Read in తెలుగు / ಕನ್ನಡ / தமிழ் / देवनागरी / English (IAST)
శ్రీరుద్రాయ నమః శుద్ధోదకేన స్నపయామి |
(తై.సం.౫-౬-౧)
హిర॑ణ్యవర్ణా॒: శుచ॑యః పావ॒కా యాసు॑ జా॒తః క॒శ్యపో॒ యాస్విన్ద్ర॑: |
అ॒గ్నిం యా గర్భ॑o దధి॒రే విరూ॑పా॒స్తా న॒ ఆప॒: శగ్గ్ స్యో॒నా భ॑వన్తు || ౧
// హిరణ్య-వర్ణాః, శుచయః, పావకాః, యసు, జాతః, కశ్యపః, యాసు, ఇన్ద్రః, అగ్నిం, యాః, గర్భం, దధిరే, వి-రూపాః, తాః, నః, ఆపః, శం, స్యోనాః, భవన్తు //
యాసా॒గ్॒o రాజా॒ వరు॑ణో॒ యాతి॒ మధ్యే॑ సత్యానృ॒తే అ॑వ॒పశ్య॒ఞ్జనా॑నామ్ |
మ॒ధు॒శ్చుత॒: శుచ॑యో॒ యాః పా॑వ॒కాస్తా న॒ ఆప॒: శగ్గ్ స్యో॒నా భ॑వన్తు || ౨
// యాసాం, రాజా, వరుణః, యాతి, మధ్యే, సత్య-అనృతే, అవ-పశ్యన్, జనానాం, మధు-శ్చుతః, శుచయః, యాః, పావకాః, తాః, నః, ఆపః, శం, స్యోనా, భవన్తు //
యాసా”o దే॒వా ది॒వి కృ॒ణ్వన్తి॑ భ॒క్షం యా అ॒న్తరి॑క్షే బహు॒ధా భవ॑న్తి |
యాః పృ॑థి॒వీం పయ॑సో॒న్దన్తి॑ శు॒క్రాస్తా న॒ ఆప॒: శగ్గ్ స్యో॒నా భ॑వన్తు || ౩
// యాసాం, దేవాః, దివి, కృణ్వన్తి, భక్షం, యాః, అన్తరిక్షే, బహు-ధా, భవన్తి, యాః, పృథివీం, పయసా, ఉన్దన్తి, శుక్రాః, తాః, నః, ఆపః, శం, స్యోనా, భవన్తు //
శి॒వేన॑ మా॒ చక్షు॑షా పశ్యతాపః శి॒వయా॑ త॒నువోఽప॑ స్పృశత॒ త్వచ॑o మే |
సర్వాగ్॑o అ॒గ్నీగ్ం ర॑ఫ్సు॒షదో॑ హువే వో॒ మయి॒ వర్చో॒ బల॒మోజో॒ నిధ॑త్త || ౪
// శివేన, మా, చక్షుషా, పశ్యత, ఆపః, శివయా, తనువా, ఉప, స్పృశత, త్వచం, మే, సర్వాన్, అగ్నీన్, అఫ్సు-సదః, హువే, వః, మయి, వర్చః, బలం, ఓజో, ని, ధత్త //
యద॒దః స॑oప్రయ॒తీరహా॒వన॑దతాహ॒ తే |
తస్మా॒దా న॒ద్యో॑ నామ॑ స్థ॒ తా వో॒ నామా॑ని సిన్ధవః || ౫
// యత్, అదః, సం-ప్రయతీః, అహౌ, అనదత, హతే, తస్మాత్, ఆ, నద్యః, నామ, స్థ, తా, వః, నామాని, సిన్ధవః //
యత్ప్రేషి॑తా॒ వరు॑ణే॒న తాః శీభగ్॑o స॒మవ॑ల్గత |
తదా”ప్నో॒దిన్ద్రో॑ వో య॒తీస్తస్మా॒దాపో॒ అను॑స్థన || ౬
// యత్, ప్ర-ఇషితాః, వరుణేన, తాః, శీభం, సం-అవల్గత, తత్, ఆప్నోత్, ఇన్ద్రః, వః, యాతీః, తస్మత్, ఆపః, అను, స్థాన //
అ॒ప॒కా॒మగ్ స్యన్ద॑మానా॒ అవీ॑వరత వో॒ హి క”మ్ |
ఇన్ద్రో॑ వ॒: శక్తి॑భిర్దేవీ॒స్తస్మా॒ద్వార్ణామ॑ వో హి॒తమ్ || ౭
// అప-కామం, స్యన్దమానాః, అవీవరత, వః, హికం, ఇన్ద్రః, వః, శక్తి-భిః, దేవీః, తస్మాత్, వాః, నామ, వః, హితం //
ఏకో॑ దే॒వో అప్య॑తిష్ఠ॒త్స్యన్ద॑మానా యథావ॒శమ్ |
ఉదా॑నిషుర్మ॒హీరితి॒ తస్మా॑దుద॒కము॑చ్యతే || ౮
// ఏకః, దేవః, అపి, అతిష్ఠత్, స్యన్దమానాః, యథా-వశం, ఉత్, ఆనుషుః, మహీః, ఇతి, తస్మాత్, ఉదకం, ఉచ్యతే //
ఆపో॑ భ॒ద్రా ఘృ॒తమిదాప॑ ఆసుర॒గ్నీషోమౌ॑ బిభ్ర॒త్యా॒ప॒ ఇత్తాః |
తీ॒వ్రో రసో॑ మధు॒పృచా॑o అ॒ర॒oగ॒మ ఆ మా” ప్రా॒ణేన॑ స॒హ వర్చ॑సా గన్ || ౯
// ఆపః, భద్రాః, ఘృతం, ఇత్, ఆపః, ఆసుః, అగ్నీ-సోమౌ, బిభ్రతి, ఆపః, ఇత్, తాః, తీవ్రః, రసః, మధు-పృచాం, అరంగమః, ఆ, మా, ప్ర-అనేన, సహ, వర్చసా, గన్ //
ఆదిత్ప॑శ్యామ్యు॒త వా॑ శృణో॒మ్యా మా॒ ఘోషో॑ గచ్ఛతి॒ వాఙ్న॑ ఆసామ్ |
మన్యే॑ భేజా॒నో అ॒మృత॑స్య॒ తర్హి॒ హిర॑ణ్యవర్ణా॒ అతృ॑పం య॒దా వ॑: || ౧౦
// ఆత్, ఇత్, పశ్యామి, ఉత, వా, శృణోమి, ఆ, మా, ఘోషః, గచ్ఛతి, వాక్, నః, ఆసాం, మన్యే, భేజానః, అమృతస్య, తర్హి, హిరణ్య-వర్ణాః, అతృపం, యదా, వః //
ఆపో॒ హి ష్ఠా మ॑యో॒భువ॒స్తా న॑ ఊ॒ర్జే ద॑ధాతన |
మ॒హే రణా॑య॒ చక్ష॑సే || ౧౧
యో వ॑: శి॒వత॑మో॒ రస॒స్తస్య॑ భాజయతే॒హ న॑: |
ఉ॒శ॒తీరి॑వ మా॒త॑రః || ౧౨
తస్మా॒ అర॑o గమామ వో॒ యస్య॒ క్షయా॑య॒ జిన్వ॑థ |
ఆపో॑ జ॒నయ॑థా చ నః || ౧౩
// ఆపః, హి, స్థ, మయః-భువః, తాః, నః, ఊర్జే, దధాతన, మహే, రణాయ, చక్షసే, యః, వః, శివ-తమః, రసః, తస్య, భాజయత, ఇహ, నః, ఉశతీః, ఇవ, మాతరః, తస్మై, అరం, గమామ, వః, యస్య, క్షయాయ, జిన్వథ, ఆపః, జనయథ, చ, నః //
ది॒వి శ్ర॑యస్వా॒న్తరి॑క్షే యతస్వ పృథి॒వ్యా సం భ॑వ బ్రహ్మవర్చ॒సమ॑సి బ్రహ్మవర్చ॒సాయ॑ త్వా || ౧౪
// దివి, శ్రయస్వ, అన్తరిక్షే, యతస్వ, పృథివ్యా, సం, భవ, బ్రహ్మవర్చసం, అసి, బ్రహ్మవర్చసాయ, త్వా //
(తై.సం.౫-౬-౨)
అ॒పాం గ్రహా”న్గృహ్ణాత్యే॒తద్వావ రా॑జ॒సూయ॒o యదే॒తే గ్రహా”: స॒వో”ఽగ్నిర్వ॑రుణస॒వో రా॑జ॒సూయ॑మగ్నిస॒వశ్చిత్య॒స్తాభ్యా॑మే॒వ సూ॑య॒తేఽథో॑ ఉ॒భావే॒వ లో॒కావ॒భి జ॑యతి॒ యశ్చ॑ రాజ॒సూయే॑నేజా॒నస్య॒ యశ్చా”గ్ని॒చిత॒ ఆపో॑ భవ॒న్త్యాపో॒ వా అ॒గ్నేర్భ్రాతృ॑వ్యా॒ యద॒పో”ఽగ్నేర॒ధస్తా॑దుప॒దధా॑తి॒ భ్రాతృ॑వ్యాభిభూత్యై॒ భవ॑త్యా॒త్మనా॒ పరా”ఽస్య॒ భ్రాతృ॑వ్యో భవత్య॒మృత॑o వా ఆప॒స్తస్మా॑ద॒ద్భిరవ॑తాన్తమ॒భిషి॑ఞ్చన్తి॒ నాఽఽర్తి॒మార్ఛ॑తి॒ సర్వ॒మాయు॑రేతి॒ ||
// అపాం, గ్రహాన్, గృహ్ణాతి, ఏతత్, వావ, రాజ-సూయం, యత్, ఏతే, గ్రహాః, సవః, అగ్నిః, వరుణ-సవః, రాజ-సూయం, అగ్ని-సవః, చిత్యః, తాభ్యాం, ఏవ, సూయతే, అథో, ఉభౌ, ఏవ, లోకౌ, అభీతి, జయతి, యః, చ, రాజ-సూయేన, ఈజానస్య, యః, చ, అగ్ని-చితః, ఆపః, భవన్తి, ఆపః, వై, అగ్నేః, భ్రాతృవ్యాః, యత్, ఆపః, అగ్నేః, అధస్తాత్, ఉప-దధాతి, భ్రాతృవ్య-అభిభూత్యై, భవతి, ఆత్మనా, పరా, అస్య, భ్రాతృవ్యః, భవతి, అమృతం, వై, ఆపః, తస్మాత్, అత్-భిః, అవ-తాన్తాం, అభి, సిఞ్చన్తి, న, ఆర్తిం, అ, ఋచ్ఛతి, సర్వం, ఆయుః, ఏతి //
(తై.బ్రా.౧-౪-౮-౧)
పవ॑మాన॒: సువ॒ర్జన॑: | ప॒విత్రే॑ణ॒ విచ॑ర్షణిః |
యః పోతా॒ స పు॑నాతు మా | పు॒నన్తు॑ మా దేవజ॒నాః |
పు॒నన్తు॒ మన॑వో ధి॒యా | పు॒నన్తు॒ విశ్వ॑ ఆ॒యవ॑: |
జాత॑వేదః ప॒విత్ర॑వత్ | ప॒విత్రే॑ణ పునాహి మా |
శు॒క్రేణ॑ దేవ॒ దీద్య॑త్ | అగ్నే॒ క్రత్వా॒ క్రతూ॒గ్॒o రను॑ || ౧
యత్తే॑ ప॒విత్ర॑మ॒ర్చిషి॑ | అగ్నే॒ విత॑తమన్త॒రా |
బ్రహ్మ॒ తేన॑ పునీమహే | ఉ॒భాభ్యా”o దేవ సవితః |
ప॒విత్రే॑ణ స॒వేన॑ చ | ఇ॒దం బ్రహ్మ॑ పునీమహే |
వై॒శ్వ॒దే॒వీ పు॑న॒తీ దే॒వ్యాగా”త్ |
యస్యై॑ బ॒హ్వీస్త॒నువో॑ వీ॒తపృ॑ష్ఠాః |
తయా॒ మద॑న్తః సధ॒ మాద్యే॑షు |
వ॒యగ్గ్ స్యా॑మ॒ పత॑యో రయీ॒ణామ్ || ౨
వై॒శ్వా॒న॒రో ర॒శ్మిభి॑ర్మా పునాతు |
వాత॑: ప్రా॒ణేనే॑షి॒రో మ॑యో॒భూః |
ద్యావా॑పృథి॒వీ పయ॑సా॒ పయో॑భిః |
ఋ॒తావ॑రీ య॒జ్ఞియే॑ మా పునీతామ్ |
బృ॒హద్భి॑: సవిత॒స్తృభి॑: |
వర్షి॑ష్ఠైర్దేవ॒ మన్మ॑భిః |
అగ్నే॒ దక్షై”: పునాహి మా |
యేన॑ దే॒వా అపు॑నత |
యేనాపో॑ ది॒వ్యం కశ॑: |
తేన॑ ది॒వ్యేన॒ బ్రహ్మ॑ణా || ౩
ఇ॒దం బ్రహ్మ॑ పునీమహే |
యః పా॑వమా॒నీర॒ద్ధ్యేతి॑ |
ఋషి॑భి॒: సంభృ॑త॒గ్॒o రస”మ్ |
సర్వ॒గ్॒o స పూ॒తమ॑శ్నాతి |
స్వ॒ది॒తం మా॑త॒రిశ్వ॑నా |
పా॒వ॒మా॒నీర్యో అ॒ధ్యేతి॑ |
ఋషి॑భి॒: సంభృ॑త॒గ్॒o రస”మ్ |
తస్మై॒ సర॑స్వతీ దుహే |
క్షీ॒రగ్ం స॒ర్పిర్మధూ॑ద॒కమ్ |
పా॒వ॒మా॒నీః స్వ॒స్త్యయ॑నీః || ౪
సు॒దుఘా॒ హి పయ॑స్వతీః |
ఋషి॑భి॒: సంభృ॑తో॒ రస॑: |
బ్రా॒హ్మ॒ణేష్వ॒మృతగ్॑o హి॒తమ్ |
పా॒వ॒మా॒నీర్ది॑శన్తు నః |
ఇ॒మం లో॒కమథో॑ అ॒ముమ్ |
కామా॒న్‍థ్సమ॑ర్ధయన్తు నః |
దే॒వీర్దే॒వైః స॒మాభృ॑తాః |
పా॒వ॒మా॒నీః స్వ॒స్త్యయ॑నీః |
సు॒దుఘా॒ హి ఘృ॑త॒శ్చుత॑: |
ఋషి॑భి॒: సంభృ॑తో॒ రస॑: || ౫
బ్రా॒హ్మ॒ణేష్వ॒మృతగ్॑o హి॒తమ్ | యేన॑ దే॒వాః ప॒విత్రే॑ణ |
ఆ॒త్మాన॑o పు॒నతే॒ సదా” |
తేన॑ స॒హస్ర॑ధారేణ | పా॒వ॒మా॒న్యః పు॑నన్తు మా |
ప్రా॒జా॒ప॒త్యం ప॒విత్ర”మ్ | శ॒తోద్యా॑మగ్ం హిర॒ణ్మయ”మ్ |
తేన॑ బ్రహ్మ॒విదో॑ వ॒యమ్ | పూ॒తం బ్రహ్మ॑ పునీమహే |
ఇన్ద్ర॑: సునీ॒తీ స॒హ మా॑ పునాతు | సోమ॑: స్వ॒స్త్యా వరు॑ణః స॒మీచ్యా” |
య॒మో రాజా” ప్రమృ॒ణాభి॑: పునాతు మా | జా॒తవే॑దా మో॒ర్జయ॑న్త్యా పునాతు || ౬
(తై.ఆ.౧౦-౨౯-౪౭)
ఆపో॒ వా ఇ॒దగ్ం సర్వ॒o విశ్వా॑ భూ॒తాన్యాప॑: ప్రా॒ణా వా ఆప॑: ప॒శవ॒ ఆపోఽన్న॒మాపోఽమృ॑త॒మాప॑: స॒మ్రాడాపో॑ వి॒రాడాప॑: స్వ॒రాడాప॒శ్ఛన్దా॒గ్॒స్యాపో॒ జ్యోతీ॒గ్॒ష్యాపో॒ యజూ॒గ్॒ష్యాప॑: స॒త్యమాప॒: సర్వా॑ దే॒వతా॒ ఆపో॒ భూర్భువ॒: సువ॒రాప॒ ఓమ్ ||
(తై.బ్రా.౩-౨-౪-౧)
అ॒పః ప్రణ॑యతి |
శ్ర॒ద్ధా వా ఆప॑: |
శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
య॒జ్ఞో వా ఆప॑: |
య॒జ్ఞమే॒వారభ్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
వజ్రో॒ వా ఆప॑: |
వజ్ర॑మే॒వ భ్రాతృ॑వ్యేభ్యః ప్రహృత్య॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
ఆపో॒ వై ర॑క్షో॒ఘ్నీః |
రక్ష॑సా॒మప॑హత్యై |
అ॒పః ప్రణ॑యతి |
ఆపో॒ వై దే॒వానా”o ప్రి॒యం ధామ॑ |
దే॒వానా॑మే॒వ ప్రి॒యం ధామ॑ ప్ర॒ణీయ॒ ప్రచ॑రతి |
అ॒పః ప్రణ॑యతి |
ఆపో॒ వై సర్వా॑ దే॒వతా”: | దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి ||
శ్రీ రుద్రాయ నమః | మలాపకర్షణస్నానం సమర్పయామి |
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
