Read in తెలుగు / ಕನ್ನಡ / தமிழ் / देवनागरी / English (IAST)
అస్య శ్రీ దక్షిణామూర్తి హృదయ స్తోత్ర మహామంత్రస్య బ్రహ్మా ఋషిః గాయత్రీ ఛందః శ్రీ దక్షిణామూర్తిర్దేవతా శ్రీదక్షిణామూర్తిప్రీత్యర్థే జపే వినియోగః ||
ఆమిత్యాది కరహృదయాదిన్యాసః |
ధ్యానమ్ –
భస్మవ్యాపాండురాంగః శశిశకలధరో జ్ఞానముద్రాక్షమాలా-
-వీణాపుస్తైర్విరాజత్కరకమలధరో యోగపట్టాభిరామః |
వ్యాఖ్యాపీఠేనిషణ్ణో మునివరనికరైః సేవ్యమానః ప్రసన్నః
సవ్యాళః కృత్తివాసాః సతతమవతు నో దక్షిణామూర్తిరీశః ||
లమితి పంచపూజా |
– హృదయమ్ –
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వినావధీతమస్తు | మా విద్విషావహై | ఓం శాంతిః శాంతిః శాంతిః ||
నారదమునిర్బ్రహ్మాణం ప్రత్యాహ | మత్తాత లోకేశ నమస్కరోమి | ధాతారం త్వా శిరసా | మనసా వేత్సి శ్రీ దక్షిణామూర్తి హృదయం శ్రోతుమిచ్ఛామి త్వన్ముఖాంబుజాత్ | సత్కృపయా వద బ్రహ్మన్ | గురూపాసకస్య దేవో భాసకః | నాస్త్యన్యః సత్యః తస్మాద్ధృదయం వదామీత్యాహ ప్రజాపతిః | మునే ఇదం సంసృష్టం ఋగ్యజుః సామాథర్వణోపనిషత్ సూక్తం హృదయమితి గాయంతే చతుః షష్టి కళావిద్యాః | యద్ధృదయం తవ వక్తేతి ధ్యాత్వా | భక్త్యా శ్రద్ధయా గురుమాదిపూరుషం | గురుః సంతుష్టో భవతి | హృదయం వక్తుం క్షమో భవతీతి | ధ్యానాద్విరరామ | అసౌ హృదయమిత్యాహ | ఆకాశశరీరం బ్రహ్మేతి జ్యోతిర్జాయతే | అథ వాఽస్యాధ్యాత్మగోచరం భవతి | అథ పిండాకృతిః | దక్షిణాభిముఖో వటస్థితో లీలార్థం పురుషాకృతిర్భజతే | స్వరూపాఖ్యో బోధయతి | అణోరణీయానితి శ్రుత్యా గురుమూర్తిః స్మృతః | ప్రణవం ప్రథమమన్యద్వేదాః చత్వారో విద్యాశ్చతుష్షష్టిః జ్ఞానం | సత్యం తపః శమః | ధర్మో దమః | శ్రద్ధా భక్తిః | ప్రజ్ఞా మాయా ఇత్యాదయో బహవో జాయంతే | అపరిచ్ఛేద్యమయః | అవయవేషు కిం భవతి | అహం దక్షిణో విష్ణుః సవ్యభాగః | మధ్యమః శివః | త్రిమూర్తిః సంపృక్తో దక్షిణామూర్తిః | అథ త్రిమూర్తయః | సాత్త్విక రాజస తామసాః | తస్యైవ కథం అహం రజః | సాత్త్వికో విష్ణుః | తామసః శివః | ఉమా శక్తిరూపం | కిం వినియోగః | అహం స్రష్టా | విష్ణుర్గోప్తా | శివో హంతా | బ్రహ్మ విష్ణు శివాత్మకో గురుః వేదాంతే చ ప్రతిష్ఠితః | రోమస్థాః శిరసో వేదాః ప్రవర్తంతే మునయో గాత్రరోమజాః | ముఖాశ్చతుర్వేదాశ్చతుఃషష్టికళాః సప్తకోటి మహామంత్రాః | ముఖాద్ర్బాహ్మణో భవతి | బాహ్వో రాజన్యః | ఊర్వోర్వైశ్యః | పద్భ్యాగ్ం శూద్రో అజాయత | చంద్రమా మనసో జాతః | తథా లోకాగ్ం అకల్పయన్ | అర్క వహ్ని ద్విజాధిప చక్షూంష్యాస్యే వర్తంతే | గిరో వేదాః | రజసం అస మలినం | రేతో హిరణ్యం | పృష్ఠభాగాచ్ఛుక్రశిష్యా వర్తంతే | జిహ్వాయాం కిన్నరాః | దంతాః పితరః | సాధ్యాః జటాః | యక్షాః ఆస్యే | స్వేదాద్వీరభటాః | పదోః త్రిస్రోతా వర్తతో | శాస్య మౌళిమాలా | జంఘాద్ధరా | గావః పాదాంగుష్ఠాత్ | కిమస్యాయుధం | మేరుర్భవతి | శేషోఽస్యతల్పః | కటకోఽనంతః | యజ్ఞసూత్రం వాసుకిః | కటిసూత్రం తక్షకః | హారః కర్కటకో భవతి | పద్మకః కుండలః | మహస్తాటంకం | ఋక్షా మాలాభవంతి | భస్మ చ చందనం | శిరోమణిః కౌస్తుభం | అపస్మారః పాశోఽస్య | ఫాలాక్షివీక్షణాత్ కామోఽనంగో భవతి | త్రిపురం చ యమః | పాదాత్తాడితః | వామబాహ్వోః పుస్తకం వహ్నిః | దక్షిణయోశ్చిన్ముద్రా సుధాఘటః | రూపం పరబ్రహ్మ | అంబరం దిక్ | శుక్లవర్ణం | సదానందో భవతి | వట ఆధారోఽస్య | ప్రళయచ్ఛిదా దక్షిణామూర్తిః | పరబ్రహ్మతత్త్వం | జ్ఞానమూర్తిః | పరః యచ్చ కించిజ్జగత్సర్వం దృశ్యతే శ్రూయతేఽపి వా | అంతర్బహిశ్చ తత్సర్వం వ్యాప్య దక్షిణామూర్తిః స్థితః నమో నమః కారణకారణాయ నమో నమో మంగళ మంగళాత్మనే | నమో నమో వేదవిదాం మనీషిణే ఉపాసనీయాయ చ వై నమో నమః | ఈశానః సర్వవిద్యానామీశ్వరః సర్వభూతానాం బ్రహ్మాధిపతిర్బ్రహ్మణోఽధిపతిర్బ్రహ్మా శివో మే అస్తు సదాశివోం | హిరణ్యబాహుం పశూనాం పతిం అంబికాయాశ్చ నమస్కరోమి | మహాజ్ఞానం జ్ఞానమూర్తిం నమస్కరోమి | తత్త్వమూర్తిం తత్త్వమద్వయం బ్రహ్మాణం నమస్కరోమి | వేదవేద్యం స్వామినం విద్యాదాయినం నమస్కరోమి | జ్ఞాననాథం జగద్గురుం మోక్షదం నమస్కరోమి | స్వయంప్రకాశం తపోగుహ్యం నమస్కరోమి | కాలకాలాంతకం భవచ్ఛేత్తారం నమస్కరోమి | భస్మభూషం శుద్ధం స్మరహంతారం నమస్కరోమి | వటమూలనివాసినం హృదయస్థం దక్షిణామూర్తిం నమస్కరోమి | శశిమౌళినం ధూర్జటిం గంగాధరం నమస్కరోమి | మహాదేవం గురుం దేవదేవం నమస్కరోమి | లోకేశం చిరం పరమాత్మానం నమస్కరోమి | వృషభవాహనం శివం విద్యారూపిణం నమస్కరోమి | ఆనందదం యోగపీఠం పరమానందం నమస్కరోమి | శితికంఠం రౌద్రం సహస్రాక్షం నమస్కరోమి | భక్తసేవ్యం శంభుమర్ధనారీశ్వరం నమస్కరోమి | సుధాపాణినం శివం కృపానిధిం నమస్కరోమి ||
నమో నమో జ్ఞానవిభూషణాయ నమో నమో భోగనిర్వాణహేతవే | నమో నమః పరమపురుషాయ తుభ్యం నమో నమో యోగగమ్యాయ తే నమః | నమో నమో విశ్వసృజే తు తుభ్యం నమో నమో విశ్వగోప్త్రే చ తే నమః | నమో నమో విశ్వహర్త్రే పరస్మై నమో నమస్తత్త్వమయాయ తే నమః | నమో నమో దక్షిణామూర్తయే పరస్మై నమో నమో గురురూపాయ తే నమః | నమో నమో భక్తిగమ్యాయ తుభ్యం నమో నమో భక్తసేవ్యాయ తే నమః ||
య ఇదం హృదయం శంభోర్బ్రాహ్మణః ప్రయతః పఠేత్ | చతుర్వేద షట్ఛాస్త్రవిద్భవతి | చతుష్షష్టి కళావిద్యా పారగో భవతి | ఆత్మానం వేదయతి | ఋగ్యజుః సామాథర్వణ శీక్షా వ్యాకరణ శ్రౌత స్మార్త మహాస్మృతయో గౌతమధర్మాదయ ఉపనిషన్నాటకాలంకార చూర్ణికా గద్య కవితా దయః మహాభాష్య వేదాంత తర్క భాట్ట ప్రభాకర భరత శాస్త్ర మంత్రాగమాశ్వ గో గజశాస్త్రాణీత్యాదయః సర్వాశ్చతుష్షష్టివిద్యాస్తస్య వాచి ఏవ నృత్యం తే | దేవైః సర్వైః సేవితో భవతి | ఏతద్ధృదయం బ్రాహ్మణాన్ సమ్యగ్గ్రాహయేత్ | సోఽపి నిర్వాణభూతః స్యాత్ | పక్షస్యైకవారం యో విప్రః ప్రయతః పఠేత్ | తత్పక్షకృతపాపాన్ముక్తో భవతి | మాసస్యైకవారం యో విప్రః ప్రయతః పఠేత్ | తన్మాసకృతపాపాన్ముక్తో భవతి | అథవా వర్షస్యైకవారం యో విప్రః ప్రయతః పఠేత్ | తద్వర్షకృతపాపాన్ముక్తో భవతి | అథవా జన్మన్యేకవారం యో విప్రః ప్రయతః పఠేత్ | తజ్జన్మకృతపాపాన్ముక్తో భవతి | మోక్షం ప్రయాతి | ఏతద్ధృదయం బ్రాహ్మణత్రయం ధారయేత్ | విశిష్టః సమానానాం భవతి | గుర్వంతేవాసినౌ సమౌ భవతః | గురోః సాయుజ్యమవాప్నోతి | బంధుభిః సహ వాక్యైకవాక్యార్థప్రయతో ధారయేత్ | గురోర్నహీయత ఇత్యాహ భగవాన్ అథర్వేశ్వర బ్రాహ్మణాన్ ||
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వినావధీతమస్తు | మా విద్విషావహై | ఓం శాంతిః శాంతిః శాంతిః ||
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
