Sri Jwalamukhi Ashtakam – శ్రీ జ్వాలాముఖి అష్టకం


జాలంధరావనివనీనవనీరదాభ-
-ప్రోత్తాలశైలవలయాకలితాధివాసామ్ |
ఆశాతిశాయిఫలకల్పనకల్పవల్లీం
జ్వాలాముఖీమభిముఖీభవనాయ వందే || ౧ ||

జ్యేష్ఠా క్వచిత్ క్వచిదుదారకలా కనిష్ఠా
మధ్యా క్వచిత్ క్వచిదనుద్భవభావభవ్యా |
ఏకాప్యనేకవిధయా పరిభావ్యమానా
జ్వాలాముఖీ సుముఖభావమురీకరోతు || ౨ ||

అశ్రాంతనిర్యదమలోజ్వలవారిధారా
సంధావ్యమానభవనాంతరజాగరూకా |
మాతర్జ్వలజ్జ్వలనశాంతశిఖానుకారా
రూపచ్ఛటా జయతి కాచన తావకీనా || ౩ ||

మన్యే విహారకుతుకేషు శివానురూపం
రూపం న్యరూపి ఖలు యత్సహసా భవత్యా |
తత్సూచనార్థమిహ శైలవనాంతరాలే
జ్వాలాముఖీత్యభిధయా స్ఫుటముచ్యసేఽద్య || ౪ ||

సత్యా జ్వలత్తనుసముద్గతపావకార్చి-
-ర్జ్వాలాముఖీత్యభిమృశంతి పురాణమిశ్రాః |
ఆస్తాం వయం తు భజతాం దురితాని దగ్ధుం
జ్వాలాత్మనా పరిణతా భవతీతి విద్మః || ౫ ||

యావత్ త్వదీయచరణాంబుజయోర్న రాగ-
-స్తావత్ కుతః సుఖకరాణి హి దర్శనాని |
ప్రాక్ పుణ్యపాకబలతః ప్రసృతే తు తస్మిన్
నాస్త్యేవ వస్తు భువనే సుఖకృన్న యత్ స్యాత్ || ౬ ||

ఆత్మస్వరూపమిహ శర్మసరూపమేవ
వర్వర్తి కింతు జగదంబ న యావదేతత్ |
ఉద్ఘాట్యతే కరుణయా గురుతాం వహంత్యా
తావత్ సుఖస్య కణికాపి న జాయతేఽత్ర || ౭ ||

ఆస్తాం మతిర్మమ సదా తవ పాదమూలే
తాం చాలయేన్న చపలం మన ఏతదంబ |
యాచే పునః పునరిదం ప్రణిపత్య మాత-
-ర్జ్వాలాముఖి ప్రణతవాంఛితసిద్ధిదే త్వామ్ || ౮ ||

ఇతి శ్రీ జ్వాలాముఖీ అష్టకమ్ ||


మరిన్ని దేవీ స్తోత్రాలు చూడండి.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed