasya gatāyuṣaḥ || 14 ||
sthāpayitvā priyaṁ putraṁ rājyē daśarathēna yaḥ |
mandavīryaḥ sutō jyēṣṭhastataḥ prasthāpitō hyayam || 15 ||
tēna kiṁ bhraṣṭarājyēna rāmēṇa gatacētasā |
kariṣyasi viśālākṣi tāpasēna tapasvinā || 16 ||
sarvarākṣasabhartāraṁ kāmātsvayamihāgatam |
na manmathaśarāviṣṭaṁ pratyākhyātuṁ tvamarhasi || 17 ||
pratyākhyāya hi māṁ bhīru paritāpaṁ gamiṣyasi |
caraṇēnābhihatyēva purūravasamurvaśī || 18 ||
aṅgulyā na samō rāmō mama yuddhē sa mānuṣaḥ |
tava bhāgyēna samprāptaṁ bhajasva varavarṇini || 19 ||
ēvamuktā tu vaidēhī kruddhā saṁraktalōcanā |
abravītparuṣaṁ vākyaṁ rahitē rākṣasādhipam || 20 ||
kathaṁ vaiśravaṇaṁ dēvaṁ sarvabhūtanamaskr̥tam |
bhrātaraṁ vyapadiśya tvamaśubhaṁ kartumicchasi || 21 ||
avaśyaṁ vinaśiṣyanti sarvē rāvaṇa rākṣasāḥ |
yēṣāṁ tvaṁ karkaśō rājā durbuddhirajitēndriyaḥ || 22 ||
apahr̥tya śacīṁ bhāryāṁ śakyamindrasya jīvitum |
na ca rāmasya bhāryāṁ māmapanīyāsti jīvitam || 23 ||
jīvēcciraṁ vajradharasya hastā-
-cchacīṁ pradhr̥ṣyāpratirūparūpām |
na mādr̥śīṁ rākṣasa dūṣayitvā
pītāmr̥tasyāpi tavāsti mōkṣaḥ || 24 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē aṣṭacatvāriṁśaḥ sargaḥ || 48 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
