Read in తెలుగు / ಕನ್ನಡ / தமிழ் / देवनागरी / English (IAST)
|| mārīcavañcanā ||
tathā tu taṁ samādiśya bhrātaraṁ raghunandanaḥ |
babandhāsiṁ mahātējā jāmbūnadamayatsarum || 1 ||
tatastryavanataṁ cāpamādāyātmavibhūṣaṇam |
ābadhya ca kalāpau dvau jagāmōdagravikramaḥ || 2 ||
taṁ vañcayānō rājēndramāpatantaṁ nirīkṣya vai |
babhūvāntarhitastrāsāt punaḥ sandarśanē:’bhavat || 3 ||
baddhāsirdhanurādāya pradudrāva yatō mr̥gaḥ |
taṁ sma paśyati rūpēṇa dyōtamānamivāgrataḥ || 4 ||
avēkṣyāvēkṣya dhāvantaṁ dhanuṣpāṇiṁ mahāvanē |
ativr̥ttamiṣōḥ pātāllōbhayānaṁ kadācana || 5 ||
śaṅkitaṁ tu samudbhrāntamutpatantamivāmbarē |
dr̥śyamānamadr̥śyaṁ ca vanōddēśēṣu kēṣucit || 6 ||
cinnābhrairiva saṁvītaṁ śāradaṁ candramaṇḍalam |
muhūrtādēva dadr̥śē muhurdūrātprakāśatē || 7 ||
darśanādarśanādēvaṁ sō:’pākarṣata rāghavam |
sudūramāśramasyāsya māricō mr̥gatāṁ gataḥ || 8 ||
āsīt kruddhastu kākutsthō vivaśastēna mōhitaḥ |
athāvatasthē sambhrāntaśchāyāmāśritya śādvalē || 9 ||
sa tamunmādayāmāsa mr̥garūpō niśācaraḥ |
mr̥gaiḥ parivr̥tō vanyairadūrāt pratyadr̥śyata || 10 ||
grahītukāmaṁ dr̥ṣṭvainaṁ punarēvābhyadhāvata |
tat-kṣaṇādēva santrāsāt punarantarhitō:’bhavat || 11 ||
punarēva tatō dūrādvr̥kṣaṣaṇḍādviniḥsr̥tam |
dr̥ṣṭvā rāmō mahātējāstaṁ hantuṁ kr̥taniścayaḥ || 12 ||
bhūyastu śaramuddhr̥tya kupitastatra rāghavaḥ |
sūryaraśmipratīkāśaṁ jvalantamarimardanaḥ || 13 ||
sandhāya sudr̥ḍhē cāpē vikr̥ṣya balavadbalī |
tamēva mr̥gamuddiśya śvasantamiva pannagam || 14 ||
mumōca jvalitaṁ dīptamastraṁ brahmavinirmitam |
śarīraṁ mr̥garūpasya vinirbhidya śarōttamaḥ || 15 ||
mārīcasyaiva hr̥dayaṁ vibhēdāśanisannibhaḥ |
tālamātramathōtplutya nyapatatsa śarāturaḥ || 16 ||
vinadanbhairavaṁ nādaṁ dharaṇyāmalpajīvitaḥ |
mriyamāṇastu mārīcō jahau tāṁ kr̥trimāṁ tanum || 17 ||
smr̥tvā tadvacanaṁ rakṣō dadhyau kēna tu lakṣmaṇam |
iha prasthāpayēt sītā śūnyē tāṁ rāvaṇō harēt || 18 ||
sa prāptakālamājñāya cakāra ca tataḥ svaram |
sadr̥śaṁ rāghavasyaiva hā sītē lakṣmaṇēti ca || 19 ||
tēna marmaṇi nirviddhaḥ śarēṇānupamēna ca |
mr̥garūpaṁ tu tattyaktvā rākṣasaṁ rūpamātmanaḥ || 20 ||
cakrē sa sumahākāyō mārīcō jīvitaṁ tyajan |
tatō vicitrakēyūraḥ sarvābharaṇabhūṣitaḥ || 21 ||
hēmamālī mahādaṁṣṭrō rākṣasō:’bhūccharāhataḥ |
taṁ dr̥ṣṭvā patitaṁ bhūmau rākṣasaṁ ghōradarśanam || 22 ||
rāmō rudhirasiktāṅgaṁ vēṣṭamānaṁ mahītalē |
jagāma manasā sītāṁ lakṣmaṇasya vacaḥ smaran || 23 ||
mārīcasyaiva māyaiṣā pūrvōktaṁ lakṣmaṇēna tu |
tattathā hyabhavaccādya mārīcō:’yaṁ mayā hataḥ || 24 ||
hā sītē lakṣmaṇētyēvamākruśya ca mahāsvanam |
mamāra rākṣasaḥ sō:’yaṁ śrutvā sītā kathaṁ bhavēt || 25 ||
lakṣmaṇaśca mahābāhuḥ kāmavasthāṁ gamiṣyati |
iti sañcintya dharmātmā rāmō hr̥ṣṭatanūruhaḥ || 26 ||
tatra rāmaṁ bhayaṁ tīvramāvivēśa viṣādajam |
rākṣasaṁ mr̥garūpaṁ taṁ hatvā śrutvā ca tatsvaram || 27 ||
nihatya pr̥ṣataṁ cānyaṁ māṁsamādāya rāghavaḥ |
tvaramāṇō janasthānaṁ sasārābhimukhastadā || 28 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē catuścatvāriṁśaḥ sargaḥ || 44 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
