Read in తెలుగు / ಕನ್ನಡ / தமிழ் / देवनागरी / English (IAST)
అథాత్మానగ్ం (శివాత్మానగ్ం) శ్రీరుద్రరూపం ధ్యాయేత్ ||
శుద్ధస్ఫటికసఙ్కాశం త్రినేత్రం పఞ్చవక్త్రకమ్ |
గఙ్గాధరం దశభుజం సర్పాభరణభూషితమ్ || [సర్వా]
నీలగ్రీవం శశాఙ్కాఙ్కం నాగయజ్ఞోపవీతినమ్ |
వ్యాఘ్రచర్మోత్తరీయం చ వరేణ్యమభయప్రదమ్ ||
కమణ్డల్వక్షసూత్రాభ్యామన్వితం శూలపాణినమ్ | [-ణాం ధారిణం]
జ్వలన్తం పిఙ్గలజటా శిఖామధ్యోదధారిణమ్ || [-ముద్యోతకారిణమ్]
వృషస్కన్ధసమారూఢం ఉమాదేహార్ధధారిణమ్ |
అమృతేనాప్లుతం శాన్తం దివ్యభోగసమన్వితమ్ ||
దిగ్దేవతాసమాయుక్తం సురాసురనమస్కృతమ్ |
నిత్యం చ శాశ్వతం శుద్ధం ధ్రువమక్షరమవ్యయమ్ ||
సర్వవ్యాపినమీశానం రుద్రం వై విశ్వరూపిణమ్ |
ఏవం ధ్యాత్వా ద్విజః సమ్యక్ తతో యజనమారభేత్ ||
(బోధాయన-గృహ్యసూత్రం-౨.౧౮)
అథాతో రుద్రస్నానార్చన విధిం వ్యాఖ్యాస్యామః |
ఆదిత ఏవ తీర్థే స్నాత్వోదేత్యాహతం వాసః పరిధాయ శుచిః ప్రయతో బ్రహ్మచారీ శుక్లవాసాః ఈశనస్య ప్రతికృతిం కృత్వా తస్య దక్షిణప్రత్యగ్దేశే తన్ముఖః స్థిత్వా ఆత్మని దేవతాః స్థాపయేత్ |
ప్రజననే బ్రహ్మా తిష్ఠతు |
పాదయోర్విష్ణుస్తిష్ఠతు |
హస్తయోర్హరస్తిష్ఠతు |
బాహ్వోరిన్ద్రస్తిష్ఠతు |
జఠరే అగ్నిస్తిష్ఠతు |
(ఉదరే పృథివీ తిష్ఠతు |)
హృదయే శివస్తిష్ఠతు |
కణ్ఠే వసవస్తిష్ఠన్తు |
వక్త్రే సరస్వతీ తిష్ఠతు |
నాసికయోర్వాయుస్తిష్ఠతు |
నయనయోశ్చన్ద్రాదిత్యౌ తిష్ఠేతామ్ |
కర్ణయోరశ్వినౌ తిష్ఠేతామ్ |
లలాటే రుద్రాస్తిష్ఠన్తు |
మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు |
శిఖాయాం వామదేవస్తిష్ఠతు |
పృష్ఠే పినాకీ తిష్ఠతు |
పురతః శూలీ తిష్ఠతు |
పార్శ్వయోః శివాశంకరౌ తిష్ఠేతామ్ |
సర్వతో వాయుస్తిష్ఠతు |
తతో బహిః సర్వతోఽగ్నిజ్వాలామాలాః పరివృతస్తిష్ఠతు |
సర్వేష్వఙ్గేషు సర్వాదేవతా యథాస్థానం తిష్ఠన్తు |
మాగ్ం రక్షన్తు | (యజమానగ్ం రక్షన్తు)
అ॒గ్నిర్మే॑ వా॒చి శ్రి॒తః |
వాగ్ఘృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
వా॒యుర్మే” ప్రా॒ణే శ్రి॒తః |
ప్రా॒ణో హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
సూర్యో॑ మే॒ చక్షు॑షి శ్రి॒తః |
చక్షు॒ర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
చ॒న్ద్రమా॑ మే॒ మన॑సి శ్రి॒తః |
మనో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
దిశో॑ మే॒ శ్రోత్రే” శ్రి॒తాః |
శ్రోత్ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆపో॑ మే॒ రేత॑సి శ్రి॒తాః |
రేతో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పృ॒థి॒వీ మే॒ శరీ॑రే శ్రి॒తా |
శరీ॑ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఓ॒ష॒ధి॒వ॒న॒స్ప॒తయో॑ మే॒ లోమ॑సు శ్రి॒తాః |
లోమా॑ని॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఇన్ద్రో॑ మే॒ బలే” శ్రి॒తః |
బల॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ప॒ర్జన్యో॑ మే మూ॒ర్ధ్ని శ్రి॒తః |
మూ॒ర్ధా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఈశా॑నో మే మ॒న్యౌ శ్రి॒తః |
మ॒న్యుర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆ॒త్మా మ॑ ఆ॒త్మని॑ శ్రి॒తః |
ఆ॒త్మా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పున॑ర్మ ఆ॒త్మా పున॒రాయు॒రాగా”త్ |
పున॑: ప్రా॒ణః పున॒రాకూ॑త॒మాగా”త్ |
వై॒శ్వా॒న॒రో ర॒శ్మిభి॑ర్వావృధా॒నః |
అ॒న్తస్తి॑ష్ఠత్వ॒మృత॑స్య గో॒పాః ||
(* అగ్నిర్వాయుః సూర్యశ్చన్ద్రమా దిశ ఆపః పృథివ్యోషధివనస్పతయ ఇన్ద్రః పర్జన్య ఈశన ఆత్మా పునర్మే త్రయోదశ *)
ఏవం యథాలిఙ్గమఙ్గాని సంమృజ్య |
సంపూర్ణ మహాన్యాస సూచిక చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
