Read in తెలుగు / ಕನ್ನಡ / தமிழ் / देवनागरी / English (IAST)
hē svāminātha karuṇākara dīnabandhō
śrīpārvatīśamukhapaṅkajapadmabandhō |
śrīśādidēvagaṇapūjitapādapadma
vallīśanātha mama dēhi karāvalambam || 1 ||
dēvādidēvasuta dēvagaṇādhinātha [nuta]
dēvēndravandya mr̥dupaṅkajamañjupāda |
dēvarṣināradamunīndrasugītakīrtē
vallīśanātha mama dēhi karāvalambam || 2 ||
nityānnadānaniratākhilarōgahārin
tasmātpradānaparipūritabhaktakāma | [bhāgya]
śrutyāgamapraṇavavācyanijasvarūpa
vallīśanātha mama dēhi karāvalambam || 3 ||
krauñcāsurēndraparikhaṇḍanaśaktiśūla-
-pāśādiśastraparimaṇḍitadivyapāṇē | [cāpādi]
śrīkuṇḍalīśadharatuṇḍaśikhīndravāha
vallīśanātha mama dēhi karāvalambam || 4 ||
dēvādidēva rathamaṇḍalamadhyavēdya
dēvēndrapīṭhanagaraṁ dr̥ḍhacāpahastam |
śūraṁ nihatya surakōṭibhirīḍyamāna
vallīśanātha mama dēhi karāvalambam || 5 ||
hīrādiratnamaṇiyuktakirīṭahāra [hārādi]
kēyūrakuṇḍalalasatkavacābhirāmam |
hē vīra tāraka jayā:’marabr̥ndavandya
vallīśanātha mama dēhi karāvalambam || 6 ||
pañcākṣarādimanumantritagāṅgatōyaiḥ
pañcāmr̥taiḥ pramuditēndramukhairmunīndraiḥ |
paṭ-ṭābhiṣikta hariyukta parāsanātha
vallīśanātha mama dēhi karāvalambam || 7 ||
śrīkārtikēya karuṇāmr̥tapūrṇadr̥ṣṭyā
kāmādirōgakaluṣīkr̥taduṣṭacittam |
siktvā tu māmavakalādhara kāntikāntyā
vallīśanātha mama dēhi karāvalambam || 8 ||
subrahmaṇyāṣṭakaṁ puṇyaṁ yē paṭhanti dvijōttamāḥ |
tē sarvē muktimāyānti subrahmaṇya prasādataḥ || 9 ||
subrahmaṇyāṣṭakamidaṁ prātarutthāya yaḥ paṭhēt |
kōṭijanmakr̥taṁ pāpaṁ tat-kṣaṇādēva naśyati || 10 ||
iti śrī subrahmaṇyāṣṭakam |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
