Read in తెలుగు / ಕನ್ನಡ / தமிழ் / देवनागरी / English (IAST)
విమోహితోఽయం జన ఈశమాయయా
త్వదీయయా త్వాం న భజత్యనర్థదృక్ |
సుఖాయ దుఃఖప్రభవేషు సజ్జతే
గృహేషు యోషిత్పురుషశ్చ వంచితః || ౧ ||
లబ్ధ్వా జనో దుర్లభమత్ర మానుషం
కథంచిదవ్యంగమయత్నతోఽనఘ |
పాదారవిందం న భజత్యసన్మతి-
-ర్గృహాంధకూపే పతితో యథా పశుః || ౨ ||
మమైష కాలోఽజిత నిష్ఫలో గతో
రాజ్యశ్రియోన్నద్ధమదస్య భూపతేః |
మర్త్యాత్మబుద్ధేః సుతదారకోశభూ-
-ష్వాసజ్జమానస్య దురంతచింతయా || ౩ ||
కలేవరేఽస్మిన్ ఘటకుడ్యసన్నిభే
నిరూఢమానో నరదేవ ఇత్యహమ్ |
వృతో రథేభాశ్వపదాత్యనీకపై-
-ర్గాం పర్యటంస్త్వాగణయన్ సుదుర్మదః || ౪ ||
ప్రమత్తముచ్చైరితికృత్యచింతయా
ప్రవృద్ధలోభం విషయేషు లాలసమ్ |
త్వమప్రమత్తః సహసాభిపద్యసే
క్షుల్లేలిహానోఽహిరివాఖుమంతకః || ౬ ||
పురా రథైర్హేమపరిష్కృతైశ్చరన్
మతంగజైర్వా నరదేవసంజ్ఞితః |
స ఏవ కాలేన దురత్యయేన తే
కలేవరో విట్కృమిభస్మసంజ్ఞితః || ౭ ||
నిర్జిత్య దిక్చక్రమభూతవిగ్రహో
వరాసనస్థః సమరాజవందితః |
గృహేషు మైథున్యసుఖేషు యోషితాం
క్రీడామృగః పూరుష ఈశ నీయతే || ౮ ||
కరోతి కర్మాణి తపఃసునిష్ఠితో
నివృత్తభోగస్తదపేక్షయా దదత్ |
పునశ్చ భూయేయమహం స్వరాడితి
ప్రవృద్ధతర్షో న సుఖాయ కల్పతే || ౯ ||
భవాపవర్గో భ్రమతో యదా భవే-
-జ్జనస్య తర్హ్యచ్యుత సత్సమాగమః |
సత్సంగమో యర్హి తదైవ సద్గతౌ
పరావరేశే త్వయి జాయతే మతిః || ౧౦ ||
మన్యే మమానుగ్రహ ఈశ తే కృతో
రాజ్యానుబంధాపగమో యదృచ్ఛయా |
యః ప్రార్థ్యతే సాధుభిరేకచర్యయా
వనం వివిక్షద్భిరఖండభూమిపైః || ౧౧ ||
న కామయేఽన్యం తవ పాదసేవనా-
-దకించనప్రార్థ్యతమాద్వరం విభో |
ఆరాధ్య కస్త్వాం హ్యపవర్గదం హరే
వృణీత ఆర్యో వరమాత్మబంధనమ్ || ౧౨ ||
తస్మాద్విసృజ్యాశిష ఈశ సర్వతో
రజస్తమః సత్త్వగుణానుబంధనాః |
నిరంజనం నిర్గుణమద్వయం పరం
త్వాం జ్ఞప్తిమాత్రం పురుషం వ్రజామ్యహమ్ || ౧౩ ||
చిరమిహ వృజినార్తస్తప్యమానోఽనుతాపై-
-రవితృషషడమిత్రోఽలబ్ధశాంతిః కథంచిత్ |
శరణద సముపేతస్త్వత్పదాబ్జం పరాత్మన్
అభయమృతమశోకం పాహి మాఽఽపన్నమీశ || ౧౪ ||
ఇతి శ్రీమద్భాగవతే దశమస్కంధే ఏకపంచాశత్తమోఽధ్యాయే ముచుకుందస్తుతిర్నామ శ్రీ కృష్ణ స్తోత్రమ్ ||
మరిన్ని శ్రీ కృష్ణ స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
