Read in తెలుగు / ಕನ್ನಡ / தமிழ் / देवनागरी / English (IAST)
(తై.సం.౧-౮-౬-౧)
ప్ర॒తి॒పూ॒రు॒షమేక॑కపాలా॒న్ నిర్వ॑ప॒త్యేక॒మతి॑రిక్త॒o యావ॑న్తో గృ॒హ్యా”: స్మస్తేభ్య॒: కమ॑కరం పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్తం జు॑షస్వై॒ష తే॑ రుద్ర భా॒గః స॒హ స్వస్రాఽమ్బి॑కయా॒ తం జు॑షస్వ భేష॒జం గవేఽశ్వా॑య॒ పురు॑షాయ భేష॒జమథో॑ అ॒స్మభ్య॑o భేష॒జగ్ం సుభే॑షజ॒మ్ || ౧
// ప్రతి-పూరుషం, ఏక-కపాలాన్, నిర్, వపతి, ఏకం, అతి-రిక్తం, యావన్తః, గృహ్యాః, స్మః, తేభ్యః, కం, అకరం, పశూనాం, శర్మ, అసి, శర్మ, యజమానస్య, శర్మ, మే, యచ్ఛ, ఏకః, ఏవ, రుద్రః, న, ద్వితీయాయ, తస్థే, ఆఖుః, తే, రుద్ర, పశుః, తం, జుషస్వ, ఏషః, తే, రుద్ర, భాగః, సహ, స్వస్రా, అమ్బికయా, తం, జుషస్వ, భేషజం, గవే, అశ్వాయ, పురుషాయ, భేషజం, అథో, అస్మ-భ్యం, భేషజం, సు-భేషజమ్ //
యథాఽస॑తి | సు॒గం మే॒షాయ॑ మే॒ష్యా॑ అవా”మ్బ రు॒ద్రమ॑దిమ॒హ్యవ॑ దే॒వం త్ర్య॑మ్బకమ్ | యథా॑ న॒: శ్రేయ॑స॒: కర॒ద్యథా॑ నో॒ వస్య॑ స॒: కర॒ద్యథా॑ న॒: పశు॒మత॒: కర॒ద్యథా॑ నో వ్యవసా॒యయా”త్ | త్ర్య॑మ్బకం యజామహే సుగ॒న్ధిం పు॑ష్టి॒వర్ధ॑నమ్ | ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా”త్ | ఏ॒షతే॑ రుద్ర భా॒గస్తం జు॑షస్వ॒ తేనా॑వ॒సేన॑ ప॒రో మూజ॑వ॒తోఽతీ॒హ్యవ॑తత ధన్వా॒ పినా॑కహస్త॒: కృత్తి॑వాసాః || ౨
// యథా, అసతి, సు-గం, మేషాయ, మేష్యై, అవ, అమ్బ, రుద్రం, అదిమహి, అవ, దేవం, త్రి-అమ్బకం, యథా, నః, శ్రేయసః, కరత్, యథా, నః, వస్యస్యః, కరత్, యథా, నః, పశు-మతః, కరత్, యథా, నః, వి-అవసాయయాత్, త్రి-అమ్బకం, యజామహే, సు-గన్ధిం, పుష్టి-వర్ధనం, ఉర్వారుకం, ఇవ, బన్ధనాత్, మృత్యోః, ముక్షీయ, మా, అమృతాత్, ఏష, తే, రుద్ర, భాగః, తం, జుషస్వ, తేన, అవసేన, పరః, మూజ-వతః, అతి, ఇహి, అవతత-ధన్వా, పినాక-హస్తః, కృత్తి-వాసాః -//
(తై.బ్రా.౧-౬-౧౦)
ప్ర॒తి॒పూ॒రు॒షమేక॑కపాలా॒న్నిర్వ॑పతి | జా॒తా ఏ॒వ ప్ర॒జా రు॒ద్రాన్ని॒రవ॑దయతే | ఏక॒మతి॑రిక్తమ్ | జ॒ని॒ష్యమా॑ణా ఏ॒వ ప్ర॒జా రు॒ద్రాన్ని॒రవ॑దయతే | ఏక॑కపాలా భవన్తి | ఏ॒క॒ధైవ రు॒ద్రం ని॒రవ॑దయతే | నాభిఘా॑రయతి | యద॑భిఘా॒రయే”త్ | అ॒న్త॒ర॒వ॒చా॒రిణగ్॑o రు॒ద్రం కు॑ర్యాత్ | ఏ॒కో॒ల్ము॒కేన॑ యన్తి || ౧ ||
// ప్రతిపూరుషం, ఏక-కపాలాన్, నిర్-వపతి, జాతా ఏవ, ప్రజా, రుద్రాన్, నిరవదయతే, ఏకం, అతిరిక్తం, జనిష్యమాణా, ఏవ, ప్రజా, రుద్రాన్, నిరవదయతే, ఏక-కపాలా, భవన్తి, ఏకధా, ఇవ, రుద్రం, నిరవదయతే, న, అభిధారయతి, యత్, అభిధారయేత్, అన్తః, అవచారిణం, ఏకోల్ముకేన, యన్తి //
తద్ధి రు॒ద్రస్య॑ భాగ॒ధేయ”మ్ | ఇ॒మాం దిశ॑o యన్తి | ఏ॒షా వై రు॒ద్రస్య॒ దిక్ | స్వాయా॑మే॒వ ది॒శి రు॒ద్రం ని॒రవ॑దయతే | రు॒ద్రో॒ వా అ॑ప॒శుకా॑యా॒ ఆహు॑త్యై॒ నాతి॑ష్ఠత | అ॒సౌ తే॑ ప॒శురితి॒ నిర్ది॑శే॒ద్యం ద్వి॒ష్యాత్ | యమే॒వ ద్వేష్టి॑ | తమ॑స్మై ప॒శుం నిర్ది॑శతి | యది॒ న ద్వి॒ష్యాత్ | ఆ॒ఖుస్తే॑ ప॒శురితి॑ బ్రూయాత్ || ౨ ||
// తత్, హి, రుద్రస్య, భాగధేయం, ఇమాం, దిశం, యన్తి, ఏషా, వై, రుద్రస్య, దిక్, స్వ, అయం, ఏవ, దిశి, రుద్రం, నిరవదయతే, రుద్రః, వా, అపశుకయా, ఆహుత్యై, నాతిష్ఠత, అసౌ, తే, పశుః, ఇతి, నిర్దిశేత్, యం, ద్విష్యాత్, యం, ఏవ, ద్వేష్టి, తం, అస్మై, పశుం, నిర్దిశతి, యది, న, ద్విష్యాత్, ఆఖుః, తే, పశుః, ఇతి, బ్రూయాత్ //
న గ్రా॒మ్యాన్ ప॒శూన్ హి॒నస్తి॑ | నార॒ణ్యాన్ | చ॒తు॒ష్ప॒థే జు॑హోతి | ఏ॒ష వా అ॑గ్నీ॒నాం పడ్బీ॑శో॒ నామ॑ | అ॒గ్ని॒వత్యే॒వ జు॑హోతి | మ॒ధ్య॒మేన॑ ప॒ర్ణేన॑ జుహోతి | స్రు॒గ్ఘ్యే॑షా | అథో॒ ఖలు॑ | అ॒న్త॒మేనై॒వ హో॑త॒వ్య”మ్ | అ॒న్త॒త॒ ఏ॒వ రు॒ద్రం ని॒రవ॑దయతే || ౩ ||
// న, గ్రామ్యాన్, పశూన్, హినస్తి, న, అరణ్యాన్, చతుష్పథే, జుహోతి, ఏష, వా, అగ్నీనాం, పడ్బీశః, నామ, అగ్నివతి, ఇవ, జుహోతి, మధ్యమేన, పర్ణేన, జుహోతి, స్రుక్ధి, ఏషా, అథః, ఖలు, అన్తమేన, ఏవ, హోతవ్యం, అన్తతః, ఏవ, రుద్రం, నిరవదయతే //
ఏ॒ష తే॑ రుద్ర భా॒గః స॒హస్వస్రాఽమ్బి॑క॒యేత్యా॑హ | శ॒రద్వా అ॒స్యామ్బి॑కా॒ స్వసా” | తయా॒ వా ఏ॒ష హి॑నస్తి | యగ్ం హి॒నస్తి॑ | తయై॒వైనగ్॑o స॒హ శ॑మయతి | భే॒ష॒జం గవ॒ ఇత్యా॑హ | యావ॑న్త ఏ॒వ గ్రా॒మ్యాః ప॒శవ॑: | తేభ్యో॑ భేష॒జం క॑రోతి | అవా”మ్బ రు॒ద్రమ॑దిమ॒హీత్యా॑హ | ఆ॒శిష॑మే॒వైతామా శా”స్తే || ౪ ||
// ఏష, తే, రుద్ర, భాగః, సహ, స్వస్రా, అమ్బికయ, ఇత్యాహ, శరత్, వా, అస్య, అమ్బికయా, స్వసా, తయా, వా, ఏష, హినస్తి, యం, హినస్తి, తయా, ఇవ, ఏనం, సహ, శమయతి, భేషజం, గవ, ఇత్యాహ, యావన్త, ఏవ, గ్రామ్యాః, పశవః, తేభ్యః, భేషజం, కరోతి, అవ, అమ్బ, రుద్రం, అది-మహి, ఇత్యాహ, ఆశిషం, ఏవ, ఏతాం, ఆ, శాస్తే //
త్ర్య॑మ్బకం యజామహ॒ ఇత్యా॑హ | మృ॒త్యోర్ము॑క్షీయ॒ మాఽమృతా॒దితి॒ వావైతదా॑హ | ఉత్కి॑రన్తి | భగ॑స్య లీప్సన్తే | మూతే॑ కృ॒త్వాఽఽస॑జన్తి | యథా॒ జన॑o య॒తే॑ఽవ॒సం క॒రోతి॑ | తా॒దృగే॒వ తత్ | ఏ॒ష తే॑ రుద్ర భా॒గ ఇత్యా॑హ ని॒రవ॑త్త్యై | అప్ర॑తీక్ష॒మాయ॑న్తి | అప॒: పరి॑షిఞ్చతి | రు॒ద్రస్యా॒న్తర్హి॑త్యై | ప్ర వా ఏ॒తే”ఽస్మాల్లో॒కాచ్చ్య॑వన్తే | యే త్ర్య॑మ్బకై॒శ్చర॑న్తి | ఆ॒ది॒త్యం చ॒రుం పున॒రేత్య॒ నిర్వ॑పతి | ఇ॒యం వా అది॑తిః | అ॒స్యామే॒వ ప్రతి॑ తిష్ఠన్తి || ౫ ||
// త్రి-అమ్బకం, యజామహ, ఇత్యాహ, మృత్యోః, ముక్షీయ, మా, అమృతాత్, ఇతి, వా, వై, తదాహ, ఉత్కిరన్తి, భగస్య, లీప్సన్తే, మూతే, కృత్వా, ఆసజన్తి, యథా, జనం, యతేవసం, కరోతి, తాదృక్, ఏవ, తత్, ఏష, తే, రుద్ర, భాగ, ఇత్యాహ, నిరవత్యై, అప్రతీక్షం, ఆయన్తి, అపః, పరిషిఞ్చతి, రుద్రస్య, అన్తః, హిత్యై, ప్ర, వా, ఏతే, అస్మాన్, లోకాత్, చ్యవన్తే, యే, త్రి-అమ్బకైః, చరన్తి, ఆదిత్యం, చరుం, పునరేత్య, నిర్వపతి, ఇయం, వా, అదితిః, అస్యాం, ఏవ, ప్రతితిష్టన్తి //
(ఋ.వే.౧౦-౧౭౦-౧)
వి॒భ్రాడ్బృ॒హత్పి॑బతు సో॒మ్యం మధ్వాయు॒ర్దధ॑ద్య॒జ్ఞప॑తా॒వవి॑హ్రుతమ్ |
వాత॑జూతో॒ యో అ॑భి॒రక్ష॑తి॒ త్మనా” ప్ర॒జాః పు॑పోష పురు॒ధా వి రా”జతి ||
// విభ్రాట్, బృహత్, పిబతు, సోమ్యం, మధు, ఆయుః, దధత్, యజ్ఞపతౌ, అవిహ్రుతం, వాతజూతః, యః, అభిరక్షతి, త్మనా, ప్రజాః, పుపోష, పురుధా, వి, రాజతి //
ఓం నమో భగవతే॑ రుద్రా॒య | ప్రతిపూరుషం ప్రతిపూరుషం విభ్రాడితి నేత్రత్రయాయ వౌషట్ ||
సంపూర్ణ మహాన్యాస సూచిక చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
